| Library / Tipiṭaka / តិបិដក • Tipiṭaka / ចរិយាបិដកបាឡិ • Cariyāpiṭakapāḷi |
៣. ចម្បេយ្យនាគចរិយា
3. Campeyyanāgacariyā
២០.
20.
‘‘បុនាបរំ យទា ហោមិ, ចម្បេយ្យកោ មហិទ្ធិកោ;
‘‘Punāparaṃ yadā homi, campeyyako mahiddhiko;
តទាបិ ធម្មិកោ អាសិំ, សីលព្ពតសមប្បិតោ។
Tadāpi dhammiko āsiṃ, sīlabbatasamappito.
២១.
21.
‘‘តទាបិ មំ ធម្មចារិំ, ឧបវុត្ថំ ឧបោសថំ;
‘‘Tadāpi maṃ dhammacāriṃ, upavutthaṃ uposathaṃ;
អហិតុណ្ឌិកោ គហេត្វាន, រាជទ្វារម្ហិ កីឡតិ។
Ahituṇḍiko gahetvāna, rājadvāramhi kīḷati.
២២.
22.
‘‘យំ យំ សោ វណ្ណំ ចិន្តយិ, នីលំវ បីតលោហិតំ;
‘‘Yaṃ yaṃ so vaṇṇaṃ cintayi, nīlaṃva pītalohitaṃ;
តស្ស ចិត្តានុវត្តន្តោ, ហោមិ ចិន្តិតសន្និភោ។
Tassa cittānuvattanto, homi cintitasannibho.
២៣.
23.
‘‘ថលំ ករេយ្យមុទកំ, ឧទកម្បិ ថលំ ករេ;
‘‘Thalaṃ kareyyamudakaṃ, udakampi thalaṃ kare;
យទិហំ តស្ស បកុប្បេយ្យំ, ខណេន ឆារិកំ ករេ។
Yadihaṃ tassa pakuppeyyaṃ, khaṇena chārikaṃ kare.
២៤.
24.
‘‘យទិ ចិត្តវសី ហេស្សំ, បរិហាយិស្សាមិ សីលតោ;
‘‘Yadi cittavasī hessaṃ, parihāyissāmi sīlato;
សីលេន បរិហីនស្ស, ឧត្តមត្ថោ ន សិជ្ឈតិ។
Sīlena parihīnassa, uttamattho na sijjhati.
២៥.
25.
‘‘កាមំ ភិជ្ជតុយំ កាយោ, ឥធេវ វិកិរីយតុ;
‘‘Kāmaṃ bhijjatuyaṃ kāyo, idheva vikirīyatu;
នេវ សីលំ បភិន្ទេយ្យំ, វិកិរន្តេ ភុសំ វិយា’’តិ។
Neva sīlaṃ pabhindeyyaṃ, vikirante bhusaṃ viyā’’ti.
ចម្បេយ្យនាគចរិយំ តតិយំ។
Campeyyanāgacariyaṃ tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចរិយាបិដក-អដ្ឋកថា • Cariyāpiṭaka-aṭṭhakathā / ៣. ចម្បេយ្យនាគចរិយាវណ្ណនា • 3. Campeyyanāgacariyāvaṇṇanā
