| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
15. උපජ්ඣාචරියවත්තනිද්දෙසො
15. Upajjhācariyavattaniddeso
උපජ්ඣාචරියවත්තානීති –
Upajjhācariyavattānīti –
145.
145.
නිස්සායුපජ්ඣාචරියෙ, වසමානො සුපෙසලො;
Nissāyupajjhācariye, vasamāno supesalo;
දන්තකට්ඨාසනං තොයං, යාගුං කාලෙ දදෙ සදා.
Dantakaṭṭhāsanaṃ toyaṃ, yāguṃ kāle dade sadā.
146.
146.
පත්තෙ වත්තං චරෙ ගාම-ප්පවෙසෙ ගමනාගමෙ;
Patte vattaṃ care gāma-ppavese gamanāgame;
ආසනෙ පාදපීඨෙ ච, කථලොපාහනචීවරෙ.
Āsane pādapīṭhe ca, kathalopāhanacīvare.
147.
147.
පරිභොජනීයපානීය-වච්චප්පස්සාවඨානිසු ;
Paribhojanīyapānīya-vaccappassāvaṭhānisu ;
විහාරසොධනෙ වත්තං, පුන පඤ්ඤාපනෙ තථා.
Vihārasodhane vattaṃ, puna paññāpane tathā.
148.
148.
න පප්ඵොටෙය්ය සොධෙන්තො, පටිවාතෙ ච සඞ්ගණෙ;
Na papphoṭeyya sodhento, paṭivāte ca saṅgaṇe;
විහාරං භික්ඛු පානීය-සාමන්තා සයනාසනං.
Vihāraṃ bhikkhu pānīya-sāmantā sayanāsanaṃ.
149.
149.
න්හානෙ න්හාතස්ස කාතබ්බෙ, රඞ්ගපාකෙ ච ධොවනෙ;
Nhāne nhātassa kātabbe, raṅgapāke ca dhovane;
සිබ්බනෙ චීවරෙ ථෙවෙ, රජන්තො න වජෙ ඨිතෙ.
Sibbane cīvare theve, rajanto na vaje ṭhite.
150.
150.
එකච්චස්ස අනාපුච්ඡා, පත්තං වා චීවරානි වා;
Ekaccassa anāpucchā, pattaṃ vā cīvarāni vā;
න දදෙය්ය න ගණ්හෙය්ය, පරික්ඛාරඤ්ච කිඤ්චනං.
Na dadeyya na gaṇheyya, parikkhārañca kiñcanaṃ.
151.
151.
එකච්චං පච්ඡතො කාතුං, ගන්තුං වා තස්ස පච්ඡතො;
Ekaccaṃ pacchato kātuṃ, gantuṃ vā tassa pacchato;
පිණ්ඩපාතඤ්ච නින්නෙතුං, නීහරාපෙතුමත්තනො.
Piṇḍapātañca ninnetuṃ, nīharāpetumattano.
152.
152.
කිච්චයං පරිකම්මං වා, කෙසච්ඡෙදඤ්ච අත්තනො;
Kiccayaṃ parikammaṃ vā, kesacchedañca attano;
කාරාපෙතුං ව කාතුං වා, අනාපුච්ඡා න වට්ටති.
Kārāpetuṃ va kātuṃ vā, anāpucchā na vaṭṭati.
153.
153.
ගාමං සුසානං නිස්සීමං, දිසං වා ගන්තුමිච්ඡතො;
Gāmaṃ susānaṃ nissīmaṃ, disaṃ vā gantumicchato;
අත්තනො කිච්චයං වාපි, අනාපුච්ඡා න වට්ටති.
Attano kiccayaṃ vāpi, anāpucchā na vaṭṭati.
154.
154.
උප්පන්නං අරතිං දිට්ඨිං, කුක්කුච්චං වා විනොදයෙ;
Uppannaṃ aratiṃ diṭṭhiṃ, kukkuccaṃ vā vinodaye;
කරෙය්ය වාපි උස්සුක්කං, සඞ්ඝායත්තෙසු කම්මසු.
Kareyya vāpi ussukkaṃ, saṅghāyattesu kammasu.
155.
155.
ගිලානෙසු උපට්ඨෙය්ය, වුට්ඨානං නෙසමාගමෙ;
Gilānesu upaṭṭheyya, vuṭṭhānaṃ nesamāgame;
වත්තභෙදෙන සබ්බත්ථ, අනාදරෙන දුක්කටන්ති.
Vattabhedena sabbattha, anādarena dukkaṭanti.
