| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
2. பி³ளாரங்க³பஞ்ஹோ
2. Biḷāraṅgapañho
2. ‘‘ப⁴ந்தே நாக³ஸேன, ‘பி³ளாரஸ்ஸ த்³வே அங்கா³னி க³ஹேதப்³பா³னீ’தி யங் வதே³ஸி, கதமானி தானி த்³வே அங்கா³னி க³ஹேதப்³பா³னீ’’தி? ‘‘யதா², மஹாராஜ, பி³ளாரோ கு³ஹாக³தோபி ஸுஸிரக³தோபி ஹம்மியந்தரக³தோபி உந்தூ³ரங் யேவ பரியேஸதி, ஏவமேவ கோ², மஹாராஜ, யோகி³னா யோகா³வசரேன கா³மக³தேனாபி அரஞ்ஞக³தேனாபி ருக்க²மூலக³தேனாபி ஸுஞ்ஞாகா³ரக³தேனாபி ஸததங் ஸமிதங் அப்பமத்தேன காயக³தாஸதிபோ⁴ஜனங் யேவ பரியேஸிதப்³ப³ங். இத³ங், மஹாராஜ, பி³ளாரஸ்ஸ பட²மங் அங்க³ங் க³ஹேதப்³ப³ங்.
2. ‘‘Bhante nāgasena, ‘biḷārassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, biḷāro guhāgatopi susiragatopi hammiyantaragatopi undūraṃ yeva pariyesati, evameva kho, mahārāja, yoginā yogāvacarena gāmagatenāpi araññagatenāpi rukkhamūlagatenāpi suññāgāragatenāpi satataṃ samitaṃ appamattena kāyagatāsatibhojanaṃ yeva pariyesitabbaṃ. Idaṃ, mahārāja, biḷārassa paṭhamaṃ aṅgaṃ gahetabbaṃ.
‘‘புன சபரங், மஹாராஜ, பி³ளாரோ ஆஸன்னே யேவ கோ³சரங் பரியேஸதி, ஏவமேவ கோ², மஹாராஜ, யோகி³னா யோகா³வசரேன இமேஸு யேவ பஞ்சஸு உபாதா³னக்க²ந்தே⁴ஸு உத³யப்³ப³யானுபஸ்ஸினா விஹரிதப்³ப³ங் ‘இதி ரூபங் இதி ரூபஸ்ஸ ஸமுத³யோ இதி ரூபஸ்ஸ அத்த²ங்க³மோ, இதி வேத³னா இதி வேத³னாய ஸமுத³யோ இதி வேத³னாய அத்த²ங்க³மோ, இதி ஸஞ்ஞா இதி ஸஞ்ஞாய ஸமுத³யோ இதி ஸஞ்ஞாய அத்த²ங்க³மோ, இதி ஸங்கா²ரா இதி ஸங்கா²ரானங் ஸமுத³யோ இதி ஸங்கா²ரானங் அத்த²ங்க³மோ, இதி விஞ்ஞாணங் இதி விஞ்ஞாணஸ்ஸ ஸமுத³யோ இதி விஞ்ஞாணஸ்ஸ அத்த²ங்க³மோ’தி. இத³ங், மஹாராஜ, பி³ளாரஸ்ஸ து³தியங் அங்க³ங் க³ஹேதப்³ப³ங். பா⁴ஸிதம்பேதங், மஹாராஜ, ப⁴க³வதா தே³வாதிதே³வேன –
‘‘Puna caparaṃ, mahārāja, biḷāro āsanne yeva gocaraṃ pariyesati, evameva kho, mahārāja, yoginā yogāvacarena imesu yeva pañcasu upādānakkhandhesu udayabbayānupassinā viharitabbaṃ ‘iti rūpaṃ iti rūpassa samudayo iti rūpassa atthaṅgamo, iti vedanā iti vedanāya samudayo iti vedanāya atthaṅgamo, iti saññā iti saññāya samudayo iti saññāya atthaṅgamo, iti saṅkhārā iti saṅkhārānaṃ samudayo iti saṅkhārānaṃ atthaṅgamo, iti viññāṇaṃ iti viññāṇassa samudayo iti viññāṇassa atthaṅgamo’ti. Idaṃ, mahārāja, biḷārassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –
‘‘‘ந இதோ தூ³ரே ப⁴விதப்³ப³ங், ப⁴வக்³க³ங் கிங் கரிஸ்ஸதி;
‘‘‘Na ito dūre bhavitabbaṃ, bhavaggaṃ kiṃ karissati;
பச்சுப்பன்னம்ஹி வோஹாரே, ஸகே காயம்ஹி விந்த³தா²’’’தி.
Paccuppannamhi vohāre, sake kāyamhi vindathā’’’ti.
பி³ளாரங்க³பஞ்ஹோ து³தியோ.
Biḷāraṅgapañho dutiyo.
