| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
4. бхисажарияаа
4. Bhisacariyā
34.
34.
‘‘бунаабарам̣ яад̣̇аа хоми, гаасийнам̣ бураваруд̇д̇амз;
‘‘Punāparaṃ yadā homi, kāsīnaṃ puravaruttame;
бхаг̇иний жа бхаад̇аро сад̇д̇а, ниб̣б̣ад̇д̇аа сод̇т̇ияз гулз.
Bhaginī ca bhātaro satta, nibbattā sotthiye kule.
35.
35.
‘‘зд̇зсам̣ буб̣б̣аж̇о аасим̣, хирийсуггамубааг̇ад̇о;
‘‘Etesaṃ pubbajo āsiṃ, hirīsukkamupāgato;
бхавам̣ д̣̇исваана бхаяад̇о, нзгкаммаабхирад̇о ахам̣.
Bhavaṃ disvāna bhayato, nekkhammābhirato ahaṃ.
36.
36.
‘‘маад̇аабид̇уухи бахид̇аа, сахааяаа згамаанасаа;
‘‘Mātāpitūhi pahitā, sahāyā ekamānasā;
гаамзхи мам̣ ниманд̇знд̇и, ‘гулавам̣сам̣ д̇харзхи’д̇и.
Kāmehi maṃ nimantenti, ‘kulavaṃsaṃ dharehi’ti.
37.
37.
‘‘яам̣ д̇зсам̣ важанам̣ вуд̇д̇ам̣, г̇ихийд̇хаммз сукаавахам̣;
‘‘Yaṃ tesaṃ vacanaṃ vuttaṃ, gihīdhamme sukhāvahaṃ;
д̇ам̣ мз ахоси гатинам̣, д̇ад̇д̇а 1 пааласамам̣ вияа.
Taṃ me ahosi kaṭhinaṃ, tatta 2 phālasamaṃ viya.
38.
38.
‘‘д̇з мам̣ д̇ад̣̇аа угкибанд̇ам̣, бужчим̣су бад̇т̇ид̇ам̣ мама;
‘‘Te maṃ tadā ukkhipantaṃ, pucchiṃsu patthitaṃ mama;
‘гим̣ д̇вам̣ бад̇т̇аяасз самма, яад̣̇и гаамз на бхун̃ж̇аси’.
‘Kiṃ tvaṃ patthayase samma, yadi kāme na bhuñjasi’.
39.
39.
‘‘д̇зсаахам̣ звамаважам̣, ад̇т̇агаамо хид̇зсинам̣;
‘‘Tesāhaṃ evamavacaṃ, atthakāmo hitesinaṃ;
‘наахам̣ бад̇т̇зми г̇ихийбхаавам̣, нзгкаммаабхирад̇о ахам̣’.
‘Nāhaṃ patthemi gihībhāvaṃ, nekkhammābhirato ahaṃ’.
40.
40.
‘‘д̇з маяхам̣ важанам̣ суд̇ваа, бид̇умаад̇у жа сааваяум̣;
‘‘Te mayhaṃ vacanaṃ sutvā, pitumātu ca sāvayuṃ;
маад̇аабид̇аа звамааху, ‘саб̣б̣зва баб̣б̣аж̇аама бхо’.
Mātāpitā evamāhu, ‘sabbeva pabbajāma bho’.
41.
41.
‘‘убхо маад̇аабид̇аа маяхам̣, бхаг̇иний жа сад̇д̇а бхаад̇аро;
‘‘Ubho mātāpitā mayhaṃ, bhaginī ca satta bhātaro;
амид̇ад̇ханам̣ чад̣д̣аяид̇ваа, баависимхаа махаавана’’нд̇и.
Amitadhanaṃ chaḍḍayitvā, pāvisimhā mahāvana’’nti.
бхисажарияам̣ жад̇уд̇т̇ам̣.
Bhisacariyaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 4. бхисажарияааван̣н̣анаа • 4. Bhisacariyāvaṇṇanā
