| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༥༣. བྷིཀྑུནཱིདཱུསཀཝཏྠུ
53. Bhikkhunīdūsakavatthu
༡༡༥. ཏེན ཁོ པན སམཡེན སམྦཧུལཱ བྷིཀྑུནིཡོ སཱཀེཏཱ སཱཝཏྠིཾ ཨདྡྷཱནམགྒཔྤཊིཔནྣཱ ཧོནྟི། ཨནྟརཱམགྒེ ཙོརཱ ནིཀྑམིཏྭཱ ཨེཀཙྩཱ བྷིཀྑུནིཡོ ཨཙྪིནྡིཾསུ, ཨེཀཙྩཱ བྷིཀྑུནིཡོ དཱུསེསུཾ། སཱཝཏྠིཡཱ རཱཛབྷཊཱ ནིཀྑམིཏྭཱ ཨེཀཙྩེ ཙོརེ ཨགྒཧེསུཾ, ཨེཀཙྩེ ཙོརཱ པལཱཡིཾསུ། ཡེ ཏེ པལཱཡིཾསུ, ཏེ བྷིཀྑཱུསུ པབྦཛིཾསུ། ཡེ ཏེ གཧིཏཱ, ཏེ ཝདྷཱཡ ཨོནིཡྻནྟི། ཨདྡསཾསུ ཁོ ཏེ པལཱཡིཏྭཱ པབྦཛིཏཱ ཏེ ཙོརེ ཝདྷཱཡ ཨོནིཡྻམཱནེ, དིསྭཱན ཨེཝམཱཧཾསུ ‘‘སཱདྷུ ཁོ མཡཾ པལཱཡིམྷཱ, སཙཱ ཙ མཡཾ གཡ྄ཧེཡྻཱམ, མཡམྤི ཨེཝམེཝ ཧཉྙེཡྻཱམཱ’’ཏི། བྷིཀྑཱུ ཨེཝམཱཧཾསུ ‘‘ཀིཾ པན ཏུམྷེ, ཨཱཝུསོ, ཨཀཏྠཱ’’ཏི། ཨཐ ཁོ ཏེ པབྦཛིཏཱ བྷིཀྑཱུནཾ ཨེཏམཏྠཾ ཨཱརོཙེསུཾ། བྷིཀྑཱུ བྷགཝཏོ ཨེཏམཏྠཾ ཨཱརོཙེསུཾ། བྷིཀྑུནིདཱུསཀོ, བྷིཀྑཝེ , ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི། སངྒྷབྷེདཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི། ལོཧིཏུཔྤཱདཀོ, བྷིཀྑཝེ, ཨནུཔསམྤནྣོ ན ཨུཔསམྤཱདེཏབྦོ, ཨུཔསམྤནྣོ ནཱསེཏབྦོཏི།
115. Tena kho pana samayena sambahulā bhikkhuniyo sāketā sāvatthiṃ addhānamaggappaṭipannā honti. Antarāmagge corā nikkhamitvā ekaccā bhikkhuniyo acchindiṃsu, ekaccā bhikkhuniyo dūsesuṃ. Sāvatthiyā rājabhaṭā nikkhamitvā ekacce core aggahesuṃ, ekacce corā palāyiṃsu. Ye te palāyiṃsu, te bhikkhūsu pabbajiṃsu. Ye te gahitā, te vadhāya oniyyanti. Addasaṃsu kho te palāyitvā pabbajitā te core vadhāya oniyyamāne, disvāna evamāhaṃsu ‘‘sādhu kho mayaṃ palāyimhā, sacā ca mayaṃ gayheyyāma, mayampi evameva haññeyyāmā’’ti. Bhikkhū evamāhaṃsu ‘‘kiṃ pana tumhe, āvuso, akatthā’’ti. Atha kho te pabbajitā bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. Bhikkhunidūsako, bhikkhave , anupasampanno na upasampādetabbo, upasampanno nāsetabboti. Saṅghabhedako, bhikkhave, anupasampanno na upasampādetabbo, upasampanno nāsetabboti. Lohituppādako, bhikkhave, anupasampanno na upasampādetabbo, upasampanno nāsetabboti.
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / མཱཏུགྷཱཏཀཱདིཝཏྠུཀཐཱ • Mātughātakādivatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / མཱཏུགྷཱཏཀཱདིཝཏྠུཀཐཱཝཎྞནཱ • Mātughātakādivatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / མཱཏུགྷཱཏཀཱདིཝཏྠུཀཐཱཝཎྞནཱ • Mātughātakādivatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / མཱཏུགྷཱཏཀཱདིཀཐཱཝཎྞནཱ • Mātughātakādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༥༠. མཱཏུགྷཱཏཀཱདིཝཏྠུཀཐཱ • 50. Mātughātakādivatthukathā
