| Library / Tipiṭaka / තිපිටක • Tipiṭaka / ඛුද්දසික්ඛා-මූලසික්ඛා • Khuddasikkhā-mūlasikkhā |
17. ආපුච්ඡකරණනිද්දෙසො
17. Āpucchakaraṇaniddeso
ආපුච්ඡකරණන්ති –
Āpucchakaraṇanti –
161.
161.
අනජ්ඣිට්ඨොව ථෙරෙන, පාතිමොක්ඛං න උද්දිසෙ;
Anajjhiṭṭhova therena, pātimokkhaṃ na uddise;
ධම්මං න කථයෙ පඤ්හං, න පුච්ඡෙ න ච විස්සජෙ.
Dhammaṃ na kathaye pañhaṃ, na pucche na ca vissaje.
162.
162.
ආපුච්ඡිත්වා කථෙන්තස්ස, පුන වුඩ්ඪතරාගමෙ;
Āpucchitvā kathentassa, puna vuḍḍhatarāgame;
පුන ආපුච්ඡනං නත්ථි, භත්තග්ගෙ චානුමොදතො.
Puna āpucchanaṃ natthi, bhattagge cānumodato.
163.
163.
වසන්තො ච අනාපුච්ඡා, වුඩ්ඪෙනෙකවිහාරකෙ;
Vasanto ca anāpucchā, vuḍḍhenekavihārake;
න සජ්ඣායෙය්ය උද්දෙසං, පරිපුච්ඡඤ්ච නො දදෙ.
Na sajjhāyeyya uddesaṃ, paripucchañca no dade.
164.
164.
ධම්මං න භාසයෙ දීපං, න කරෙ න ච විජ්ඣපෙ;
Dhammaṃ na bhāsaye dīpaṃ, na kare na ca vijjhape;
වාතපානං කවාටං වා, විවරෙය්ය ථකෙය්ය ච.
Vātapānaṃ kavāṭaṃ vā, vivareyya thakeyya ca.
165.
165.
චඞ්කමෙ චඞ්කමන්තොපි, වුඩ්ඪෙන පරිවත්තයෙ;
Caṅkame caṅkamantopi, vuḍḍhena parivattaye;
යෙන වුඩ්ඪො ස සඞ්ඝාටි-කණ්ණෙනෙනං න ඝට්ටයෙති.
Yena vuḍḍho sa saṅghāṭi-kaṇṇenenaṃ na ghaṭṭayeti.
