| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
५. भीतासुत्तं
5. Bhītāsuttaṃ
७५.
75.
‘‘किंसूध भीता जनता अनेका,
‘‘Kiṃsūdha bhītā janatā anekā,
मग्गो चनेकायतनप्पवुत्तो।
Maggo canekāyatanappavutto;
पुच्छामि तं गोतम भूरिपञ्ञ,
Pucchāmi taṃ gotama bhūripañña,
किस्मिं ठितो परलोकं न भाये’’ति॥
Kismiṃ ṭhito paralokaṃ na bhāye’’ti.
‘‘वाचं मनञ्च पणिधाय सम्मा,
‘‘Vācaṃ manañca paṇidhāya sammā,
कायेन पापानि अकुब्बमानो।
Kāyena pāpāni akubbamāno;
बव्हन्नपानं घरमावसन्तो,
Bavhannapānaṃ gharamāvasanto,
सद्धो मुदू संविभागी वदञ्ञू।
Saddho mudū saṃvibhāgī vadaññū;
एतेसु धम्मेसु ठितो चतूसु,
Etesu dhammesu ṭhito catūsu,
धम्मे ठितो परलोकं न भाये’’ति॥
Dhamme ṭhito paralokaṃ na bhāye’’ti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ५. भीतासुत्तवण्णना • 5. Bhītāsuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ५. भीतासुत्तवण्णना • 5. Bhītāsuttavaṇṇanā
