| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. बोधिसिञ्चकत्थेरअपदानं
9. Bodhisiñcakattheraapadānaṃ
४६.
46.
‘‘विपस्सिस्स भगवतो, महाबोधिमहो अहु।
‘‘Vipassissa bhagavato, mahābodhimaho ahu;
पब्बज्जुपगतो सन्तो, उपगच्छिं अहं तदा॥
Pabbajjupagato santo, upagacchiṃ ahaṃ tadā.
४७.
47.
‘‘कुसुमोदकमादाय , बोधिया ओकिरिं अहं।
‘‘Kusumodakamādāya , bodhiyā okiriṃ ahaṃ;
मोचयिस्सति नो मुत्तो, निब्बापेस्सति निब्बुतो॥
Mocayissati no mutto, nibbāpessati nibbuto.
४८.
48.
‘‘एकनवुतितो कप्पे, यं बोधिमभिसिञ्चयिं।
‘‘Ekanavutito kappe, yaṃ bodhimabhisiñcayiṃ;
दुग्गतिं नाभिजानामि, बोधिसिञ्चायिदं फलं॥
Duggatiṃ nābhijānāmi, bodhisiñcāyidaṃ phalaṃ.
४९.
49.
‘‘तेत्तिंसे वत्तमानम्हि, कप्पे आसुं जनाधिपा।
‘‘Tettiṃse vattamānamhi, kappe āsuṃ janādhipā;
उदकसेचना नाम, अट्ठेते चक्कवत्तिनो॥
Udakasecanā nāma, aṭṭhete cakkavattino.
५०.
50.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा बोधिसिञ्चको थेरो इमा गाथायो अभासित्थाति।
Itthaṃ sudaṃ āyasmā bodhisiñcako thero imā gāthāyo abhāsitthāti.
बोधिसिञ्चकत्थेरस्सापदानं नवमं।
Bodhisiñcakattherassāpadānaṃ navamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ९. बोधिसिञ्चकत्थेरअपदानवण्णना • 9. Bodhisiñcakattheraapadānavaṇṇanā
