| Library / Tipiṭaka / តិបិដក • Tipiṭaka / ចរិយាបិដកបាឡិ • Cariyāpiṭakapāḷi |
២. ភូរិទត្តចរិយា
2. Bhūridattacariyā
១១.
11.
‘‘បុនាបរំ យទា ហោមិ, ភូរិទត្តោ មហិទ្ធិកោ;
‘‘Punāparaṃ yadā homi, bhūridatto mahiddhiko;
វិរូបក្ខេន មហារញ្ញា, ទេវលោកមគញ្ឆហំ។
Virūpakkhena mahāraññā, devalokamagañchahaṃ.
១២.
12.
‘‘តត្ថ បស្សិត្វាហំ ទេវេ, ឯកន្តំ សុខសមប្បិតេ;
‘‘Tattha passitvāhaṃ deve, ekantaṃ sukhasamappite;
តំ សគ្គគមនត្ថាយ, សីលព្ពតំ សមាទិយិំ។
Taṃ saggagamanatthāya, sīlabbataṃ samādiyiṃ.
១៣.
13.
‘‘សរីរកិច្ចំ កត្វាន, ភុត្វា យាបនមត្តកំ;
‘‘Sarīrakiccaṃ katvāna, bhutvā yāpanamattakaṃ;
ចតុរោ អង្គេ អធិដ្ឋាយ, សេមិ វម្មិកមុទ្ធនិ។
Caturo aṅge adhiṭṭhāya, semi vammikamuddhani.
១៤.
14.
‘‘ឆវិយា ចម្មេន មំសេន, នហារុអដ្ឋិកេហិ វា;
‘‘Chaviyā cammena maṃsena, nahāruaṭṭhikehi vā;
យស្ស ឯតេន ករណីយំ, ទិន្នំយេវ ហរាតុ សោ។
Yassa etena karaṇīyaṃ, dinnaṃyeva harātu so.
១៥.
15.
បេឡាយ បក្ខិបិត្វាន, កីឡេតិ មំ តហិំ តហិំ។
Peḷāya pakkhipitvāna, kīḷeti maṃ tahiṃ tahiṃ.
១៦.
16.
‘‘បេឡាយ បក្ខិបន្តេបិ, សម្មទ្ទន្តេបិ បាណិនា;
‘‘Peḷāya pakkhipantepi, sammaddantepi pāṇinā;
១៧.
17.
‘‘សកជីវិតបរិច្ចាគោ , តិណតោ លហុកោ មម;
‘‘Sakajīvitapariccāgo , tiṇato lahuko mama;
សីលវីតិក្កមោ មយ្ហំ, បថវីឧប្បតនំ វិយ។
Sīlavītikkamo mayhaṃ, pathavīuppatanaṃ viya.
១៨.
18.
‘‘និរន្តរំ ជាតិសតំ, ចជេយ្យំ មម ជីវិតំ;
‘‘Nirantaraṃ jātisataṃ, cajeyyaṃ mama jīvitaṃ;
នេវ សីលំ បភិន្ទេយ្យំ, ចតុទ្ទីបាន ហេតុបិ។
Neva sīlaṃ pabhindeyyaṃ, catuddīpāna hetupi.
១៩.
19.
‘‘អបិ ចាហំ សីលរក្ខាយ, សីលបារមិបូរិយា;
‘‘Api cāhaṃ sīlarakkhāya, sīlapāramipūriyā;
ន ករោមិ ចិត្តេ អញ្ញថត្តំ, បក្ខិបន្តម្បិ បេឡកេ’’តិ។
Na karomi citte aññathattaṃ, pakkhipantampi peḷake’’ti.
ភូរិទត្តចរិយំ ទុតិយំ។
Bhūridattacariyaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចរិយាបិដក-អដ្ឋកថា • Cariyāpiṭaka-aṭṭhakathā / ២. ភូរិទត្តចរិយាវណ្ណនា • 2. Bhūridattacariyāvaṇṇanā
