| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੬. ਭੂਮਿਜਸੁਤ੍ਤਂ
6. Bhūmijasuttaṃ
੨੨੩. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਅਥ ਖੋ ਆਯਸ੍ਮਾ ਭੂਮਿਜੋ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਜਯਸੇਨਸ੍ਸ ਰਾਜਕੁਮਾਰਸ੍ਸ ਨਿવੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ। ਅਥ ਖੋ ਜਯਸੇਨੋ ਰਾਜਕੁਮਾਰੋ ਯੇਨਾਯਸ੍ਮਾ ਭੂਮਿਜੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਤਾ ਭੂਮਿਜੇਨ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਜਯਸੇਨੋ ਰਾਜਕੁਮਾਰੋ ਆਯਸ੍ਮਨ੍ਤਂ ਭੂਮਿਜਂ ਏਤਦવੋਚ – ‘‘ਸਨ੍ਤਿ, ਭੋ ਭੂਮਿਜ, ਏਕੇ ਸਮਣਬ੍ਰਾਹ੍ਮਣਾ ਏવਂવਾਦਿਨੋ ਏવਂਦਿਟ੍ਠਿਨੋ – ‘ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ 1 ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ 2 ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯਾ’ਤਿ। ਇਧ ਭੋਤੋ ਭੂਮਿਜਸ੍ਸ ਸਤ੍ਥਾ ਕਿਂવਾਦੀ 3 ਕਿਮਕ੍ਖਾਯੀ’’ਤਿ? ‘‘ਨ ਖੋ ਮੇਤਂ, ਰਾਜਕੁਮਾਰ, ਭਗવਤੋ ਸਮ੍ਮੁਖਾ ਸੁਤਂ, ਸਮ੍ਮੁਖਾ ਪਟਿਗ੍ਗਹਿਤਂ। ਠਾਨਞ੍ਚ ਖੋ ਏਤਂ વਿਜ੍ਜਤਿ ਯਂ ਭਗવਾ ਏવਂ ਬ੍ਯਾਕਰੇਯ੍ਯ – ‘ਆਸਞ੍ਚੇਪਿ ਕਰਿਤ੍વਾ ਅਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ ; ਅਨਾਸਞ੍ਚੇਪਿ ਕਰਿਤ੍વਾ ਅਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਅਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਅਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ। ਆਸਞ੍ਚੇਪਿ ਕਰਿਤ੍વਾ ਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ ; ਅਨਾਸਞ੍ਚੇਪਿ ਕਰਿਤ੍વਾ ਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯਾ’ਤਿ। ਨ ਖੋ ਮੇ ਤਂ, ਰਾਜਕੁਮਾਰ, ਭਗવਤੋ ਸਮ੍ਮੁਖਾ ਸੁਤਂ, ਸਮ੍ਮੁਖਾ ਪਟਿਗ੍ਗਹਿਤਂ। ਠਾਨਞ੍ਚ ਖੋ ਏਤਂ વਿਜ੍ਜਤਿ ਯਂ ਭਗવਾ ਏવਂ ਬ੍ਯਾਕਰੇਯ੍ਯਾ’’ਤਿ। ‘‘ਸਚੇ ਖੋ ਭੋਤੋ ਭੂਮਿਜਸ੍ਸ ਸਤ੍ਥਾ ਏવਂવਾਦੀ 4 ਏવਮਕ੍ਖਾਯੀ, ਅਦ੍ਧਾ ਭੋਤੋ ਭੂਮਿਜਸ੍ਸ ਸਤ੍ਥਾ ਸਬ੍ਬੇਸਂਯੇવ ਪੁਥੁਸਮਣਬ੍ਰਾਹ੍ਮਣਾਨਂ ਮੁਦ੍ਧਾਨਂ 5 ਮਞ੍ਞੇ ਆਹਚ੍ਚ ਤਿਟ੍ਠਤੀ’’ਤਿ । ਅਥ ਖੋ ਜਯਸੇਨੋ ਰਾਜਕੁਮਾਰੋ ਆਯਸ੍ਮਨ੍ਤਂ ਭੂਮਿਜਂ ਸਕੇਨੇવ ਥਾਲਿਪਾਕੇਨ ਪਰਿવਿਸਿ।
223. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho āyasmā bhūmijo pubbaṇhasamayaṃ nivāsetvā pattacīvaramādāya yena jayasenassa rājakumārassa nivesanaṃ tenupasaṅkami; upasaṅkamitvā paññatte āsane nisīdi. Atha kho jayaseno rājakumāro yenāyasmā bhūmijo tenupasaṅkami; upasaṅkamitvā āyasmatā bhūmijena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho jayaseno rājakumāro āyasmantaṃ bhūmijaṃ etadavoca – ‘‘santi, bho bhūmija, eke samaṇabrāhmaṇā evaṃvādino evaṃdiṭṭhino – ‘āsañcepi karitvā brahmacariyaṃ caranti, abhabbā 6 phalassa adhigamāya; anāsañcepi 7 karitvā brahmacariyaṃ caranti, abhabbā phalassa adhigamāya; āsañca anāsañcepi karitvā brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā brahmacariyaṃ caranti, abhabbā phalassa adhigamāyā’ti. Idha bhoto bhūmijassa satthā kiṃvādī 8 kimakkhāyī’’ti? ‘‘Na kho metaṃ, rājakumāra, bhagavato sammukhā sutaṃ, sammukhā paṭiggahitaṃ. Ṭhānañca kho etaṃ vijjati yaṃ bhagavā evaṃ byākareyya – ‘āsañcepi karitvā ayoniso brahmacariyaṃ caranti, abhabbā phalassa adhigamāya ; anāsañcepi karitvā ayoniso brahmacariyaṃ caranti, abhabbā phalassa adhigamāya; āsañca anāsañcepi karitvā ayoniso brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā ayoniso brahmacariyaṃ caranti, abhabbā phalassa adhigamāya. Āsañcepi karitvā yoniso brahmacariyaṃ caranti, bhabbā phalassa adhigamāya ; anāsañcepi karitvā yoniso brahmacariyaṃ caranti, bhabbā phalassa adhigamāya; āsañca anāsañcepi karitvā yoniso brahmacariyaṃ caranti, bhabbā phalassa adhigamāya; nevāsaṃ nānāsañcepi karitvā yoniso brahmacariyaṃ caranti, bhabbā phalassa adhigamāyā’ti. Na kho me taṃ, rājakumāra, bhagavato sammukhā sutaṃ, sammukhā paṭiggahitaṃ. Ṭhānañca kho etaṃ vijjati yaṃ bhagavā evaṃ byākareyyā’’ti. ‘‘Sace kho bhoto bhūmijassa satthā evaṃvādī 9 evamakkhāyī, addhā bhoto bhūmijassa satthā sabbesaṃyeva puthusamaṇabrāhmaṇānaṃ muddhānaṃ 10 maññe āhacca tiṭṭhatī’’ti . Atha kho jayaseno rājakumāro āyasmantaṃ bhūmijaṃ sakeneva thālipākena parivisi.
੨੨੪. ਅਥ ਖੋ ਆਯਸ੍ਮਾ ਭੂਮਿਜੋ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਭੂਮਿਜੋ ਭਗવਨ੍ਤਂ ਏਤਦવੋਚ – ‘‘ਇਧਾਹਂ, ਭਨ੍ਤੇ, ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਜਯਸੇਨਸ੍ਸ ਰਾਜਕੁਮਾਰਸ੍ਸ ਨਿવੇਸਨਂ ਤੇਨੁਪਸਙ੍ਕਮਿਂ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿਂ। ਅਥ ਖੋ, ਭਨ੍ਤੇ, ਜਯਸੇਨੋ ਰਾਜਕੁਮਾਰੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਯਾ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ, ਭਨ੍ਤੇ, ਜਯਸੇਨੋ ਰਾਜਕੁਮਾਰੋ ਮਂ ਏਤਦવੋਚ – ‘ਸਨ੍ਤਿ, ਭੋ ਭੂਮਿਜ, ਏਕੇ ਸਮਣਬ੍ਰਾਹ੍ਮਣਾ ਏવਂવਾਦਿਨੋ ਏવਂਦਿਟ੍ਠਿਨੋ – ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯਾ’ਤਿ। ‘ਇਧ ਭੋਤੋ ਭੂਮਿਜਸ੍ਸ ਸਤ੍ਥਾ ਕਿਂવਾਦੀ ਕਿਮਕ੍ਖਾਯੀ’ਤਿ? ਏવਂ વੁਤ੍ਤੇ ਅਹਂ, ਭਨ੍ਤੇ, ਜਯਸੇਨਂ ਰਾਜਕੁਮਾਰਂ ਏਤਦવੋਚਂ – ‘ਨ ਖੋ ਮੇ ਤਂ, ਰਾਜਕੁਮਾਰ, ਭਗવਤੋ ਸਮ੍ਮੁਖਾ ਸੁਤਂ, ਸਮ੍ਮੁਖਾ ਪਟਿਗ੍ਗਹਿਤਂ। ਠਾਨਞ੍ਚ ਖੋ ਏਤਂ વਿਜ੍ਜਤਿ ਯਂ ਭਗવਾ ਏવਂ ਬ੍ਯਾਕਰੇਯ੍ਯ – ਆਸਞ੍ਚੇਪਿ ਕਰਿਤ੍વਾ ਅਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ ਅਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਅਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਅਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ। ਆਸਞ੍ਚੇਪਿ ਕਰਿਤ੍વਾ ਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਯੋਨਿਸੋ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯਾਤਿ। ਨ ਖੋ ਮੇ ਤਂ, ਰਾਜਕੁਮਾਰ, ਭਗવਤੋ ਸਮ੍ਮੁਖਾ ਸੁਤਂ, ਸਮ੍ਮੁਖਾ ਪਟਿਗ੍ਗਹਿਤਂ। ਠਾਨਞ੍ਚ ਖੋ ਏਤਂ વਿਜ੍ਜਤਿ ਯਂ ਭਗવਾ ਏવਂ ਬ੍ਯਾਕਰੇਯ੍ਯਾ’ਤਿ। ‘ਸਚੇ ਭੋਤੋ ਭੂਮਿਜਸ੍ਸ ਸਤ੍ਥਾ ਏવਂવਾਦੀ ਏવਮਕ੍ਖਾਯੀ, ਅਦ੍ਧਾ ਭੋਤੋ ਭੂਮਿਜਸ੍ਸ ਸਤ੍ਥਾ ਸਬ੍ਬੇਸਂਯੇવ ਪੁਥੁਸਮਣਬ੍ਰਾਹ੍ਮਣਾਨਂ ਮੁਦ੍ਧਾਨਂ ਮਞ੍ਞੇ ਆਹਚ੍ਚ ਤਿਟ੍ਠਤੀ’ਤਿ। ‘ਕਚ੍ਚਾਹਂ, ਭਨ੍ਤੇ, ਏવਂ ਪੁਟ੍ਠੋ ਏવਂ ਬ੍ਯਾਕਰਮਾਨੋ વੁਤ੍ਤવਾਦੀ ਚੇવ ਭਗવਤੋ ਹੋਮਿ, ਨ ਚ ਭਗવਨ੍ਤਂ ਅਭੂਤੇਨ ਅਬ੍ਭਾਚਿਕ੍ਖਾਮਿ, ਧਮ੍ਮਸ੍ਸ ਚਾਨੁਧਮ੍ਮਂ ਬ੍ਯਾਕਰੋਮਿ, ਨ ਚ ਕੋਚਿ ਸਹਧਮ੍ਮਿਕੋ વਾਦਾਨੁવਾਦੋ ਗਾਰਯ੍ਹਂ ਠਾਨਂ ਆਗਚ੍ਛਤੀ’’’ਤਿ?
224. Atha kho āyasmā bhūmijo pacchābhattaṃ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā bhūmijo bhagavantaṃ etadavoca – ‘‘idhāhaṃ, bhante, pubbaṇhasamayaṃ nivāsetvā pattacīvaramādāya yena jayasenassa rājakumārassa nivesanaṃ tenupasaṅkamiṃ; upasaṅkamitvā paññatte āsane nisīdiṃ. Atha kho, bhante, jayaseno rājakumāro yenāhaṃ tenupasaṅkami; upasaṅkamitvā mayā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho, bhante, jayaseno rājakumāro maṃ etadavoca – ‘santi, bho bhūmija, eke samaṇabrāhmaṇā evaṃvādino evaṃdiṭṭhino – āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā…pe… āsañca anāsañcepi karitvā brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā brahmacariyaṃ caranti, abhabbā phalassa adhigamāyā’ti. ‘Idha bhoto bhūmijassa satthā kiṃvādī kimakkhāyī’ti? Evaṃ vutte ahaṃ, bhante, jayasenaṃ rājakumāraṃ etadavocaṃ – ‘na kho me taṃ, rājakumāra, bhagavato sammukhā sutaṃ, sammukhā paṭiggahitaṃ. Ṭhānañca kho etaṃ vijjati yaṃ bhagavā evaṃ byākareyya – āsañcepi karitvā ayoniso brahmacariyaṃ caranti, abhabbā phalassa adhigamāya; anāsañcepi karitvā ayoniso brahmacariyaṃ caranti, abhabbā phalassa adhigamāya; āsañca anāsañcepi karitvā ayoniso brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā ayoniso brahmacariyaṃ caranti, abhabbā phalassa adhigamāya. Āsañcepi karitvā yoniso brahmacariyaṃ caranti, bhabbā phalassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā yoniso brahmacariyaṃ caranti, bhabbā phalassa adhigamāyāti. Na kho me taṃ, rājakumāra, bhagavato sammukhā sutaṃ, sammukhā paṭiggahitaṃ. Ṭhānañca kho etaṃ vijjati yaṃ bhagavā evaṃ byākareyyā’ti. ‘Sace bhoto bhūmijassa satthā evaṃvādī evamakkhāyī, addhā bhoto bhūmijassa satthā sabbesaṃyeva puthusamaṇabrāhmaṇānaṃ muddhānaṃ maññe āhacca tiṭṭhatī’ti. ‘Kaccāhaṃ, bhante, evaṃ puṭṭho evaṃ byākaramāno vuttavādī ceva bhagavato homi, na ca bhagavantaṃ abhūtena abbhācikkhāmi, dhammassa cānudhammaṃ byākaromi, na ca koci sahadhammiko vādānuvādo gārayhaṃ ṭhānaṃ āgacchatī’’’ti?
‘‘ਤਗ੍ਘ ਤ੍વਂ, ਭੂਮਿਜ, ਏવਂ ਪੁਟ੍ਠੋ ਏવਂ ਬ੍ਯਾਕਰਮਾਨੋ વੁਤ੍ਤવਾਦੀ ਚੇવ ਮੇ ਹੋਸਿ, ਨ ਚ ਮਂ ਅਭੂਤੇਨ ਅਬ੍ਭਾਚਿਕ੍ਖਸਿ, ਧਮ੍ਮਸ੍ਸ ਚਾਨੁਧਮ੍ਮਂ ਬ੍ਯਾਕਰੋਸਿ, ਨ ਚ ਕੋਚਿ ਸਹਧਮ੍ਮਿਕੋ વਾਦਾਨੁવਾਦੋ ਗਾਰਯ੍ਹਂ ਠਾਨਂ ਆਗਚ੍ਛਤਿ। ਯੇ ਹਿ ਕੇਚਿ, ਭੂਮਿਜ, ਸਮਣਾ વਾ ਬ੍ਰਾਹ੍ਮਣਾ વਾ ਮਿਚ੍ਛਾਦਿਟ੍ਠਿਨੋ ਮਿਚ੍ਛਾਸਙ੍ਕਪ੍ਪਾ ਮਿਚ੍ਛਾવਾਚਾ ਮਿਚ੍ਛਾਕਮ੍ਮਨ੍ਤਾ ਮਿਚ੍ਛਾਆਜੀવਾ ਮਿਚ੍ਛਾવਾਯਾਮਾ ਮਿਚ੍ਛਾਸਤੀ ਮਿਚ੍ਛਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
‘‘Taggha tvaṃ, bhūmija, evaṃ puṭṭho evaṃ byākaramāno vuttavādī ceva me hosi, na ca maṃ abhūtena abbhācikkhasi, dhammassa cānudhammaṃ byākarosi, na ca koci sahadhammiko vādānuvādo gārayhaṃ ṭhānaṃ āgacchati. Ye hi keci, bhūmija, samaṇā vā brāhmaṇā vā micchādiṭṭhino micchāsaṅkappā micchāvācā micchākammantā micchāājīvā micchāvāyāmā micchāsatī micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā brahmacariyaṃ caranti, abhabbā phalassa adhigamāya; āsañca anāsañcepi karitvā brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya.
੨੨੫. ‘‘ਸੇਯ੍ਯਥਾਪਿ, ਭੂਮਿਜ, ਪੁਰਿਸੋ ਤੇਲਤ੍ਥਿਕੋ ਤੇਲਗવੇਸੀ ਤੇਲਪਰਿਯੇਸਨਂ ਚਰਮਾਨੋ વਾਲਿਕਂ ਦੋਣਿਯਾ ਆਕਿਰਿਤ੍વਾ ਉਦਕੇਨ ਪਰਿਪ੍ਫੋਸਕਂ ਪਰਿਪ੍ਫੋਸਕਂ ਪੀਲ਼ੇਯ੍ਯ। ਆਸਞ੍ਚੇਪਿ ਕਰਿਤ੍વਾ વਾਲਿਕਂ ਦੋਣਿਯਾ ਆਕਿਰਿਤ੍વਾ ਉਦਕੇਨ ਪਰਿਪ੍ਫੋਸਕਂ ਪਰਿਪ੍ਫੋਸਕਂ ਪੀਲ਼ੇਯ੍ਯ, ਅਭਬ੍ਬੋ ਤੇਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ વਾਲਿਕਂ ਦੋਣਿਯਾ ਆਕਿਰਿਤ੍વਾ ਉਦਕੇਨ ਪਰਿਪ੍ਫੋਸਕਂ ਪਰਿਪ੍ਫੋਸਕਂ ਪੀਲ਼ੇਯ੍ਯ, ਅਭਬ੍ਬੋ ਤੇਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ વਾਲਿਕਂ ਦੋਣਿਯਾ ਆਕਿਰਿਤ੍વਾ ਉਦਕੇਨ ਪਰਿਪ੍ਫੋਸਕਂ ਪਰਿਪ੍ਫੋਸਕਂ ਪੀਲ਼ੇਯ੍ਯ, ਅਭਬ੍ਬੋ ਤੇਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ વਾਲਿਕਂ ਦੋਣਿਯਾ ਆਕਿਰਿਤ੍વਾ ਉਦਕੇਨ ਪਰਿਪ੍ਫੋਸਕਂ ਪਰਿਪ੍ਫੋਸਕਂ ਪੀਲ਼ੇਯ੍ਯ, ਅਭਬ੍ਬੋ ਤੇਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਤੇਲਸ੍ਸ ਅਧਿਗਮਾਯ। ਏવਮੇવ ਖੋ, ਭੂਮਿਜ, ਯੇ ਹਿ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾ ਮਿਚ੍ਛਾਦਿਟ੍ਠਿਨੋ ਮਿਚ੍ਛਾਸਙ੍ਕਪ੍ਪਾ ਮਿਚ੍ਛਾવਾਚਾ ਮਿਚ੍ਛਾਕਮ੍ਮਨ੍ਤਾ ਮਿਚ੍ਛਾਆਜੀવਾ ਮਿਚ੍ਛਾવਾਯਾਮਾ ਮਿਚ੍ਛਾਸਤੀ ਮਿਚ੍ਛਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
225. ‘‘Seyyathāpi, bhūmija, puriso telatthiko telagavesī telapariyesanaṃ caramāno vālikaṃ doṇiyā ākiritvā udakena paripphosakaṃ paripphosakaṃ pīḷeyya. Āsañcepi karitvā vālikaṃ doṇiyā ākiritvā udakena paripphosakaṃ paripphosakaṃ pīḷeyya, abhabbo telassa adhigamāya; anāsañcepi karitvā vālikaṃ doṇiyā ākiritvā udakena paripphosakaṃ paripphosakaṃ pīḷeyya, abhabbo telassa adhigamāya; āsañca anāsañcepi karitvā vālikaṃ doṇiyā ākiritvā udakena paripphosakaṃ paripphosakaṃ pīḷeyya, abhabbo telassa adhigamāya; nevāsaṃ nānāsañcepi karitvā vālikaṃ doṇiyā ākiritvā udakena paripphosakaṃ paripphosakaṃ pīḷeyya, abhabbo telassa adhigamāya. Taṃ kissa hetu? Ayoni hesā, bhūmija, telassa adhigamāya. Evameva kho, bhūmija, ye hi keci samaṇā vā brāhmaṇā vā micchādiṭṭhino micchāsaṅkappā micchāvācā micchākammantā micchāājīvā micchāvāyāmā micchāsatī micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā brahmacariyaṃ caranti, abhabbā phalassa adhigamāya; āsañca anāsañcepi karitvā brahmacariyaṃ caranti, abhabbā phalassa adhigamāya; nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya.
‘‘ਸੇਯ੍ਯਥਾਪਿ , ਭੂਮਿਜ, ਪੁਰਿਸੋ ਖੀਰਤ੍ਥਿਕੋ ਖੀਰਗવੇਸੀ ਖੀਰਪਰਿਯੇਸਨਂ ਚਰਮਾਨੋ ਗਾવਿਂ ਤਰੁਣવਚ੍ਛਂ વਿਸਾਣਤੋ ਆવਿਞ੍ਛੇਯ੍ਯ 11। ਆਸਞ੍ਚੇਪਿ ਕਰਿਤ੍વਾ ਗਾવਿਂ ਤਰੁਣવਚ੍ਛਂ વਿਸਾਣਤੋ ਆવਿਞ੍ਛੇਯ੍ਯ, ਅਭਬ੍ਬੋ ਖੀਰਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਗਾવਿਂ ਤਰੁਣવਚ੍ਛਂ વਿਸਾਣਤੋ ਆવਿਞ੍ਛੇਯ੍ਯ, ਅਭਬ੍ਬੋ ਖੀਰਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਖੀਰਸ੍ਸ ਅਧਿਗਮਾਯ। ਏવਮੇવ ਖੋ, ਭੂਮਿਜ, ਯੇ ਹਿ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾ ਮਿਚ੍ਛਾਦਿਟ੍ਠਿਨੋ…ਪੇ॰… ਮਿਚ੍ਛਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
‘‘Seyyathāpi , bhūmija, puriso khīratthiko khīragavesī khīrapariyesanaṃ caramāno gāviṃ taruṇavacchaṃ visāṇato āviñcheyya 12. Āsañcepi karitvā gāviṃ taruṇavacchaṃ visāṇato āviñcheyya, abhabbo khīrassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā gāviṃ taruṇavacchaṃ visāṇato āviñcheyya, abhabbo khīrassa adhigamāya. Taṃ kissa hetu? Ayoni hesā, bhūmija, khīrassa adhigamāya. Evameva kho, bhūmija, ye hi keci samaṇā vā brāhmaṇā vā micchādiṭṭhino…pe… micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya.
੨੨੬. ‘‘ਸੇਯ੍ਯਥਾਪਿ, ਭੂਮਿਜ, ਪੁਰਿਸੋ ਨવਨੀਤਤ੍ਥਿਕੋ ਨવਨੀਤਗવੇਸੀ ਨવਨੀਤਪਰਿਯੇਸਨਂ ਚਰਮਾਨੋ ਉਦਕਂ ਕਲਸੇ ਆਸਿਞ੍ਚਿਤ੍વਾ ਮਤ੍ਥੇਨ 13 ਆવਿਞ੍ਛੇਯ੍ਯ। ਆਸਞ੍ਚੇਪਿ ਕਰਿਤ੍વਾ ਉਦਕਂ ਕਲਸੇ ਆਸਿਞ੍ਚਿਤ੍વਾ ਮਤ੍ਥੇਨ ਆવਿਞ੍ਛੇਯ੍ਯ, ਅਭਬ੍ਬੋ ਨવਨੀਤਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਉਦਕਂ ਕਲਸੇ ਆਸਿਞ੍ਚਿਤ੍વਾ ਮਤ੍ਥੇਨ ਆવਿਞ੍ਛੇਯ੍ਯ, ਅਭਬ੍ਬੋ ਨવਨੀਤਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਨવਨੀਤਸ੍ਸ ਅਧਿਗਮਾਯ। ਏવਮੇવ ਖੋ, ਭੂਮਿਜ, ਯੇ ਹਿ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾ ਮਿਚ੍ਛਾਦਿਟ੍ਠਿਨੋ…ਪੇ॰… ਮਿਚ੍ਛਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
226. ‘‘Seyyathāpi, bhūmija, puriso navanītatthiko navanītagavesī navanītapariyesanaṃ caramāno udakaṃ kalase āsiñcitvā matthena 14 āviñcheyya. Āsañcepi karitvā udakaṃ kalase āsiñcitvā matthena āviñcheyya, abhabbo navanītassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā udakaṃ kalase āsiñcitvā matthena āviñcheyya, abhabbo navanītassa adhigamāya. Taṃ kissa hetu? Ayoni hesā, bhūmija, navanītassa adhigamāya. Evameva kho, bhūmija, ye hi keci samaṇā vā brāhmaṇā vā micchādiṭṭhino…pe… micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya.
‘‘ਸੇਯ੍ਯਥਾਪਿ, ਭੂਮਿਜ, ਪੁਰਿਸੋ ਅਗ੍ਗਿਤ੍ਥਿਕੋ 15 ਅਗ੍ਗਿਗવੇਸੀ ਅਗ੍ਗਿਪਰਿਯੇਸਨਂ ਚਰਮਾਨੋ ਅਲ੍ਲਂ ਕਟ੍ਠਂ ਸਸ੍ਨੇਹਂ ਉਤ੍ਤਰਾਰਣਿਂ ਆਦਾਯ ਅਭਿਮਨ੍ਥੇਯ੍ਯ 16। ਆਸਞ੍ਚੇਪਿ ਕਰਿਤ੍વਾ ਅਲ੍ਲਂ ਕਟ੍ਠਂ ਸਸ੍ਨੇਹਂ ਉਤ੍ਤਰਾਰਣਿਂ ਆਦਾਯ ਅਭਿਮਨ੍ਥੇਯ੍ਯ, ਅਭਬ੍ਬੋ ਅਗ੍ਗਿਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਅਲ੍ਲਂ ਕਟ੍ਠਂ ਸਸ੍ਨੇਹਂ ਉਤ੍ਤਰਾਰਣਿਂ ਆਦਾਯ ਅਭਿਮਨ੍ਥੇਯ੍ਯ, ਅਭਬ੍ਬੋ ਅਗ੍ਗਿਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਅਗ੍ਗਿਸ੍ਸ ਅਧਿਗਮਾਯ। ਏવਮੇવ ਖੋ, ਭੂਮਿਜ, ਯੇ ਹਿ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾ ਮਿਚ੍ਛਾਦਿਟ੍ਠਿਨੋ…ਪੇ॰… ਮਿਚ੍ਛਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰…ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਅਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ। ਯੇ ਹਿ ਕੇਚਿ, ਭੂਮਿਜ, ਸਮਣਾ વਾ ਬ੍ਰਾਹ੍ਮਣਾ વਾ ਸਮ੍ਮਾਦਿਟ੍ਠਿਨੋ ਸਮ੍ਮਾਸਙ੍ਕਪ੍ਪਾ ਸਮ੍ਮਾવਾਚਾ ਸਮ੍ਮਾਕਮ੍ਮਨ੍ਤਾ ਸਮ੍ਮਾਆਜੀવਾ ਸਮ੍ਮਾવਾਯਾਮਾ ਸਮ੍ਮਾਸਤੀ ਸਮ੍ਮਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
‘‘Seyyathāpi, bhūmija, puriso aggitthiko 17 aggigavesī aggipariyesanaṃ caramāno allaṃ kaṭṭhaṃ sasnehaṃ uttarāraṇiṃ ādāya abhimantheyya 18. Āsañcepi karitvā allaṃ kaṭṭhaṃ sasnehaṃ uttarāraṇiṃ ādāya abhimantheyya, abhabbo aggissa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā allaṃ kaṭṭhaṃ sasnehaṃ uttarāraṇiṃ ādāya abhimantheyya, abhabbo aggissa adhigamāya. Taṃ kissa hetu? Ayoni hesā, bhūmija, aggissa adhigamāya. Evameva kho, bhūmija, ye hi keci samaṇā vā brāhmaṇā vā micchādiṭṭhino…pe… micchāsamādhino te āsañcepi karitvā brahmacariyaṃ caranti, abhabbā phalassa adhigamāya; anāsañcepi karitvā…pe…āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, abhabbā phalassa adhigamāya. Taṃ kissa hetu? Ayoni hesā, bhūmija, phalassa adhigamāya. Ye hi keci, bhūmija, samaṇā vā brāhmaṇā vā sammādiṭṭhino sammāsaṅkappā sammāvācā sammākammantā sammāājīvā sammāvāyāmā sammāsatī sammāsamādhino te āsañcepi karitvā brahmacariyaṃ caranti, bhabbā phalassa adhigamāya; anāsañcepi karitvā brahmacariyaṃ caranti, bhabbā phalassa adhigamāya; āsañca anāsañcepi karitvā brahmacariyaṃ caranti, bhabbā phalassa adhigamāya; nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
੨੨੭. ‘‘ਸੇਯ੍ਯਥਾਪਿ, ਭੂਮਿਜ, ਪੁਰਿਸੋ ਤੇਲਤ੍ਥਿਕੋ ਤੇਲਗવੇਸੀ ਤੇਲਪਰਿਯੇਸਨਂ ਚਰਮਾਨੋ ਤਿਲਪਿਟ੍ਠਂ ਦੋਣਿਯਾ ਆਕਿਰਿਤ੍વਾ ਉਦਕੇਨ ਪਰਿਪ੍ਫੋਸਕਂ ਪਰਿਪ੍ਫੋਸਕਂ ਪੀਲ਼ੇਯ੍ਯ। ਆਸਞ੍ਚੇਪਿ ਕਰਿਤ੍વਾ ਤਿਲਪਿਟ੍ਠਂ ਦੋਣਿਯਾ ਆਕਿਰਿਤ੍વਾ ਉਦਕੇਨ ਪਰਿਪ੍ਫੋਸਕਂ ਪਰਿਪ੍ਫੋਸਕਂ ਪੀਲ਼ੇਯ੍ਯ, ਭਬ੍ਬੋ ਤੇਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਤਿਲਪਿਟ੍ਠਂ ਦੋਣਿਯਾ ਆਕਿਰਿਤ੍વਾ ਉਦਕੇਨ ਪਰਿਪ੍ਫੋਸਕਂ ਪਰਿਪ੍ਫੋਸਕਂ ਪੀਲ਼ੇਯ੍ਯ, ਭਬ੍ਬੋ ਤੇਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਤੇਲਸ੍ਸ ਅਧਿਗਮਾਯ। ਏવਮੇવ ਖੋ, ਭੂਮਿਜ, ਯੇ ਹਿ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾ ਸਮ੍ਮਾਦਿਟ੍ਠਿਨੋ…ਪੇ॰… ਸਮ੍ਮਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
227. ‘‘Seyyathāpi, bhūmija, puriso telatthiko telagavesī telapariyesanaṃ caramāno tilapiṭṭhaṃ doṇiyā ākiritvā udakena paripphosakaṃ paripphosakaṃ pīḷeyya. Āsañcepi karitvā tilapiṭṭhaṃ doṇiyā ākiritvā udakena paripphosakaṃ paripphosakaṃ pīḷeyya, bhabbo telassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā tilapiṭṭhaṃ doṇiyā ākiritvā udakena paripphosakaṃ paripphosakaṃ pīḷeyya, bhabbo telassa adhigamāya. Taṃ kissa hetu? Yoni hesā, bhūmija, telassa adhigamāya. Evameva kho, bhūmija, ye hi keci samaṇā vā brāhmaṇā vā sammādiṭṭhino…pe… sammāsamādhino te āsañcepi karitvā brahmacariyaṃ caranti, bhabbā phalassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
‘‘ਸੇਯ੍ਯਥਾਪਿ, ਭੂਮਿਜ, ਪੁਰਿਸੋ ਖੀਰਤ੍ਥਿਕੋ ਖੀਰਗવੇਸੀ ਖੀਰਪਰਿਯੇਸਨਂ ਚਰਮਾਨੋ ਗਾવਿਂ ਤਰੁਣવਚ੍ਛਂ ਥਨਤੋ ਆવਿਞ੍ਛੇਯ੍ਯ। ਆਸਞ੍ਚੇਪਿ ਕਰਿਤ੍વਾ ਗਾવਿਂ ਤਰੁਣવਚ੍ਛਂ ਥਨਤੋ ਆવਿਞ੍ਛੇਯ੍ਯ, ਭਬ੍ਬੋ ਖੀਰਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਗਾવਿਂ ਤਰੁਣવਚ੍ਛਂ ਥਨਤੋ ਆવਿਞ੍ਛੇਯ੍ਯ, ਭਬ੍ਬੋ ਖੀਰਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਖੀਰਸ੍ਸ ਅਧਿਗਮਾਯ। ਏવਮੇવ ਖੋ, ਭੂਮਿਜ, ਯੇ ਹਿ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾ ਸਮ੍ਮਾਦਿਟ੍ਠਿਨੋ…ਪੇ॰… ਸਮ੍ਮਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ…ਪੇ॰… ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ…ਪੇ॰… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
‘‘Seyyathāpi, bhūmija, puriso khīratthiko khīragavesī khīrapariyesanaṃ caramāno gāviṃ taruṇavacchaṃ thanato āviñcheyya. Āsañcepi karitvā gāviṃ taruṇavacchaṃ thanato āviñcheyya, bhabbo khīrassa adhigamāya; anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā gāviṃ taruṇavacchaṃ thanato āviñcheyya, bhabbo khīrassa adhigamāya. Taṃ kissa hetu? Yoni hesā, bhūmija, khīrassa adhigamāya. Evameva kho, bhūmija, ye hi keci samaṇā vā brāhmaṇā vā sammādiṭṭhino…pe… sammāsamādhino te āsañcepi karitvā…pe… anāsañcepi karitvā…pe… āsañca anāsañcepi karitvā…pe… nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
੨੨੮. ‘‘ਸੇਯ੍ਯਥਾਪਿ, ਭੂਮਿਜ, ਪੁਰਿਸੋ ਨવਨੀਤਤ੍ਥਿਕੋ ਨવਨੀਤਗવੇਸੀ ਨવਨੀਤਪਰਿਯੇਸਨਂ ਚਰਮਾਨੋ ਦਧਿਂ ਕਲਸੇ ਆਸਿਞ੍ਚਿਤ੍વਾ ਮਤ੍ਥੇਨ ਆવਿਞ੍ਛੇਯ੍ਯ। ਆਸਞ੍ਚੇਪਿ ਕਰਿਤ੍વਾ ਦਧਿਂ ਕਲਸੇ ਆਸਿਞ੍ਚਿਤ੍વਾ ਮਤ੍ਥੇਨ ਆવਿਞ੍ਛੇਯ੍ਯ, ਭਬ੍ਬੋ ਨવਨੀਤਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਦਧਿਂ ਕਲਸੇ ਆਸਿਞ੍ਚਿਤ੍વਾ ਮਤ੍ਥੇਨ ਆવਿਞ੍ਛੇਯ੍ਯ, ਭਬ੍ਬੋ ਨવਨੀਤਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਨવਨੀਤਸ੍ਸ ਅਧਿਗਮਾਯ। ਏવਮੇવ ਖੋ, ਭੂਮਿਜ, ਯੇ ਹਿ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾ ਸਮ੍ਮਾਦਿਟ੍ਠਿਨੋ…ਪੇ॰… ਸਮ੍ਮਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ… ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ … ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
228. ‘‘Seyyathāpi, bhūmija, puriso navanītatthiko navanītagavesī navanītapariyesanaṃ caramāno dadhiṃ kalase āsiñcitvā matthena āviñcheyya. Āsañcepi karitvā dadhiṃ kalase āsiñcitvā matthena āviñcheyya, bhabbo navanītassa adhigamāya; anāsañcepi karitvā… āsañca anāsañcepi karitvā… nevāsaṃ nānāsañcepi karitvā dadhiṃ kalase āsiñcitvā matthena āviñcheyya, bhabbo navanītassa adhigamāya. Taṃ kissa hetu? Yoni hesā, bhūmija, navanītassa adhigamāya. Evameva kho, bhūmija, ye hi keci samaṇā vā brāhmaṇā vā sammādiṭṭhino…pe… sammāsamādhino te āsañcepi karitvā brahmacariyaṃ caranti, bhabbā phalassa adhigamāya; anāsañcepi karitvā… āsañca anāsañcepi karitvā … nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
‘‘ਸੇਯ੍ਯਥਾਪਿ, ਭੂਮਿਜ, ਪੁਰਿਸੋ ਅਗ੍ਗਿਤ੍ਥਿਕੋ ਅਗ੍ਗਿਗવੇਸੀ ਅਗ੍ਗਿਪਰਿਯੇਸਨਂ ਚਰਮਾਨੋ ਸੁਕ੍ਖਂ ਕਟ੍ਠਂ ਕੋਲ਼ਾਪਂ ਉਤ੍ਤਰਾਰਣਿਂ ਆਦਾਯ ਅਭਿਮਨ੍ਥੇਯ੍ਯ; ( ) 19 ਆਸਞ੍ਚੇਪਿ ਕਰਿਤ੍વਾ… ਅਨਾਸਞ੍ਚੇਪਿ ਕਰਿਤ੍વਾ.. ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ… ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਸੁਕ੍ਖ ਕਟ੍ਠਂ ਕੋਲ਼ਾਪਂ ਉਤ੍ਤਰਾਰਣਿਂ ਆਦਾਯ ਅਭਿਮਨ੍ਥੇਯ੍ਯ, ਭਬ੍ਬੋ ਅਗ੍ਗਿਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਅਗ੍ਗਿਸ੍ਸ ਅਧਿਗਮਾਯ। ਏવਮੇવ ਖੋ, ਭੂਮਿਜ, ਯੇ ਹਿ ਕੇਚਿ ਸਮਣਾ વਾ ਬ੍ਰਾਹ੍ਮਣਾ વਾ ਸਮ੍ਮਾਦਿਟ੍ਠਿਨੋ…ਪੇ॰… ਸਮ੍ਮਾਸਮਾਧਿਨੋ ਤੇ ਆਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ; ਨੇવਾਸਂ ਨਾਨਾਸਞ੍ਚੇਪਿ ਕਰਿਤ੍વਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਭਬ੍ਬਾ ਫਲਸ੍ਸ ਅਧਿਗਮਾਯ। ਤਂ ਕਿਸ੍ਸ ਹੇਤੁ? ਯੋਨਿ ਹੇਸਾ, ਭੂਮਿਜ, ਫਲਸ੍ਸ ਅਧਿਗਮਾਯ।
‘‘Seyyathāpi, bhūmija, puriso aggitthiko aggigavesī aggipariyesanaṃ caramāno sukkhaṃ kaṭṭhaṃ koḷāpaṃ uttarāraṇiṃ ādāya abhimantheyya; ( ) 20 āsañcepi karitvā… anāsañcepi karitvā.. āsañca anāsañcepi karitvā… nevāsaṃ nānāsañcepi karitvā sukkha kaṭṭhaṃ koḷāpaṃ uttarāraṇiṃ ādāya abhimantheyya, bhabbo aggissa adhigamāya. Taṃ kissa hetu? Yoni hesā, bhūmija, aggissa adhigamāya. Evameva kho, bhūmija, ye hi keci samaṇā vā brāhmaṇā vā sammādiṭṭhino…pe… sammāsamādhino te āsañcepi karitvā brahmacariyaṃ caranti, bhabbā phalassa adhigamāya; anāsañcepi karitvā brahmacariyaṃ caranti, bhabbā phalassa adhigamāya; āsañca anāsañcepi karitvā brahmacariyaṃ caranti, bhabbā phalassa adhigamāya; nevāsaṃ nānāsañcepi karitvā brahmacariyaṃ caranti, bhabbā phalassa adhigamāya. Taṃ kissa hetu? Yoni hesā, bhūmija, phalassa adhigamāya.
‘‘ਸਚੇ ਖੋ ਤਂ, ਭੂਮਿਜ, ਜਯਸੇਨਸ੍ਸ ਰਾਜਕੁਮਾਰਸ੍ਸ ਇਮਾ ਚਤਸ੍ਸੋ ਉਪਮਾ ਪਟਿਭਾਯੇਯ੍ਯੁਂ ਅਨਚ੍ਛਰਿਯਂ ਤੇ ਜਯਸੇਨੋ ਰਾਜਕੁਮਾਰੋ ਪਸੀਦੇਯ੍ਯ, ਪਸਨ੍ਨੋ ਚ ਤੇ ਪਸਨ੍ਨਾਕਾਰਂ ਕਰੇਯ੍ਯਾ’’ਤਿ। ‘‘ਕੁਤੋ ਪਨ ਮਂ, ਭਨ੍ਤੇ, ਜਯਸੇਨਸ੍ਸ ਰਾਜਕੁਮਾਰਸ੍ਸ ਇਮਾ ਚਤਸ੍ਸੋ ਉਪਮਾ ਪਟਿਭਾਯਿਸ੍ਸਨ੍ਤਿ ਅਨਚ੍ਛਰਿਯਾ ਪੁਬ੍ਬੇ ਅਸ੍ਸੁਤਪੁਬ੍ਬਾ, ਸੇਯ੍ਯਥਾਪਿ ਭਗવਨ੍ਤ’’ਨ੍ਤਿ?
‘‘Sace kho taṃ, bhūmija, jayasenassa rājakumārassa imā catasso upamā paṭibhāyeyyuṃ anacchariyaṃ te jayaseno rājakumāro pasīdeyya, pasanno ca te pasannākāraṃ kareyyā’’ti. ‘‘Kuto pana maṃ, bhante, jayasenassa rājakumārassa imā catasso upamā paṭibhāyissanti anacchariyā pubbe assutapubbā, seyyathāpi bhagavanta’’nti?
ਇਦਮવੋਚ ਭਗવਾ। ਅਤ੍ਤਮਨੋ ਆਯਸ੍ਮਾ ਭੂਮਿਜੋ ਭਗવਤੋ ਭਾਸਿਤਂ ਅਭਿਨਨ੍ਦੀਤਿ।
Idamavoca bhagavā. Attamano āyasmā bhūmijo bhagavato bhāsitaṃ abhinandīti.
ਭੂਮਿਜਸੁਤ੍ਤਂ ਨਿਟ੍ਠਿਤਂ ਛਟ੍ਠਂ।
Bhūmijasuttaṃ niṭṭhitaṃ chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੬. ਭੂਮਿਜਸੁਤ੍ਤવਣ੍ਣਨਾ • 6. Bhūmijasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੬. ਭੂਮਿਜਸੁਤ੍ਤવਣ੍ਣਨਾ • 6. Bhūmijasuttavaṇṇanā
