| Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੨. ਭੋਜਨਦਾਯਕਤ੍ਥੇਰਅਪਦਾਨਂ
2. Bhojanadāyakattheraapadānaṃ
੪.
4.
‘‘ਸੁਜਾਤੋ ਸਾਲਲਟ੍ਠੀવ, ਸੋਭਞ੍ਜਨਮਿવੁਗ੍ਗਤੋ।
‘‘Sujāto sālalaṭṭhīva, sobhañjanamivuggato;
ਇਨ੍ਦਲਟ੍ਠਿਰਿવਾਕਾਸੇ, વਿਰੋਚਤਿ ਸਦਾ ਜਿਨੋ॥
Indalaṭṭhirivākāse, virocati sadā jino.
੫.
5.
‘‘ਤਸ੍ਸ ਦੇવਾਤਿਦੇવਸ੍ਸ, વੇਸ੍ਸਭੁਸ੍ਸ ਮਹੇਸਿਨੋ।
‘‘Tassa devātidevassa, vessabhussa mahesino;
ਅਦਾਸਿ ਭੋਜਨਮਹਂ, વਿਪ੍ਪਸਨ੍ਨੇਨ ਚੇਤਸਾ॥
Adāsi bhojanamahaṃ, vippasannena cetasā.
੬.
6.
‘‘ਤਂ ਮੇ ਬੁਦ੍ਧੋ ਅਨੁਮੋਦਿ, ਸਯਮ੍ਭੂ ਅਪਰਾਜਿਤੋ।
‘‘Taṃ me buddho anumodi, sayambhū aparājito;
ਭવੇ ਨਿਬ੍ਬਤ੍ਤਮਾਨਮ੍ਹਿ, ਫਲਂ ਨਿਬ੍ਬਤ੍ਤਤੂ ਤવ॥
Bhave nibbattamānamhi, phalaṃ nibbattatū tava.
੭.
7.
‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਦਾਨਮਦਦਿਂ ਤਦਾ।
‘‘Ekattiṃse ito kappe, yaṃ dānamadadiṃ tadā;
ਦੁਗ੍ਗਤਿਂ ਨਾਭਿਜਾਨਾਮਿ, ਭੋਜਨਸ੍ਸ ਇਦਂ ਫਲਂ॥
Duggatiṃ nābhijānāmi, bhojanassa idaṃ phalaṃ.
੮.
8.
‘‘ਪਞ੍ਚવੀਸੇ ਇਤੋ ਕਪ੍ਪੇ, ਏਕੋ ਆਸਿਂ ਅਮਿਤ੍ਤਕੋ।
‘‘Pañcavīse ito kappe, eko āsiṃ amittako;
ਸਤ੍ਤਰਤਨਸਮ੍ਪਨ੍ਨੋ, ਚਕ੍ਕવਤ੍ਤੀ ਮਹਬ੍ਬਲੋ॥
Sattaratanasampanno, cakkavattī mahabbalo.
੯.
9.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਭੋਜਨਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā bhojanadāyako thero imā gāthāyo abhāsitthāti.
ਭੋਜਨਦਾਯਕਤ੍ਥੇਰਸ੍ਸਾਪਦਾਨਂ ਦੁਤਿਯਂ।
Bhojanadāyakattherassāpadānaṃ dutiyaṃ.
