| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. ពិឡាលិទាយកត្ថេរអបទានំ
5. Biḷālidāyakattheraapadānaṃ
១៨.
18.
‘‘ហិមវន្តស្សាវិទូរេ , រោមសោ នាម បព្ពតោ;
‘‘Himavantassāvidūre , romaso nāma pabbato;
តម្ហិ បព្ពតបាទម្ហិ, សមណោ ភាវិតិន្ទ្រិយោ។
Tamhi pabbatapādamhi, samaṇo bhāvitindriyo.
១៩.
19.
‘‘ពិឡាលិយោ គហេត្វាន, សមណស្ស អទាសហំ;
‘‘Biḷāliyo gahetvāna, samaṇassa adāsahaṃ;
អនុមោទិ មហាវីរោ, សយម្ភូ អបរាជិតោ។
Anumodi mahāvīro, sayambhū aparājito.
២០.
20.
‘‘ពិឡាលី តេ មម ទិន្នា, វិប្បសន្នេន ចេតសា;
‘‘Biḷālī te mama dinnā, vippasannena cetasā;
ភវេ និព្ពត្តមានម្ហិ, ផលំ និព្ពត្តតំ តវ។
Bhave nibbattamānamhi, phalaṃ nibbattataṃ tava.
២១.
21.
‘‘ចតុន្នវុតិតោ កប្បេ, យំ ពិឡាលិមទាសហំ;
‘‘Catunnavutito kappe, yaṃ biḷālimadāsahaṃ;
ទុគ្គតិំ នាភិជានាមិ, ពិឡាលិយា ឥទំ ផលំ។
Duggatiṃ nābhijānāmi, biḷāliyā idaṃ phalaṃ.
២២.
22.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ពិឡាលិទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā biḷālidāyako thero imā gāthāyo abhāsitthāti.
ពិឡាលិទាយកត្ថេរស្សាបទានំ បញ្ចមំ។
Biḷālidāyakattherassāpadānaṃ pañcamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. អាកាសុក្ខិបិយត្ថេរអបទានាទិវណ្ណនា • 1-10. Ākāsukkhipiyattheraapadānādivaṇṇanā
