| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
14. භූමිනිද්දෙසො
14. Bhūminiddeso
භූමියොති –
Bhūmiyoti –
136.
136.
සම්මුතුස්සාවනන්තා ච, ගොනිසාදී ගහාපති;
Sammutussāvanantā ca, gonisādī gahāpati;
කප්පියා භූමියො යාසු, වුත්ථං පක්කඤ්ච කප්පති.
Kappiyā bhūmiyo yāsu, vutthaṃ pakkañca kappati.
137.
137.
වාසත්ථාය කතෙ ගෙහෙ, සඞ්ඝිකෙ වෙකසන්තකෙ;
Vāsatthāya kate gehe, saṅghike vekasantake;
කප්පියා කුටි ලද්ධබ්බා, සහසෙය්යප්පහොනකෙ.
Kappiyā kuṭi laddhabbā, sahaseyyappahonake.
138.
138.
ගෙහෙ සඞ්ඝස්ස වෙකස්ස, කරමානෙවමීරයං;
Gehe saṅghassa vekassa, karamānevamīrayaṃ;
පඨමිට්ඨකථම්භාදිං, ඨපෙය්යුස්සාවනන්තිකා;
Paṭhamiṭṭhakathambhādiṃ, ṭhapeyyussāvanantikā;
‘‘කප්පියකුටිං කරොම, කප්පියකුටිං කරොමා’’ති.
‘‘Kappiyakuṭiṃ karoma, kappiyakuṭiṃ karomā’’ti.
139.
139.
යෙභුය්යෙනාපරික්ඛිත්තො, ආරාමො සකලොපි වා;
Yebhuyyenāparikkhitto, ārāmo sakalopi vā;
වුච්චතෙ ‘‘ගොනිසාදී’’ති, සම්මුතී සඞ්ඝසම්මතා.
Vuccate ‘‘gonisādī’’ti, sammutī saṅghasammatā.
140.
140.
භික්ඛුං ඨපෙත්වා අඤ්ඤෙහි, දින්නො තෙසංව සන්තකො;
Bhikkhuṃ ṭhapetvā aññehi, dinno tesaṃva santako;
අත්ථාය කප්පකුටියා, ගෙහො ගහපතී මතො.
Atthāya kappakuṭiyā, geho gahapatī mato.
141.
141.
අකප්පකුටියා වුත්ථසප්පිආදීහි මිස්සිතං;
Akappakuṭiyā vutthasappiādīhi missitaṃ;
වජෙය්ය අන්තොවුත්ථත්තං, පුරිමං කාලිකද්වයං.
Vajeyya antovutthattaṃ, purimaṃ kālikadvayaṃ.
142.
142.
තෙහෙව භික්ඛුනා පක්කං, කප්පතෙ යාවජීවිකං;
Teheva bhikkhunā pakkaṃ, kappate yāvajīvikaṃ;
නිරාමිසංව සත්තාහං, සාමිසෙ සාමපාකතා.
Nirāmisaṃva sattāhaṃ, sāmise sāmapākatā.
143.
143.
උස්සාවනන්තිකා යෙහි, ථම්භාදීහි අධිට්ඨිතා;
Ussāvanantikā yehi, thambhādīhi adhiṭṭhitā;
තෙසුයෙවාපනීතෙසු, තදඤ්ඤෙසුපි තිට්ඨති.
Tesuyevāpanītesu, tadaññesupi tiṭṭhati.
144.
144.
සබ්බෙසු අපනීතෙසු, භවෙ ජහිතවත්ථුකා;
Sabbesu apanītesu, bhave jahitavatthukā;
ගොනිසාදී පරික්ඛිත්තෙ, සෙසා ඡදනවිබ්භමාති.
Gonisādī parikkhitte, sesā chadanavibbhamāti.
