| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
६. नजीरतिसुत्तं
6. Najīratisuttaṃ
७६.
76.
‘‘किं जीरति किं न जीरति, किंसु उप्पथोति वुच्चति।
‘‘Kiṃ jīrati kiṃ na jīrati, kiṃsu uppathoti vuccati;
किंसु धम्मानं परिपन्थो, किंसु रत्तिन्दिवक्खयो।
Kiṃsu dhammānaṃ paripantho, kiṃsu rattindivakkhayo;
किं मलं ब्रह्मचरियस्स, किं सिनानमनोदकं॥
Kiṃ malaṃ brahmacariyassa, kiṃ sinānamanodakaṃ.
‘‘कति लोकस्मिं छिद्दानि, यत्थ वित्तं 1 न तिट्ठति।
‘‘Kati lokasmiṃ chiddāni, yattha vittaṃ 2 na tiṭṭhati;
भगवन्तं पुट्ठुमागम्म, कथं जानेमु तं मय’’न्ति॥
Bhagavantaṃ puṭṭhumāgamma, kathaṃ jānemu taṃ maya’’nti.
‘‘रूपं जीरति मच्चानं, नामगोत्तं न जीरति।
‘‘Rūpaṃ jīrati maccānaṃ, nāmagottaṃ na jīrati;
रागो उप्पथोति वुच्चति॥
Rāgo uppathoti vuccati.
‘‘लोभो धम्मानं परिपन्थो, वयो रत्तिन्दिवक्खयो।
‘‘Lobho dhammānaṃ paripantho, vayo rattindivakkhayo;
इत्थी मलं ब्रह्मचरियस्स, एत्थायं सज्जते पजा।
Itthī malaṃ brahmacariyassa, etthāyaṃ sajjate pajā;
तपो च ब्रह्मचरियञ्च, तं सिनानमनोदकं॥
Tapo ca brahmacariyañca, taṃ sinānamanodakaṃ.
‘‘छ लोकस्मिं छिद्दानि, यत्थ वित्तं न तिट्ठति।
‘‘Cha lokasmiṃ chiddāni, yattha vittaṃ na tiṭṭhati;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ६. नजीरतिसुत्तवण्णना • 6. Najīratisuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६. नजीरतिसुत्तवण्णना • 6. Najīratisuttavaṇṇanā
