| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
16. වච්චපස්සාවට්ඨානිකනිද්දෙසො
16. Vaccapassāvaṭṭhānikaniddeso
වච්චපස්සාවට්ඨානිකන්ති –
Vaccapassāvaṭṭhānikanti –
156.
156.
න කරෙය්ය යථාවුඩ්ඪං, වච්චං යාතානුපුබ්බියා;
Na kareyya yathāvuḍḍhaṃ, vaccaṃ yātānupubbiyā;
වච්චපස්සාවකුටියො, න්හානතිත්ථඤ්ච ලබ්භති.
Vaccapassāvakuṭiyo, nhānatitthañca labbhati.
157.
157.
පවිසෙය්යුබ්භජිත්වා නො, සහසා පවිසෙය්ය ච;
Paviseyyubbhajitvā no, sahasā paviseyya ca;
උක්කාසිත්වාවුබ්භජෙය්ය, පාදුකාස්වෙව සණ්ඨිතො.
Ukkāsitvāvubbhajeyya, pādukāsveva saṇṭhito.
158.
158.
න කරෙ නිත්ථුනං වච්චං, දන්තකට්ඨඤ්ච ඛාදයං;
Na kare nitthunaṃ vaccaṃ, dantakaṭṭhañca khādayaṃ;
වච්චපස්සාවදොණීනං, න කරෙය්යුභයං බහි.
Vaccapassāvadoṇīnaṃ, na kareyyubhayaṃ bahi.
159.
159.
කූපෙ කට්ඨං න පාතෙය්ය, ඛෙළං පස්සාවදොණියා;
Kūpe kaṭṭhaṃ na pāteyya, kheḷaṃ passāvadoṇiyā;
නාවලෙඛෙය්ය ඵරුසෙ-නුහතඤ්චාපි ධොවයෙ.
Nāvalekheyya pharuse-nuhatañcāpi dhovaye.
160.
160.
න නික්ඛමෙය්ය සහසා-වුබ්භජිත්වා න නික්ඛමෙ;
Na nikkhameyya sahasā-vubbhajitvā na nikkhame;
චපු චපු නාචමෙය්ය, උක්ලාපඤ්ච විසොධයෙති.
Capu capu nācameyya, uklāpañca visodhayeti.
