| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༧. བྷོགསུཏྟཾ
7. Bhogasuttaṃ
༢༢༧. ‘‘པཉྩིམེ, བྷིཀྑཝེ, ཨཱདཱིནཝཱ བྷོགེསུ། ཀཏམེ པཉྩ? ཨགྒིསཱདྷཱརཎཱ བྷོགཱ, ཨུདཀསཱདྷཱརཎཱ བྷོགཱ, རཱཛསཱདྷཱརཎཱ བྷོགཱ, ཙོརསཱདྷཱརཎཱ བྷོགཱ, ཨཔྤིཡེཧི དཱཡཱདེཧི སཱདྷཱརཎཱ བྷོགཱ། ཨིམེ ཁོ, བྷིཀྑཝེ, པཉྩ ཨཱདཱིནཝཱ བྷོགེསུ།
227. ‘‘Pañcime, bhikkhave, ādīnavā bhogesu. Katame pañca? Aggisādhāraṇā bhogā, udakasādhāraṇā bhogā, rājasādhāraṇā bhogā, corasādhāraṇā bhogā, appiyehi dāyādehi sādhāraṇā bhogā. Ime kho, bhikkhave, pañca ādīnavā bhogesu.
‘‘པཉྩིམེ, བྷིཀྑཝེ, ཨཱནིསཾསཱ བྷོགེསུ། ཀཏམེ པཉྩ? བྷོགེ ནིསྶཱཡ ཨཏྟཱནཾ སུཁེཏི པཱིཎེཏི སམྨཱ སུཁཾ པརིཧརཏི, མཱཏཱཔིཏརོ སུཁེཏི པཱིཎེཏི སམྨཱ སུཁཾ པརིཧརཏི, པུཏྟདཱརདཱསཀམྨཀརཔོརིསེ སུཁེཏི པཱིཎེཏི སམྨཱ སུཁཾ པརིཧརཏི, མིཏྟཱམཙྩེ སུཁེཏི པཱིཎེཏི སམྨཱ སུཁཾ པརིཧརཏི, སམཎབྲཱཧྨཎེསུ ཨུདྡྷགྒིཀཾ དཀྑིཎཾ པཏིཊྛཱཔེཏི སོཝགྒིཀཾ སུཁཝིཔཱཀཾ སགྒསཾཝཏྟནིཀཾ། ཨིམེ ཁོ, བྷིཀྑཝེ, པཉྩ ཨཱནིསཾསཱ བྷོགེསཱུ’’ཏི། སཏྟམཾ།
‘‘Pañcime, bhikkhave, ānisaṃsā bhogesu. Katame pañca? Bhoge nissāya attānaṃ sukheti pīṇeti sammā sukhaṃ pariharati, mātāpitaro sukheti pīṇeti sammā sukhaṃ pariharati, puttadāradāsakammakaraporise sukheti pīṇeti sammā sukhaṃ pariharati, mittāmacce sukheti pīṇeti sammā sukhaṃ pariharati, samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ. Ime kho, bhikkhave, pañca ānisaṃsā bhogesū’’ti. Sattamaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམདཱིགྷཙཱརིཀསུཏྟཱདིཝཎྞནཱ • 1-10. Paṭhamadīghacārikasuttādivaṇṇanā
