| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๔. ภิสจริยา
4. Bhisacariyā
๓๔.
34.
‘‘ปุนาปรํ ยทา โหมิ, กาสีนํ ปุรวรุตฺตเม;
‘‘Punāparaṃ yadā homi, kāsīnaṃ puravaruttame;
ภคินี จ ภาตโร สตฺต, นิพฺพตฺตา โสตฺถิเย กุเลฯ
Bhaginī ca bhātaro satta, nibbattā sotthiye kule.
๓๕.
35.
‘‘เอเตสํ ปุพฺพโช อาสิํ, หิรีสุกฺกมุปาคโต;
‘‘Etesaṃ pubbajo āsiṃ, hirīsukkamupāgato;
ภวํ ทิสฺวาน ภยโต, เนกฺขมฺมาภิรโต อหํฯ
Bhavaṃ disvāna bhayato, nekkhammābhirato ahaṃ.
๓๖.
36.
‘‘มาตาปิตูหิ ปหิตา, สหายา เอกมานสา;
‘‘Mātāpitūhi pahitā, sahāyā ekamānasā;
กาเมหิ มํ นิมเนฺตนฺติ, ‘กุลวํสํ ธเรหิ’ติฯ
Kāmehi maṃ nimantenti, ‘kulavaṃsaṃ dharehi’ti.
๓๗.
37.
‘‘ยํ เตสํ วจนํ วุตฺตํ, คิหีธเมฺม สุขาวหํ;
‘‘Yaṃ tesaṃ vacanaṃ vuttaṃ, gihīdhamme sukhāvahaṃ;
๓๘.
38.
‘‘เต มํ ตทา อุกฺขิปนฺตํ, ปุจฺฉิํสุ ปตฺถิตํ มม;
‘‘Te maṃ tadā ukkhipantaṃ, pucchiṃsu patthitaṃ mama;
‘กิํ ตฺวํ ปตฺถยเส สมฺม, ยทิ กาเม น ภุญฺชสิ’ฯ
‘Kiṃ tvaṃ patthayase samma, yadi kāme na bhuñjasi’.
๓๙.
39.
‘‘เตสาหํ เอวมวจํ, อตฺถกาโม หิเตสินํ;
‘‘Tesāhaṃ evamavacaṃ, atthakāmo hitesinaṃ;
‘นาหํ ปเตฺถมิ คิหีภาวํ, เนกฺขมฺมาภิรโต อหํ’ฯ
‘Nāhaṃ patthemi gihībhāvaṃ, nekkhammābhirato ahaṃ’.
๔๐.
40.
‘‘เต มยฺหํ วจนํ สุตฺวา, ปิตุมาตุ จ สาวยุํ;
‘‘Te mayhaṃ vacanaṃ sutvā, pitumātu ca sāvayuṃ;
มาตาปิตา เอวมาหุ, ‘สเพฺพว ปพฺพชาม โภ’ฯ
Mātāpitā evamāhu, ‘sabbeva pabbajāma bho’.
๔๑.
41.
‘‘อุโภ มาตาปิตา มยฺหํ, ภคินี จ สตฺต ภาตโร;
‘‘Ubho mātāpitā mayhaṃ, bhaginī ca satta bhātaro;
อมิตธนํ ฉฑฺฑยิตฺวา, ปาวิสิมฺหา มหาวน’’นฺติฯ
Amitadhanaṃ chaḍḍayitvā, pāvisimhā mahāvana’’nti.
ภิสจริยํ จตุตฺถํฯ
Bhisacariyaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๔. ภิสจริยาวณฺณนา • 4. Bhisacariyāvaṇṇanā
