| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
๒. ภูตคามวโคฺค
2. Bhūtagāmavaggo
๑๖๖. ภูตคามํ ปาเตโนฺต เทฺว อาปตฺติโย อาปชฺชติฯ ปาเตติ, ปโยเค ทุกฺกฎํ; ปหาเร ปหาเร อาปตฺติ ปาจิตฺติยสฺสฯ
166. Bhūtagāmaṃ pātento dve āpattiyo āpajjati. Pāteti, payoge dukkaṭaṃ; pahāre pahāre āpatti pācittiyassa.
อเญฺญนญฺญํ ปฎิจรโนฺต เทฺว อาปตฺติโย อาปชฺชติฯ อนาโรปิเต อญฺญวาทเก อเญฺญนญฺญํ ปฎิจรติ, อาปตฺติ ทุกฺกฎสฺส; อาโรปิเต อญฺญวาทเก อเญฺญนญฺญํ ปฎิจรติ, อาปตฺติ ปาจิตฺติยสฺสฯ
Aññenaññaṃ paṭicaranto dve āpattiyo āpajjati. Anāropite aññavādake aññenaññaṃ paṭicarati, āpatti dukkaṭassa; āropite aññavādake aññenaññaṃ paṭicarati, āpatti pācittiyassa.
ภิกฺขุํ อุชฺฌาเปโนฺต เทฺว อาปตฺติโย อาปชฺชติฯ อุชฺฌาเปติ, ปโยเค ทุกฺกฎํ; อุชฺฌาปิเต อาปตฺติ ปาจิตฺติยสฺสฯ
Bhikkhuṃ ujjhāpento dve āpattiyo āpajjati. Ujjhāpeti, payoge dukkaṭaṃ; ujjhāpite āpatti pācittiyassa.
สงฺฆิกํ มญฺจํ วา ปีฐํ วา ภิสิํ วา โกจฺฉํ วา อโชฺฌกาเส สนฺถริตฺวา อนุทฺธริตฺวา อนาปุจฺฉา ปกฺกมโนฺต เทฺว อาปตฺติโย อาปชฺชติฯ ปฐมํ ปาทํ เลฑฺฑุปาตํ อติกฺกาเมติ, อาปตฺติ ทุกฺกฎสฺส; ทุติยํ ปาทํ อติกฺกาเมติ, อาปตฺติ ปาจิตฺติยสฺสฯ
Saṅghikaṃ mañcaṃ vā pīṭhaṃ vā bhisiṃ vā kocchaṃ vā ajjhokāse santharitvā anuddharitvā anāpucchā pakkamanto dve āpattiyo āpajjati. Paṭhamaṃ pādaṃ leḍḍupātaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
สงฺฆิเก วิหาเร เสยฺยํ สนฺถริตฺวา อนุทฺธริตฺวา อนาปุจฺฉา ปกฺกมโนฺต เทฺว อาปตฺติโย อาปชฺชติฯ ปฐมํ ปาทํ ปริเกฺขปํ อติกฺกาเมติ, อาปตฺติ ทุกฺกฎสฺส; ทุติยํ ปาทํ อติกฺกาเมติ, อาปตฺติ ปาจิตฺติยสฺสฯ
Saṅghike vihāre seyyaṃ santharitvā anuddharitvā anāpucchā pakkamanto dve āpattiyo āpajjati. Paṭhamaṃ pādaṃ parikkhepaṃ atikkāmeti, āpatti dukkaṭassa; dutiyaṃ pādaṃ atikkāmeti, āpatti pācittiyassa.
สงฺฆิเก วิหาเร ชานํ ปุพฺพุปคตํ ภิกฺขุํ อนุปขชฺช เสยฺยํ กเปฺปโนฺต เทฺว อาปตฺติโย อาปชฺชติฯ นิปชฺชติ, ปโยเค ทุกฺกฎํ; นิปเนฺน อาปตฺติ ปาจิตฺติยสฺสฯ
Saṅghike vihāre jānaṃ pubbupagataṃ bhikkhuṃ anupakhajja seyyaṃ kappento dve āpattiyo āpajjati. Nipajjati, payoge dukkaṭaṃ; nipanne āpatti pācittiyassa.
ภิกฺขุํ กุปิโต อนตฺตมโน สงฺฆิกา วิหารา นิกฺกเฑฺฒโนฺต เทฺว อาปตฺติโย อาปชฺชติฯ นิกฺกฑฺฒติ, ปโยเค ทุกฺกฎํ; นิกฺกฑฺฒิเต อาปตฺติ ปาจิตฺติยสฺสฯ
Bhikkhuṃ kupito anattamano saṅghikā vihārā nikkaḍḍhento dve āpattiyo āpajjati. Nikkaḍḍhati, payoge dukkaṭaṃ; nikkaḍḍhite āpatti pācittiyassa.
สงฺฆิเก วิหาเร อุปริเวหาสกุฎิยา อาหจฺจปาทกํ มญฺจํ วา ปีฐํ วา อภินิสีทโนฺต เทฺว อาปตฺติโย อาปชฺชติฯ อภินิสีทติ, ปโยเค ทุกฺกฎํ; อภินิสิเนฺน อาปตฺติ ปาจิตฺติยสฺสฯ
Saṅghike vihāre uparivehāsakuṭiyā āhaccapādakaṃ mañcaṃ vā pīṭhaṃ vā abhinisīdanto dve āpattiyo āpajjati. Abhinisīdati, payoge dukkaṭaṃ; abhinisinne āpatti pācittiyassa.
ทฺวตฺติปริยาเย อธิฎฺฐหิตฺวา ตตุตฺตริ อธิฎฺฐหโนฺต เทฺว อาปตฺติโย อาปชฺชติฯ อธิเฎฺฐติ, ปโยเค ทุกฺกฎํ; อธิฎฺฐิเต อาปตฺติ ปาจิตฺติยสฺสฯ
Dvattipariyāye adhiṭṭhahitvā tatuttari adhiṭṭhahanto dve āpattiyo āpajjati. Adhiṭṭheti, payoge dukkaṭaṃ; adhiṭṭhite āpatti pācittiyassa.
ชานํ สปฺปาณกํ อุทกํ ติณํ วา มตฺติกํ วา สิญฺจโนฺต เทฺว อาปตฺติโย อาปชฺชติฯ สิญฺจติ, ปโยเค ทุกฺกฎํ; สิญฺจิเต อาปตฺติ ปาจิตฺติยสฺสฯ
Jānaṃ sappāṇakaṃ udakaṃ tiṇaṃ vā mattikaṃ vā siñcanto dve āpattiyo āpajjati. Siñcati, payoge dukkaṭaṃ; siñcite āpatti pācittiyassa.
ภูตคามวโคฺค ทุติโยฯ
Bhūtagāmavaggo dutiyo.
Related texts:
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / กตาปตฺติวาราทิวณฺณนา • Katāpattivārādivaṇṇanā
