| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๒. ภูริทตฺตจริยา
2. Bhūridattacariyā
๑๑.
11.
‘‘ปุนาปรํ ยทา โหมิ, ภูริทโตฺต มหิทฺธิโก;
‘‘Punāparaṃ yadā homi, bhūridatto mahiddhiko;
วิรูปเกฺขน มหารญฺญา, เทวโลกมคญฺฉหํฯ
Virūpakkhena mahāraññā, devalokamagañchahaṃ.
๑๒.
12.
‘‘ตตฺถ ปสฺสิตฺวาหํ เทเว, เอกนฺตํ สุขสมปฺปิเต;
‘‘Tattha passitvāhaṃ deve, ekantaṃ sukhasamappite;
ตํ สคฺคคมนตฺถาย, สีลพฺพตํ สมาทิยิํฯ
Taṃ saggagamanatthāya, sīlabbataṃ samādiyiṃ.
๑๓.
13.
‘‘สรีรกิจฺจํ กตฺวาน, ภุตฺวา ยาปนมตฺตกํ;
‘‘Sarīrakiccaṃ katvāna, bhutvā yāpanamattakaṃ;
จตุโร อเงฺค อธิฎฺฐาย, เสมิ วมฺมิกมุทฺธนิฯ
Caturo aṅge adhiṭṭhāya, semi vammikamuddhani.
๑๔.
14.
‘‘ฉวิยา จเมฺมน มํเสน, นหารุอฎฺฐิเกหิ วา;
‘‘Chaviyā cammena maṃsena, nahāruaṭṭhikehi vā;
ยสฺส เอเตน กรณียํ, ทินฺนํเยว หราตุ โสฯ
Yassa etena karaṇīyaṃ, dinnaṃyeva harātu so.
๑๕.
15.
เปฬาย ปกฺขิปิตฺวาน, กีเฬติ มํ ตหิํ ตหิํฯ
Peḷāya pakkhipitvāna, kīḷeti maṃ tahiṃ tahiṃ.
๑๖.
16.
‘‘เปฬาย ปกฺขิปเนฺตปิ, สมฺมทฺทเนฺตปิ ปาณินา;
‘‘Peḷāya pakkhipantepi, sammaddantepi pāṇinā;
๑๗.
17.
‘‘สกชีวิตปริจฺจาโค , ติณโต ลหุโก มม;
‘‘Sakajīvitapariccāgo , tiṇato lahuko mama;
สีลวีติกฺกโม มยฺหํ, ปถวีอุปฺปตนํ วิยฯ
Sīlavītikkamo mayhaṃ, pathavīuppatanaṃ viya.
๑๘.
18.
‘‘นิรนฺตรํ ชาติสตํ, จเชยฺยํ มม ชีวิตํ;
‘‘Nirantaraṃ jātisataṃ, cajeyyaṃ mama jīvitaṃ;
เนว สีลํ ปภิเนฺทยฺยํ, จตุทฺทีปาน เหตุปิฯ
Neva sīlaṃ pabhindeyyaṃ, catuddīpāna hetupi.
๑๙.
19.
‘‘อปิ จาหํ สีลรกฺขาย, สีลปารมิปูริยา;
‘‘Api cāhaṃ sīlarakkhāya, sīlapāramipūriyā;
น กโรมิ จิเตฺต อญฺญถตฺตํ, ปกฺขิปนฺตมฺปิ เปฬเก’’ติฯ
Na karomi citte aññathattaṃ, pakkhipantampi peḷake’’ti.
ภูริทตฺตจริยํ ทุติยํฯ
Bhūridattacariyaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๒. ภูริทตฺตจริยาวณฺณนา • 2. Bhūridattacariyāvaṇṇanā
