| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
бхигкунийвибхан̇г̇о
Bhikkhunīvibhaṅgo
170.
170.
бхигкуунам̣ баадавад̇т̇ааяа, винаяасса винижчаяз;
Bhikkhūnaṃ pāṭavatthāya, vinayassa vinicchaye;
бхигкунийнам̣ вибхан̇г̇оби, гин̃жимад̇д̇ам̣ бхан̣аамахам̣.
Bhikkhunīnaṃ vibhaṅgopi, kiñcimattaṃ bhaṇāmahaṃ.
171.
171.
авассуд̇асса босасса, бхигкунийби авассуд̇аа;
Avassutassa posassa, bhikkhunīpi avassutā;
нанд̣̇анд̇ий гааяасам̣саг̇г̇ам̣, гад̇и аабад̇д̇ияо пусз;
Nandantī kāyasaṃsaggaṃ, kati āpattiyo phuse;
172.
172.
д̇иссо аабад̇д̇ияо уб̣бха-ж̇аан̣уссаад̇хагкагасса жа;
Tisso āpattiyo ubbha-jāṇussādhakkhakassa ca;
ход̇и баарааж̇игам̣ д̇ассаа, г̇ахан̣ам̣ саад̣̇ияанд̇ияаа.
Hoti pārājikaṃ tassā, gahaṇaṃ sādiyantiyā.
173.
173.
уб̣бхагкагам̣ ад̇хож̇аан̣у-г̇ахан̣ам̣ саад̣̇ияанд̇ияаа;
Ubbhakkhakaṃ adhojāṇu-gahaṇaṃ sādiyantiyā;
т̇уллажжаяам̣ сияаа, гааяа-бадиб̣ад̣̇д̇хз д̇у д̣̇уггадам̣.
Thullaccayaṃ siyā, kāya-paṭibaddhe tu dukkaṭaṃ.
174.
174.
чаад̣̇знд̇ий бхигкуний важ̇ж̇ам̣, д̇иссо аабад̇д̇ияо пусз;
Chādentī bhikkhunī vajjaṃ, tisso āpattiyo phuse;
ж̇аанам̣ баарааж̇игам̣ д̇хаммам̣, чаад̣̇знд̇ий саа барааж̇игаа.
Jānaṃ pārājikaṃ dhammaṃ, chādentī sā parājikā.
175.
175.
т̇уллажжаяам̣ взмад̇игаа, бадижчаад̣̇зд̇и жз бана;
Thullaccayaṃ vematikā, paṭicchādeti ce pana;
ат̇аажааравибад̇д̇им̣ жз, бадижчаад̣̇зд̇и д̣̇уггадам̣.
Athācāravipattiṃ ce, paṭicchādeti dukkaṭaṃ.
176.
176.
ниссаж̇ж̇анд̇ий на д̇ам̣ лад̣̇д̇хим̣, угкид̇д̇ассаанувад̇д̇игаа;
Nissajjantī na taṃ laddhiṃ, ukkhittassānuvattikā;
саманубхаасанааязва, д̇иссо аабад̇д̇ияо пусз.
Samanubhāsanāyeva, tisso āpattiyo phuse.
177.
177.
н̃ад̇д̇ияаа д̣̇уггадам̣, д̣̇вийхи, гаммаваажаахи т̇уллад̇аа;
Ñattiyā dukkaṭaṃ, dvīhi, kammavācāhi thullatā;
гаммаваажааяа осаанз, баарааж̇игамуд̣̇ийрид̇ам̣.
Kammavācāya osāne, pārājikamudīritaṃ.
178.
178.
буурзнд̇ий адтамам̣ вад̇т̇ум̣, д̇иссо аабад̇д̇ияо пусз;
Pūrentī aṭṭhamaṃ vatthuṃ, tisso āpattiyo phuse;
бурисзнид̇хааг̇ажчаад̇и, вуд̇д̇ааг̇ажчад̇и д̣̇уггадам̣.
Purisenidhāgacchāti, vuttāgacchati dukkaṭaṃ.
179.
179.
т̇уллажжаяам̣ д̇у босасса, хад̇т̇абаасаббавзсанз;
Thullaccayaṃ tu posassa, hatthapāsappavesane;
буурзнд̇ий адтамам̣ вад̇т̇ум̣, саман̣ий саа барааж̇ид̇аа.
Pūrentī aṭṭhamaṃ vatthuṃ, samaṇī sā parājitā.
баарааж̇игагат̇аа.
Pārājikakathā.
180.
180.
уссаяаваад̣̇игаа аддам̣, гаронд̇ий д̇ивид̇хам̣ пусз;
Ussayavādikā aṭṭaṃ, karontī tividhaṃ phuse;
згассаарожанз д̇ассаа, ход̇и аабад̇д̇и д̣̇уггадам̣.
Ekassārocane tassā, hoti āpatti dukkaṭaṃ.
181.
181.
д̣̇уд̇ияаарожанз д̇ассаа, т̇уллажжаяамуд̣̇ийрид̇ам̣;
Dutiyārocane tassā, thullaccayamudīritaṃ;
аддасса барияосаанз, ход̇и сан̇гхаад̣̇исзсад̇аа.
Aṭṭassa pariyosāne, hoti saṅghādisesatā.
182.
182.
жоривудтаабигаа вааби, н̃ад̇д̇ияаа д̣̇уггадам̣ пусз;
Corivuṭṭhāpikā vāpi, ñattiyā dukkaṭaṃ phuse;
д̣̇вийхи т̇уллажжаяам̣ гамма-ваажосаанз г̇арум̣ сияаа.
Dvīhi thullaccayaṃ kamma-vācosāne garuṃ siyā.
183.
183.
згаа г̇ааманд̇арам̣ г̇ажчз, г̇аманз д̣̇уггадам̣ сияаа;
Ekā gāmantaraṃ gacche, gamane dukkaṭaṃ siyā;
баригкзбз ад̇игганд̇з, баад̣̇зна батамзна д̇у.
Parikkhepe atikkante, pādena paṭhamena tu.
184.
184.
ход̇и т̇уллажжаяаабад̇д̇и, д̇ассаа саман̣ияаа бана;
Hoti thullaccayāpatti, tassā samaṇiyā pana;
д̣̇уд̇иязна ад̇игганд̇з, г̇аругз бана д̇идтад̇и.
Dutiyena atikkante, garuke pana tiṭṭhati.
185.
185.
жад̇уд̇т̇з д̣̇уд̇ияз вуд̇д̇а-сад̣̇исова винижчаяо;
Catutthe dutiye vutta-sadisova vinicchayo;
аабад̇д̇ийнам̣ бабхзд̣̇з д̇у, гаажи над̇т̇и висзсад̇аа.
Āpattīnaṃ pabhede tu, kāci natthi visesatā.
186.
186.
авассуд̇аа саяам̣ худ̇ваа, д̇аад̣̇исассзва хад̇т̇ад̇о;
Avassutā sayaṃ hutvā, tādisasseva hatthato;
г̇ахзд̇ваа бана бхун̃ж̇анд̇ий, бхож̇анаад̣̇ийсу гин̃жиби.
Gahetvā pana bhuñjantī, bhojanādīsu kiñcipi.
187.
187.
пусз аабад̇д̇ияо д̇иссо, бхож̇анаад̣̇ийсу гин̃жиби;
Phuse āpattiyo tisso, bhojanādīsu kiñcipi;
бадиг̇г̇ан̣ханд̇ияаа д̇ассаа, ход̇и т̇уллажжаяам̣ бана.
Paṭiggaṇhantiyā tassā, hoti thullaccayaṃ pana.
188.
188.
аж̇жхохаарзсу саб̣б̣зсу, ход̇и сан̇гхаад̣̇исзсад̇аа;
Ajjhohāresu sabbesu, hoti saṅghādisesatā;
уд̣̇агам̣ д̣̇анд̇абонам̣ ваа, бадиг̇г̇ан̣хаад̇и д̣̇уггадам̣.
Udakaṃ dantaponaṃ vā, paṭiggaṇhāti dukkaṭaṃ.
189.
189.
‘‘сахад̇т̇зна г̇ахзд̇ваа д̇вам̣, каад̣̇а ваа бхун̃ж̇а ваа’’д̇иби;
‘‘Sahatthena gahetvā tvaṃ, khāda vā bhuñja vā’’tipi;
уяяож̇знд̇ий банзвам̣ д̇у, д̇иссо аабад̇д̇ияо пусз.
Uyyojentī panevaṃ tu, tisso āpattiyo phuse.
190.
190.
д̣̇уггадам̣ важанз д̇ассаа, ‘‘бхун̃ж̇иссаамий’’д̇и г̇ан̣хад̇и;
Dukkaṭaṃ vacane tassā, ‘‘bhuñjissāmī’’ti gaṇhati;
аж̇жхохаарзсу саб̣б̣зсу, д̇ассаа т̇уллажжаяам̣ сияаа.
Ajjhohāresu sabbesu, tassā thullaccayaṃ siyā.
191.
191.
бхож̇анасса баносаанз, ход̇и сан̇гхаад̣̇исзсад̇аа;
Bhojanassa panosāne, hoti saṅghādisesatā;
уяяож̇зд̇и жа яаа д̇ассаа, имаа д̇иссод̇и д̣̇ийбаяз.
Uyyojeti ca yā tassā, imā tissoti dīpaye.
192.
192.
сад̇д̇амз адтамз жааби, навамз д̣̇асамзби жа;
Sattame aṭṭhame cāpi, navame dasamepi ca;
жоривудтаабанзнзва, самаанова винижчаяо.
Corivuṭṭhāpaneneva, samānova vinicchayo.
сан̇гхаад̣̇исзсагат̇аа.
Saṅghādisesakathā.
193.
193.
бад̇д̇асаннижаяам̣ яиха, гаронд̇ий бхигкуний бана;
Pattasannicayaṃ yiha, karontī bhikkhunī pana;
згам̣ ниссаг̇г̇ияам̣язва, пусз баажид̇д̇ияам̣ д̇у саа.
Ekaṃ nissaggiyaṃyeva, phuse pācittiyaṃ tu sā.
194.
194.
агаалажийварам̣ гаала-жийварам̣ бхааж̇аабзнд̇ияаа;
Akālacīvaraṃ kāla-cīvaraṃ bhājāpentiyā;
баяог̇з д̣̇уггадам̣ вуд̇д̇ам̣, лаабхз ниссаг̇г̇ияам̣ сияаа.
Payoge dukkaṭaṃ vuttaṃ, lābhe nissaggiyaṃ siyā.
195.
195.
жийварам̣ баривад̇д̇зд̇ваа, ажчинд̣̇ад̇и сажз бана;
Cīvaraṃ parivattetvā, acchindati sace pana;
баяог̇з д̣̇уггадам̣, чиннз, д̇ассаа ниссаг̇г̇ияам̣ сияаа.
Payoge dukkaṭaṃ, chinne, tassā nissaggiyaṃ siyā.
196.
196.
вин̃н̃аабзд̇ваава ан̃н̃ам̣ жз, вин̃н̃аабзд̇и д̇ад̇о барам̣;
Viññāpetvāva aññaṃ ce, viññāpeti tato paraṃ;
баяог̇з д̣̇уггадам̣, вин̃н̃аа-бид̇з ниссаг̇г̇ияам̣ сияаа.
Payoge dukkaṭaṃ, viññā-pite nissaggiyaṃ siyā.
197.
197.
жзд̇аабзд̇ваа хи ан̃н̃ам̣ жз, жзд̇аабзд̇и д̇ад̇о барам̣;
Cetāpetvā hi aññaṃ ce, cetāpeti tato paraṃ;
баяог̇з д̣̇уггадам̣, жзд̇аа-бид̇з ниссаг̇г̇ияам̣ сияаа.
Payoge dukkaṭaṃ, cetā-pite nissaggiyaṃ siyā.
198.
198.
звамзва жа сзсзсу, чадтаад̣̇ийсу жа сад̇д̇асу;
Evameva ca sesesu, chaṭṭhādīsu ca sattasu;
ананд̇арасамаанова, аабад̇д̇ийнам̣ винижчаяо.
Anantarasamānova, āpattīnaṃ vinicchayo.
ниссаг̇г̇ияагат̇аа.
Nissaggiyakathā.
199.
199.
ласун̣ам̣ каад̣̇ад̇и д̣̇вз жз, д̣̇уггадам̣ г̇ахан̣з сияаа;
Lasuṇaṃ khādati dve ce, dukkaṭaṃ gahaṇe siyā;
аж̇жхохаарабаяог̇зсу, баажид̇д̇и барияаабуд̇аа.
Ajjhohārapayogesu, pācitti pariyāputā.
200.
200.
сам̣хараабзнд̇ияаа ломам̣, самб̣аад̇хз д̣̇взва хонд̇и хи;
Saṃharāpentiyā lomaṃ, sambādhe dveva honti hi;
баяог̇з д̣̇уггадам̣ вуд̇д̇ам̣, ход̇и баажид̇д̇и сам̣хадз.
Payoge dukkaṭaṃ vuttaṃ, hoti pācitti saṃhaṭe.
201.
201.
гаронд̇ий д̇алагхаад̇ам̣ д̇у, д̣̇вз банаабад̇д̇ияо пусз;
Karontī talaghātaṃ tu, dve panāpattiyo phuse;
баяог̇з д̣̇уггадам̣ ход̇и, гад̇з баажид̇д̇ияам̣ сияаа.
Payoge dukkaṭaṃ hoti, kate pācittiyaṃ siyā.
202.
202.
ж̇ад̇унаа мадтагам̣ гин̃жи, саад̣̇ияанд̇ий д̣̇увз пусз;
Jatunā maṭṭhakaṃ kiñci, sādiyantī duve phuse;
баяог̇з д̣̇уггадаад̣̇иннз, д̇ассаа баажид̇д̇ияам̣ сияаа.
Payoge dukkaṭādinne, tassā pācittiyaṃ siyā.
203.
203.
бан̃жамам̣ д̇у жад̇уд̇т̇зна, самаанамид̇и д̣̇ийбаяз;
Pañcamaṃ tu catutthena, samānamiti dīpaye;
аабад̇д̇ийнам̣ вибхааг̇асмим̣, висзсо над̇т̇и гожиби.
Āpattīnaṃ vibhāgasmiṃ, viseso natthi kocipi.
204.
204.
бхигкусса бхун̃ж̇амаанасса, баанийязнубад̇идтад̇и;
Bhikkhussa bhuñjamānassa, pānīyenupatiṭṭhati;
хад̇т̇абаасз д̇у баажид̇д̇и, хид̇ваа д̇идтад̇и д̣̇уггадам̣.
Hatthapāse tu pācitti, hitvā tiṭṭhati dukkaṭaṃ.
205.
205.
вин̃н̃аабзд̇ваамагам̣ д̇хан̃н̃ам̣, ‘‘бхун̃ж̇иссаамий’’д̇и г̇ан̣хад̇и;
Viññāpetvāmakaṃ dhaññaṃ, ‘‘bhuñjissāmī’’ti gaṇhati;
д̣̇уггадам̣ ход̇и баажид̇д̇и, аж̇жхохаарзсу д̣̇ийбаяз.
Dukkaṭaṃ hoti pācitti, ajjhohāresu dīpaye.
206.
206.
ужжаараад̣̇им̣ д̇ирогуддз, чад̣д̣знд̇ий д̣̇вз пусз хавз;
Uccārādiṃ tirokuṭṭe, chaḍḍentī dve phuse have;
баяог̇з д̣̇уггадам̣ вуд̇д̇ам̣, баажид̇д̇и чад̣д̣ид̇з сияаа.
Payoge dukkaṭaṃ vuttaṃ, pācitti chaḍḍite siyā.
207.
207.
ужжаараад̣̇ижад̇уггам̣ д̇у, чад̣д̣зд̇и харид̇з сажз;
Uccārādicatukkaṃ tu, chaḍḍeti harite sace;
баяог̇з д̣̇уггадам̣ д̇ассаа, баажид̇д̇и чад̣д̣ид̇з сияаа.
Payoge dukkaṭaṃ tassā, pācitti chaḍḍite siyā.
208.
208.
нажжаад̣̇им̣ д̣̇ассанад̇т̇ааяа, сажз г̇ажчад̇и д̣̇уггадам̣;
Naccādiṃ dassanatthāya, sace gacchati dukkaṭaṃ;
бассанд̇ияааби баажид̇д̇и, д̇ат̇зва жа сун̣анд̇ияаа.
Passantiyāpi pācitti, tatheva ca suṇantiyā.
ласун̣аваг̇г̇о батамо.
Lasuṇavaggo paṭhamo.
209.
209.
батамз д̣̇уд̇ияз жзва, д̇ад̇ияз жа жад̇уд̇т̇агз;
Paṭhame dutiye ceva, tatiye ca catutthake;
д̇уляо ласун̣аваг̇г̇асса, чадтзнид̇ха винижчаяо.
Tulyo lasuṇavaggassa, chaṭṭhenidha vinicchayo.
210.
210.
гулаани убасан̇гамма, нисийд̣̇ид̇ваа банаасанз;
Kulāni upasaṅkamma, nisīditvā panāsane;
саамигз д̇у анаабужчаа, баггаманд̇ий д̣̇увз пусз.
Sāmike tu anāpucchā, pakkamantī duve phuse.
211.
211.
батамзна жа баад̣̇зна, ановассамад̇иггамз;
Paṭhamena ca pādena, anovassamatikkame;
д̣̇уггадам̣ ход̇и, баажид̇д̇и, д̣̇уд̇ияаад̇иггамз сияаа.
Dukkaṭaṃ hoti, pācitti, dutiyātikkame siyā.
212.
212.
саамигз д̇у анаабужчаа, аасанз жз нисийд̣̇ад̇и;
Sāmike tu anāpucchā, āsane ce nisīdati;
баяог̇з д̣̇уггадам̣ ход̇и, баажид̇д̇и жа нисийд̣̇ид̇з.
Payoge dukkaṭaṃ hoti, pācitti ca nisīdite.
213.
213.
чадтзна сад̇д̇амам̣ саб̣б̣ам̣, самаанам̣ адтамз бана;
Chaṭṭhena sattamaṃ sabbaṃ, samānaṃ aṭṭhame pana;
баяог̇з д̣̇уггадам̣, уж̇жхаа-бид̇з баажид̇д̇ияам̣ сияаа.
Payoge dukkaṭaṃ, ujjhā-pite pācittiyaṃ siyā.
214.
214.
ад̇д̇аанам̣ жаабхисаббзнд̇ий, д̣̇вз пусз нираяаад̣̇инаа;
Attānaṃ cābhisappentī, dve phuse nirayādinā;
баяог̇з д̣̇уггадам̣ вуд̇д̇ам̣, баажид̇д̇и абхисаббид̇з.
Payoge dukkaṭaṃ vuttaṃ, pācitti abhisappite.
215.
215.
вад̇хид̇ваа бана ад̇д̇аанам̣, род̣̇анд̇ий д̇у д̣̇увз пусз;
Vadhitvā pana attānaṃ, rodantī tu duve phuse;
вад̇хад̇и род̣̇ад̇и баажид̇д̇и, гарод̇згам̣ д̇у д̣̇уггадам̣.
Vadhati rodati pācitti, karotekaṃ tu dukkaṭaṃ.
рад̇д̇анд̇хагаараваг̇г̇о д̣̇уд̇ияо.
Rattandhakāravaggo dutiyo.
216.
216.
наг̇г̇аа нхааяад̇и д̣̇вз жзва, баяог̇з д̣̇уггадам̣ сияаа;
Naggā nhāyati dve ceva, payoge dukkaṭaṃ siyā;
нхаанасса барияосаанз, д̇ассаа баажид̇д̇ияам̣ сияаа.
Nhānassa pariyosāne, tassā pācittiyaṃ siyā.
217.
217.
гаараабзд̇и бамаан̣аад̇и-гганд̇ам̣ уд̣̇агасаадигам̣;
Kārāpeti pamāṇāti-kkantaṃ udakasāṭikaṃ;
баяог̇з д̣̇уггадам̣, гаараа-бид̇з баажид̇д̇ияам̣ сияаа.
Payoge dukkaṭaṃ, kārā-pite pācittiyaṃ siyā.
218.
218.
жийварам̣ д̇у висиб̣б̣зд̇ваа, висиб̣б̣аабзд̇ва ваа бана;
Cīvaraṃ tu visibbetvā, visibbāpetva vā pana;
нзва сиб̣б̣анд̇ияаа вуд̇д̇а-мзгам̣ баажид̇д̇ияам̣ бана.
Neva sibbantiyā vutta-mekaṃ pācittiyaṃ pana.
219.
219.
бан̃жаахигам̣ д̇у сан̇гхаади-жаарам̣ бана ад̇иггамз;
Pañcāhikaṃ tu saṅghāṭi-cāraṃ pana atikkame;
згаавассаа банаабад̇д̇и, баажид̇д̇и барид̣̇ийбид̇аа.
Ekāvassā panāpatti, pācitti paridīpitā.
220.
220.
сажз сан̇гаманийяам̣ д̇у, д̇хаарзд̇и бана жийварам̣;
Sace saṅkamanīyaṃ tu, dhāreti pana cīvaraṃ;
баяог̇з д̣̇уггадам̣ вуд̇д̇ам̣, баажид̇д̇и бана д̇хаарид̇з.
Payoge dukkaṭaṃ vuttaṃ, pācitti pana dhārite.
221.
221.
г̇ан̣ажийваралаабхасса, анд̇арааяам̣ гарод̇и жз;
Gaṇacīvaralābhassa, antarāyaṃ karoti ce;
баяог̇з д̣̇уггадам̣ ход̇и, гад̇з баажид̇д̇ияам̣ сияаа.
Payoge dukkaṭaṃ hoti, kate pācittiyaṃ siyā.
222.
222.
вибхан̇г̇ам̣ бадиб̣ааханд̇ий, жийвараанам̣ д̇у д̇хаммигам̣;
Vibhaṅgaṃ paṭibāhantī, cīvarānaṃ tu dhammikaṃ;
баяог̇з д̣̇уггадам̣ вуд̇д̇ам̣, баажид̇д̇и бадиб̣аахид̇з.
Payoge dukkaṭaṃ vuttaṃ, pācitti paṭibāhite.
223.
223.
аг̇ааригаад̣̇ино д̣̇зд̇и, сажз саман̣ажийварам̣;
Agārikādino deti, sace samaṇacīvaraṃ;
баяог̇з д̣̇уггадам̣, д̣̇иннз, баажид̇д̇и барияаабуд̇аа.
Payoge dukkaṭaṃ, dinne, pācitti pariyāputā.
224.
224.
жийварз д̣̇уб̣б̣алаасааяа, гаалам̣ жз самад̇иггамз;
Cīvare dubbalāsāya, kālaṃ ce samatikkame;
баяог̇з д̣̇уггадам̣ вуд̇д̇ам̣, баажид̇д̇и самад̇иггамз.
Payoge dukkaṭaṃ vuttaṃ, pācitti samatikkame.
225.
225.
д̇хаммигам̣ гат̇инуд̣̇д̇хаарам̣, бадиб̣ааханд̇ияаа д̣̇увз;
Dhammikaṃ kathinuddhāraṃ, paṭibāhantiyā duve;
баяог̇з д̣̇уггадам̣ ход̇и, баажид̇д̇и бадиб̣аахид̇з.
Payoge dukkaṭaṃ hoti, pācitti paṭibāhite.
нхаанаваг̇г̇о д̇ад̇ияо.
Nhānavaggo tatiyo.
226.
226.
д̣̇увз бхигкунияо зга-ман̃жасмим̣ жз д̇уваддзяяум̣;
Duve bhikkhuniyo eka-mañcasmiṃ ce tuvaṭṭeyyuṃ;
баяог̇з д̣̇уггадам̣ д̇аасам̣, нибаннз ид̇арам̣ сияаа.
Payoge dukkaṭaṃ tāsaṃ, nipanne itaraṃ siyā.
227.
227.
д̣̇уд̇ияам̣ батамзнзва, сад̣̇исам̣ д̇ад̇ияз бана;
Dutiyaṃ paṭhameneva, sadisaṃ tatiye pana;
баяог̇з д̣̇уггадам̣ ход̇и, гад̇з баажид̇д̇ияам̣ сияаа.
Payoge dukkaṭaṃ hoti, kate pācittiyaṃ siyā.
228.
228.
нубадтаабзнд̇ияаа вааби, д̣̇угкид̇ам̣ сахаж̇ийвиним̣;
Nupaṭṭhāpentiyā vāpi, dukkhitaṃ sahajīviniṃ;
згааязва банаабад̇д̇и, баажид̇д̇и барид̣̇ийбид̇аа.
Ekāyeva panāpatti, pācitti paridīpitā.
229.
229.
сажз убассаяам̣ д̣̇ад̇ваа, ниггад̣дхад̇и жа бхигкуним̣;
Sace upassayaṃ datvā, nikkaḍḍhati ca bhikkhuniṃ;
баяог̇з д̣̇уггадам̣ д̇ассаа, ход̇и баажид̇д̇и гад̣дхид̇з.
Payoge dukkaṭaṃ tassā, hoti pācitti kaḍḍhite.
230.
230.
чадтз бана жа сам̣садтаа, н̃ад̇д̇ияаа д̣̇уггадам̣ пусз;
Chaṭṭhe pana ca saṃsaṭṭhā, ñattiyā dukkaṭaṃ phuse;
гаммаваажааяа осаанз, баажид̇д̇и барид̣̇ийбид̇аа.
Kammavācāya osāne, pācitti paridīpitā.
231.
231.
анд̇орадтз д̇у саасан̇гз, жааригам̣ д̇у жаранд̇ияаа;
Antoraṭṭhe tu sāsaṅke, cārikaṃ tu carantiyā;
баяог̇з д̣̇уггадам̣ вуд̇д̇ам̣, бадибаннааяа сзсагам̣.
Payoge dukkaṭaṃ vuttaṃ, paṭipannāya sesakaṃ.
232.
232.
адтамам̣ наваман̃жзва, сад̇д̇амзна самам̣ мад̇ам̣;
Aṭṭhamaṃ navamañceva, sattamena samaṃ mataṃ;
д̣̇асамз бана згаава, баажид̇д̇и барид̣̇ийбид̇аа.
Dasame pana ekāva, pācitti paridīpitā.
д̇уваддаваг̇г̇о жад̇уд̇т̇о.
Tuvaṭṭavaggo catuttho.
233.
233.
рааж̇ааг̇аараад̣̇игам̣ саб̣б̣ам̣, д̣̇ассанад̇т̇ааяа г̇ажчад̇и;
Rājāgārādikaṃ sabbaṃ, dassanatthāya gacchati;
баяог̇з д̣̇уггадам̣ д̇ассаа, баажид̇д̇и яад̣̇и бассад̇и.
Payoge dukkaṭaṃ tassā, pācitti yadi passati.
234.
234.
аасанд̣̇им̣ вааби баллан̇гам̣, барибхун̃ж̇анд̇ияаа д̣̇увз;
Āsandiṃ vāpi pallaṅkaṃ, paribhuñjantiyā duve;
баяог̇з д̣̇уггадам̣ вуд̇д̇ам̣, бхуд̇д̇з баажид̇д̇ияам̣ сияаа.
Payoge dukkaṭaṃ vuttaṃ, bhutte pācittiyaṃ siyā.
235.
235.
суд̇д̇ам̣ ганд̇анд̇ияаа д̣̇взва, баяог̇з д̣̇уггадам̣ мад̇ам̣;
Suttaṃ kantantiyā dveva, payoge dukkaṭaṃ mataṃ;
уж̇ж̇авуж̇ж̇аванз д̇ассаа, баажид̇д̇и самуд̣̇аахарз.
Ujjavujjavane tassā, pācitti samudāhare.
236.
236.
взяяааважжам̣ г̇ихийнам̣ д̇у, д̣̇взва хонд̇и гаронд̇ияаа;
Veyyāvaccaṃ gihīnaṃ tu, dveva honti karontiyā;
баяог̇з д̣̇уггадам̣ вуд̇д̇ам̣, гад̇з баажид̇д̇ияам̣ сияаа.
Payoge dukkaṭaṃ vuttaṃ, kate pācittiyaṃ siyā.
237.
237.
бан̃жамз бана згаава, баажид̇д̇и барид̣̇ийбид̇аа;
Pañcame pana ekāva, pācitti paridīpitā;
баяог̇з д̣̇уггадам̣ чадтз, д̣̇иннз баажид̇д̇ияам̣ сияаа.
Payoge dukkaṭaṃ chaṭṭhe, dinne pācittiyaṃ siyā.
238.
238.
сад̇д̇амам̣ д̣̇уд̇иязнзва, самаабад̇д̇ибабхзд̣̇ад̇о;
Sattamaṃ dutiyeneva, samāpattipabhedato;
адтамам̣ д̣̇уд̇ияз ваг̇г̇з, бан̃жамзна самам̣ мад̇ам̣.
Aṭṭhamaṃ dutiye vagge, pañcamena samaṃ mataṃ.
239.
239.
д̇иражчаанаг̇ад̇ам̣ виж̇ж̇ам̣, д̣̇взва хонд̇и батанд̇ияаа;
Tiracchānagataṃ vijjaṃ, dveva honti paṭhantiyā;
баяог̇з д̣̇уггадам̣ ход̇и, баажид̇д̇и хи бад̣̇з бад̣̇з.
Payoge dukkaṭaṃ hoti, pācitti hi pade pade.
240.
240.
д̣̇асамам̣ навамзнзва, самаанам̣ саб̣б̣ат̇аа бана;
Dasamaṃ navameneva, samānaṃ sabbathā pana;
‘‘барияаабун̣аад̇и, ваажзд̇и’’, бад̣̇амад̇д̇ам̣ висзсагам̣.
‘‘Pariyāpuṇāti, vāceti’’, padamattaṃ visesakaṃ.
жид̇д̇ааг̇аараваг̇г̇о бан̃жамо.
Cittāgāravaggo pañcamo.
241.
241.
сабхигкугам̣ д̇амаараамам̣, ж̇аананд̇ий бана бхигкуний;
Sabhikkhukaṃ tamārāmaṃ, jānantī pana bhikkhunī;
бависанд̇ий анаабужчаа, д̣̇вз банаабад̇д̇ияо пусз.
Pavisantī anāpucchā, dve panāpattiyo phuse.
242.
242.
батамзна жа баад̣̇зна, баригкзбассад̇иггамз;
Paṭhamena ca pādena, parikkhepassatikkame;
д̣̇уггадам̣ бидагз вуд̇д̇ам̣, баажид̇д̇и д̣̇уд̇иязна д̇у.
Dukkaṭaṃ piṭake vuttaṃ, pācitti dutiyena tu.
243.
243.
аггосад̇и жа яаа бхигкум̣, бхигкуний барибхаасад̇и;
Akkosati ca yā bhikkhuṃ, bhikkhunī paribhāsati;
баяог̇з д̣̇уггадам̣ д̇ассаа, баажид̇д̇аггосид̇з сияаа.
Payoge dukkaṭaṃ tassā, pācittakkosite siyā.
244.
244.
яаа хи жан̣д̣игабхаавзна, г̇ан̣ам̣ д̇у барибхаасад̇и;
Yā hi caṇḍikabhāvena, gaṇaṃ tu paribhāsati;
баяог̇з д̣̇уггадам̣ д̇ассаа, барибхадтз банзд̇арам̣.
Payoge dukkaṭaṃ tassā, paribhaṭṭhe panetaraṃ.
245.
245.
ниманд̇ид̇аа баваарид̇аа, каад̣̇анам̣ бхож̇анамби ваа;
Nimantitā pavāritā, khādanaṃ bhojanampi vā;
бхун̃ж̇анд̇ий бхигкуний саа хи, д̣̇вз банаабад̇д̇ияо пусз.
Bhuñjantī bhikkhunī sā hi, dve panāpattiyo phuse.
246.
246.
‘‘бхун̃ж̇иссаамий’’д̇и яам̣ гин̃жи, бадиг̇г̇ан̣хаад̇и д̣̇уггадам̣;
‘‘Bhuñjissāmī’’ti yaṃ kiñci, paṭiggaṇhāti dukkaṭaṃ;
аж̇жхохаарабаяог̇зсу, баажид̇д̇и барид̣̇ийбаяз.
Ajjhohārapayogesu, pācitti paridīpaye.
247.
247.
гулам̣ д̇у мажчарааяанд̇ий, д̣̇вз банаабад̇д̇ияо пусз;
Kulaṃ tu maccharāyantī, dve panāpattiyo phuse;
баяог̇з д̣̇уггадам̣ вуд̇д̇ам̣, сзсаа мажчарид̇з сияаа.
Payoge dukkaṭaṃ vuttaṃ, sesā maccharite siyā.
248.
248.
абхигкугз банааваасз, бхавз вассам̣ васанд̇ияаа;
Abhikkhuke panāvāse, bhave vassaṃ vasantiyā;
д̣̇уггадам̣ буб̣б̣агижжзсу, баажид̇д̇и арун̣уг̇г̇амз.
Dukkaṭaṃ pubbakiccesu, pācitti aruṇuggame.
249.
249.
бхигкуний убхад̇осан̇гхз, вассам̣вудтаа д̇у д̇ийхиби;
Bhikkhunī ubhatosaṅghe, vassaṃvuṭṭhā tu tīhipi;
таанзхи аббаваарзнд̇ий, згам̣ баажид̇д̇ияам̣ пусз.
Ṭhānehi appavārentī, ekaṃ pācittiyaṃ phuse.
250.
250.
оваад̣̇ад̇т̇ааяа ваа бхигкум̣, сам̣ваасад̇т̇ааяа ваа д̇ат̇аа;
Ovādatthāya vā bhikkhuṃ, saṃvāsatthāya vā tathā;
на г̇ажчад̇и сажз д̇ассаа, згам̣ баажид̇д̇ияам̣ сияаа.
Na gacchati sace tassā, ekaṃ pācittiyaṃ siyā.
251.
251.
оваад̣̇амби на яаажанд̇ий, на г̇ажчанд̇ий убосат̇ам̣;
Ovādampi na yācantī, na gacchantī uposathaṃ;
згам̣ баажид̇д̇ияаабад̇д̇и-маабаж̇ж̇ад̇и, на сам̣саяо.
Ekaṃ pācittiyāpatti-māpajjati, na saṃsayo.
252.
252.
абужчид̇ваава сан̇гхам̣ ваа, бхзд̣̇аабзд̇и басаакаж̇ам̣;
Apucchitvāva saṅghaṃ vā, bhedāpeti pasākhajaṃ;
баяог̇з д̣̇уггадам̣, бхиннз, баажид̇д̇и барияаабуд̇аа.
Payoge dukkaṭaṃ, bhinne, pācitti pariyāputā.
аараамаваг̇г̇о чадто.
Ārāmavaggo chaṭṭho.
253.
253.
г̇аб̣бхиним̣ вудтабзнд̇ий хи, д̣̇вз банаабад̇д̇ияо пусз;
Gabbhiniṃ vuṭṭhapentī hi, dve panāpattiyo phuse;
баяог̇з д̣̇уггадам̣, вудтаа-бид̇з баажид̇д̇ияам̣ сияаа.
Payoge dukkaṭaṃ, vuṭṭhā-pite pācittiyaṃ siyā.
254.
254.
д̣̇уд̇ияам̣ д̇ад̇ияан̃жзва, жад̇уд̇т̇ам̣ бан̃жамамби жа;
Dutiyaṃ tatiyañceva, catutthaṃ pañcamampi ca;
чадтан̃жа сад̇д̇аман̃жзва, батамзна самам̣ мад̇ам̣.
Chaṭṭhañca sattamañceva, paṭhamena samaṃ mataṃ.
255.
255.
бхигкуний вудтабзд̇ваана, бхигкуним̣ сахаж̇ийвиним̣;
Bhikkhunī vuṭṭhapetvāna, bhikkhuniṃ sahajīviniṃ;
д̣̇взвассам̣ наануг̇г̇ан̣ханд̇ий, згам̣ баажид̇д̇ияам̣ пусз.
Dvevassaṃ nānuggaṇhantī, ekaṃ pācittiyaṃ phuse.
256.
256.
навамам̣ д̣̇асаман̃жзва, адтамзна самам̣ мад̇ам̣;
Navamaṃ dasamañceva, aṭṭhamena samaṃ mataṃ;
д̣̇вийсу аабад̇д̇ибхзд̣̇асмим̣, наанад̇д̇ам̣ над̇т̇и гин̃жиби.
Dvīsu āpattibhedasmiṃ, nānattaṃ natthi kiñcipi.
г̇аб̣бхинийваг̇г̇о сад̇д̇амо.
Gabbhinīvaggo sattamo.
257.
257.
гумаарийбхууд̇аваг̇г̇асса, аад̣̇ид̇о бана бан̃жаби;
Kumārībhūtavaggassa, ādito pana pañcapi;
самаанаа г̇аб̣бхинийваг̇г̇з, батамзнзва саб̣б̣асо.
Samānā gabbhinīvagge, paṭhameneva sabbaso.
258.
258.
‘‘алам̣ вудтаабид̇знаа’’д̇и, вужжамаанаа хи кийяад̇и;
‘‘Alaṃ vuṭṭhāpitenā’’ti, vuccamānā hi khīyati;
баяог̇з д̣̇уггадам̣, бажчаа, ход̇и баажид̇д̇и кийяид̇з.
Payoge dukkaṭaṃ, pacchā, hoti pācitti khīyite.
259.
259.
сад̇д̇амз адтамз жзва, згам̣ баажид̇д̇ияам̣ мад̇ам̣;
Sattame aṭṭhame ceva, ekaṃ pācittiyaṃ mataṃ;
аад̣̇инаава самаанаани, навамаад̣̇ийни бан̃жаби.
Ādināva samānāni, navamādīni pañcapi.
гумаарийбхууд̇аваг̇г̇о адтамо.
Kumārībhūtavaggo aṭṭhamo.
260.
260.
аабад̇д̇ияо пусз д̣̇взби, д̇хаарзнд̇ий чад̇д̇убааханам̣;
Āpattiyo phuse dvepi, dhārentī chattupāhanaṃ;
баяог̇з д̣̇уггадам̣ вуд̇д̇ам̣, ход̇и баажид̇д̇и д̇хаарид̇з.
Payoge dukkaṭaṃ vuttaṃ, hoti pācitti dhārite.
261.
261.
яаанзна бана яааяанд̇ий, д̣̇вз гираабад̇д̇ияо пусз;
Yānena pana yāyantī, dve kirāpattiyo phuse;
баяог̇з д̣̇уггадам̣ ход̇и, баажид̇д̇и яад̣̇и яааяид̇з.
Payoge dukkaṭaṃ hoti, pācitti yadi yāyite.
262.
262.
д̇хаарзнд̇ияаа д̇у сан̇гхаан̣им̣, баяог̇з д̣̇уггадам̣ сияаа;
Dhārentiyā tu saṅghāṇiṃ, payoge dukkaṭaṃ siyā;
д̇хаарид̇з бана баажид̇д̇и, жад̇уд̇т̇зби аяам̣ наяо.
Dhārite pana pācitti, catutthepi ayaṃ nayo.
263.
263.
нхааяанд̇ий г̇анд̇хаван̣н̣зна, баяог̇з д̣̇уггадам̣ пусз;
Nhāyantī gandhavaṇṇena, payoge dukkaṭaṃ phuse;
нхаанасса барияосаанз, д̇ассаа баажид̇д̇ияам̣ сияаа.
Nhānassa pariyosāne, tassā pācittiyaṃ siyā.
264.
264.
чадтамби бан̃жамзнзва, самаанам̣ саб̣б̣ат̇аа бана;
Chaṭṭhampi pañcameneva, samānaṃ sabbathā pana;
сад̇д̇амз адтамз жзва, навамз д̣̇асамзби жа.
Sattame aṭṭhame ceva, navame dasamepi ca.
265.
265.
баяог̇з д̣̇уггадам̣ вуд̇д̇ам̣, баажид̇д̇уммад̣̇д̣̇ид̇з сияаа;
Payoge dukkaṭaṃ vuttaṃ, pācittummaddite siyā;
аабад̇д̇ийнам̣ вибхааг̇асмим̣, над̇т̇и гаажи висзсад̇аа.
Āpattīnaṃ vibhāgasmiṃ, natthi kāci visesatā.
266.
266.
анаабужчаа д̇у бхигкусса, бурад̇о яаа нисийд̣̇ад̇и;
Anāpucchā tu bhikkhussa, purato yā nisīdati;
баяог̇з д̣̇уггадам̣ д̇ассаа, баажид̇д̇и д̇у нисийд̣̇ид̇з.
Payoge dukkaṭaṃ tassā, pācitti tu nisīdite.
267.
267.
аногаасагад̇ам̣ бхигкум̣, бан̃хам̣ бужчанд̇ияаа бана;
Anokāsakataṃ bhikkhuṃ, pañhaṃ pucchantiyā pana;
баяог̇з д̣̇уггадам̣ ход̇и, вуд̇д̇аа баажид̇д̇и бужчид̇з.
Payoge dukkaṭaṃ hoti, vuttā pācitti pucchite.
268.
268.
сам̣гажжигам̣ винаа г̇аамам̣, бад̣̇асаа бависанд̇ияаа;
Saṃkaccikaṃ vinā gāmaṃ, padasā pavisantiyā;
батамзнзва аараама-ваг̇г̇асса сад̣̇исам̣ вад̣̇з.
Paṭhameneva ārāma-vaggassa sadisaṃ vade.
чад̇д̇убааханаваг̇г̇о навамо.
Chattupāhanavaggo navamo.
баажид̇д̇ияагат̇аа.
Pācittiyakathā.
269.
269.
адтасу д̣̇увид̇хаабад̇д̇и, баадид̣̇зсаниязсуби;
Aṭṭhasu duvidhāpatti, pāṭidesaniyesupi;
вин̃н̃аабзд̇ваа сажз саббим̣, ‘‘бхун̃ж̇иссаамий’’д̇и г̇ан̣хад̇и.
Viññāpetvā sace sappiṃ, ‘‘bhuñjissāmī’’ti gaṇhati.
270.
270.
д̇ад̇о бхигкунияаа д̇ассаа, ход̇и аабад̇д̇и д̣̇уггадам̣;
Tato bhikkhuniyā tassā, hoti āpatti dukkaṭaṃ;
аж̇жхохаарзсу саб̣б̣зсу, баадид̣̇зсанияам̣ сияаа.
Ajjhohāresu sabbesu, pāṭidesaniyaṃ siyā.
баадид̣̇зсанийяагат̇аа.
Pāṭidesanīyakathā.
271.
271.
имам̣ вид̣̇ид̇ваа барамам̣ бануд̇д̇арам̣;
Imaṃ viditvā paramaṃ panuttaraṃ;
нируд̇д̇арам̣ ад̇т̇авасзна бхигку;
Niruttaraṃ atthavasena bhikkhu;
сукзна бан̃н̃ад̇д̇амахаасамуд̣̇д̣̇ам̣;
Sukhena paññattamahāsamuddaṃ;
д̣̇уруд̇д̇арам̣ уд̇д̇арад̇зва д̇хийро.
Duruttaraṃ uttarateva dhīro.
272.
272.
яасмаа д̇асмаа асмим̣ яог̇ам̣;
Yasmā tasmā asmiṃ yogaṃ;
усмааяуд̇д̇о яуд̇д̇о гаад̇ум̣;
Usmāyutto yutto kātuṃ;
сад̇д̇о сад̇д̇о ган̇кажчзд̣̇з;
Satto satto kaṅkhacchede;
сад̇т̇з сад̇т̇з нижжам̣ нижжам̣.
Satthe satthe niccaṃ niccaṃ.
бхигкунийвибхан̇г̇о нидтид̇о.
Bhikkhunīvibhaṅgo niṭṭhito.
