| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဗီဇသုတ္တဝဏ္ဏနာ
2. Bījasuttavaṇṇanā
၅၄. ဗီဇဇာတာနီတိ ဇာတ-သဒ္ဒော ပဒပူရဏမတ္တန္တိ အာဟ ‘‘ဗီဇာနီ’’တိ။ ဝစန္တိ သေတဝစံ။ အဇ္ဇုကန္တိ တစ္ဆကံ။ ဖဏိဇ္ဇကံ တုလသိ။ အဘိန္နာနီတိ ဧကဒေသေနပိ အခဏ္ဍိတာနိ။ ဗီဇတ္ထာယာတိ ဗီဇကိစ္စာယ။ န ဥပကပ္ပတီတိ ပစ္စယော န ဟောတီတိ ဒသ္သေတိ။ န ပာပိတာနီတိ ပူတိတံ န ဥပဂတာနိ။ တဏ္ဍုလသာရသ္သ အာဒာနတော သာရာဒာနိ။ အာရမ္မဏဂ္ဂဟဏဝသေန ဝိညာဏံ တိဋ္ဌတိ ဧတ္ထာတိ ဝိညာဏဋ္ဌိတိယော။ အာရမ္မဏဝသေနာတိ အာရမ္မဏဘာဝဝသေန။ သိနေဟနဋ္ဌေနာတိ တဏ္ဟာယနဝသေန သိနိဒ္ဓတာပာဒနေန, ယတော ‘‘နန္ဒူပသေစန’’န္တိ ဝုတ္တံ။ တထာ ဟိ ဝိရောပိတံ တံ ကမ္မဝိညာဏံ ပဋိသန္ဓိအင္ကုရုပ္ပာဒနသမတ္ထံ ဟောတိ။ သပ္ပစ္စယန္တိ အဝိဇ္ဇာအယောနိသောနမနသိကာရာဒိပစ္စယေဟိ သပ္ပစ္စယံ။ ဝိရုဟတိ ဝိပာကသန္တာနုပ္ပာဒနသမတ္ထော ဟုတ္ဝာ။
54.Bījajātānīti jāta-saddo padapūraṇamattanti āha ‘‘bījānī’’ti. Vacanti setavacaṃ. Ajjukanti tacchakaṃ. Phaṇijjakaṃ tulasi. Abhinnānīti ekadesenapi akhaṇḍitāni. Bījatthāyāti bījakiccāya. Na upakappatīti paccayo na hotīti dasseti. Na pāpitānīti pūtitaṃ na upagatāni. Taṇḍulasārassa ādānato sārādāni. Ārammaṇaggahaṇavasena viññāṇaṃ tiṭṭhati etthāti viññāṇaṭṭhitiyo. Ārammaṇavasenāti ārammaṇabhāvavasena. Sinehanaṭṭhenāti taṇhāyanavasena siniddhatāpādanena, yato ‘‘nandūpasecana’’nti vuttaṃ. Tathā hi viropitaṃ taṃ kammaviññāṇaṃ paṭisandhiaṅkuruppādanasamatthaṃ hoti. Sappaccayanti avijjāayonisonamanasikārādipaccayehi sappaccayaṃ. Viruhati vipākasantānuppādanasamattho hutvā.
ဗီဇသုတ္တဝဏ္ဏနာ နိဋ္ဌိတာ။
Bījasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဗီဇသုတ္တံ • 2. Bījasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ဗီဇသုတ္တဝဏ္ဏနာ • 2. Bījasuttavaṇṇanā
