| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൫. ഭീതാസുത്തം
5. Bhītāsuttaṃ
൭൫.
75.
‘‘കിംസൂധ ഭീതാ ജനതാ അനേകാ,
‘‘Kiṃsūdha bhītā janatā anekā,
മഗ്ഗോ ചനേകായതനപ്പവുത്തോ;
Maggo canekāyatanappavutto;
പുച്ഛാമി തം ഗോതമ ഭൂരിപഞ്ഞ,
Pucchāmi taṃ gotama bhūripañña,
കിസ്മിം ഠിതോ പരലോകം ന ഭായേ’’തി.
Kismiṃ ṭhito paralokaṃ na bhāye’’ti.
‘‘വാചം മനഞ്ച പണിധായ സമ്മാ,
‘‘Vācaṃ manañca paṇidhāya sammā,
കായേന പാപാനി അകുബ്ബമാനോ;
Kāyena pāpāni akubbamāno;
ബവ്ഹന്നപാനം ഘരമാവസന്തോ,
Bavhannapānaṃ gharamāvasanto,
സദ്ധോ മുദൂ സംവിഭാഗീ വദഞ്ഞൂ;
Saddho mudū saṃvibhāgī vadaññū;
ഏതേസു ധമ്മേസു ഠിതോ ചതൂസു,
Etesu dhammesu ṭhito catūsu,
ധമ്മേ ഠിതോ പരലോകം ന ഭായേ’’തി.
Dhamme ṭhito paralokaṃ na bhāye’’ti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൫. ഭീതാസുത്തവണ്ണനാ • 5. Bhītāsuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൫. ഭീതാസുത്തവണ്ണനാ • 5. Bhītāsuttavaṇṇanā
