| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
бхзсаж̇ж̇агканд̇хагагат̇аа
Bhesajjakkhandhakakathā
2665.
2665.
вуд̇д̇аа г̇ахабад̇иссааби, саммуд̇уссаавананд̇игаа;
Vuttā gahapatissāpi, sammutussāvanantikā;
г̇онисаад̣̇ийд̇и габбияаа, жад̇ассо хонд̇и бхуумияо.
Gonisādīti kappiyā, catasso honti bhūmiyo.
2666.
2666.
сан̇гхасса санд̇агам̣ г̇зхам̣, санд̇агам̣ бхигкуноби ваа;
Saṅghassa santakaṃ gehaṃ, santakaṃ bhikkhunopi vā;
габбияам̣ бана гад̇д̇аб̣б̣ам̣, сахасзяяаббахонагам̣.
Kappiyaṃ pana kattabbaṃ, sahaseyyappahonakaṃ.
2667.
2667.
табзд̇ваа бхигкуман̃н̃зхи, д̣̇иннам̣ габбияабхуумияаа;
Ṭhapetvā bhikkhumaññehi, dinnaṃ kappiyabhūmiyā;
ад̇т̇ааяа санд̇агам̣ д̇зсам̣, г̇зхам̣ г̇ахабад̇звид̣̇ам̣.
Atthāya santakaṃ tesaṃ, gehaṃ gahapatevidaṃ.
2668.
2668.
саа хи саммуд̇игаа наама, яаа хи сан̇гхзна саммад̇аа;
Sā hi sammutikā nāma, yā hi saṅghena sammatā;
гаммаваажамавад̇ваа ваа, ваддад̇зваабалоганам̣.
Kammavācamavatvā vā, vaṭṭatevāpalokanaṃ.
2669.
2669.
батамидтагабаасаан̣а-т̇амбхаад̣̇идтабанз бана;
Paṭhamiṭṭhakapāsāṇa-thambhādiṭṭhapane pana;
‘‘габбияагудим̣ гаромаа’’д̇и, вад̣̇анд̇зхи саманд̇ад̇о.
‘‘Kappiyakuṭiṃ karomā’’ti, vadantehi samantato.
2670.
2670.
угкибид̇ваа табзнд̇зсу, аамасид̇ваа барзсу ваа;
Ukkhipitvā ṭhapentesu, āmasitvā paresu vā;
саяамзвугкибид̇ваа ваа, табзяяуссаавананд̇игаа.
Sayamevukkhipitvā vā, ṭhapeyyussāvanantikā.
2671.
2671.
идтагаад̣̇ибад̇идтаанам̣ , бхигкуунам̣ вад̣̇ад̇ам̣ бана;
Iṭṭhakādipatiṭṭhānaṃ , bhikkhūnaṃ vadataṃ pana;
ваажааяа барияосаанам̣, самагаалам̣ д̇у ваддад̇и.
Vācāya pariyosānaṃ, samakālaṃ tu vaṭṭati.
2672.
2672.
аараамо абаригкид̇д̇о, сагало бхуяяад̇оби ваа;
Ārāmo aparikkhitto, sakalo bhuyyatopi vā;
д̣̇увид̇хоби жа вин̃н̃уухи, г̇онисаад̣̇ийд̇и вужжад̇и.
Duvidhopi ca viññūhi, gonisādīti vuccati.
2673.
2673.
зд̇аа бана жад̇ассоби, хонд̇и габбияабхуумияо;
Etā pana catassopi, honti kappiyabhūmiyo;
зд̇т̇а багган̃жа вуд̇т̇ан̃жа, саб̣б̣ам̣ ваддад̇и аамисам̣.
Ettha pakkañca vutthañca, sabbaṃ vaṭṭati āmisaṃ.
2674.
2674.
уссаавананд̇игаа яаа саа, т̇амбхаад̣̇ийсу ад̇хидтид̇аа;
Ussāvanantikā yā sā, thambhādīsu adhiṭṭhitā;
т̇амбхаад̣̇ийсвабанийд̇зсу, д̇ад̣̇ан̃н̃зсуби д̇идтад̇и.
Thambhādīsvapanītesu, tadaññesupi tiṭṭhati.
2675.
2675.
абанийд̇зсу саб̣б̣зсу, сияаа ж̇ахид̇авад̇т̇угаа;
Apanītesu sabbesu, siyā jahitavatthukā;
г̇онисаад̣̇ий баригкид̇д̇аа, сзсаа чад̣̇ананаасад̇о.
Gonisādī parikkhittā, sesā chadananāsato.
2676.
2676.
бхигкум̣ табзд̇ваа ан̃н̃зсам̣, хад̇т̇ад̇о жа бадиг̇г̇ахо;
Bhikkhuṃ ṭhapetvā aññesaṃ, hatthato ca paṭiggaho;
д̇зсан̃жа саннид̇хи анд̇о- вуд̇д̇ам̣ бхигкусса ваддад̇и.
Tesañca sannidhi anto- vuttaṃ bhikkhussa vaṭṭati.
2677.
2677.
бхигкусса бхигкунияаа ваа, санд̇агам̣ сан̇гхигамби ваа;
Bhikkhussa bhikkhuniyā vā, santakaṃ saṅghikampi vā;
анд̇овуд̇т̇ан̃жа багган̃жа, убхиннам̣ на жа ваддад̇и.
Antovutthañca pakkañca, ubhinnaṃ na ca vaṭṭati.
2678.
2678.
агаббагудияаа вуд̇т̇ам̣, саббиаад̣̇ивимиссид̇ам̣;
Akappakuṭiyā vutthaṃ, sappiādivimissitaṃ;
‘‘анд̇овуд̇т̇а’’нд̇и нид̣̇д̣̇идтам̣, батамам̣ гаалигад̣̇ваяам̣.
‘‘Antovuttha’’nti niddiṭṭhaṃ, paṭhamaṃ kālikadvayaṃ.
2679.
2679.
д̇зхзва саббиаад̣̇ийхи, бхигкунаа яааваж̇ийвигам̣;
Teheva sappiādīhi, bhikkhunā yāvajīvikaṃ;
баггам̣ д̇ам̣ бана сад̇д̇аахам̣, ваддад̇зва нираамисам̣.
Pakkaṃ taṃ pana sattāhaṃ, vaṭṭateva nirāmisaṃ.
2680.
2680.
сажз аамисасам̣садтам̣, баггам̣ д̇ам̣ барибхун̃ж̇ад̇и;
Sace āmisasaṃsaṭṭhaṃ, pakkaṃ taṃ paribhuñjati;
анд̇овуд̇т̇ан̃жа бхияяоби, саамабагган̃жа бхун̃ж̇ад̇и.
Antovutthañca bhiyyopi, sāmapakkañca bhuñjati.
2681.
2681.
яаавагаалигамаахааро, баанагам̣ яаамагаалигам̣;
Yāvakālikamāhāro, pānakaṃ yāmakālikaṃ;
сад̇д̇аахагаалигам̣ наама, саббиаад̣̇игабан̃жагам̣.
Sattāhakālikaṃ nāma, sappiādikapañcakaṃ.
2682.
2682.
сзсам̣ бана халид̣̇д̣̇аад̣̇и, бхзсаж̇ж̇ам̣ яааваж̇ийвигам̣;
Sesaṃ pana haliddādi, bhesajjaṃ yāvajīvikaṃ;
жад̇уд̇хаа гаалигаа вуд̇д̇аа, уд̣̇агам̣ ход̇яагаалигам̣.
Catudhā kālikā vuttā, udakaṃ hotyakālikaṃ.
2683.
2683.
бадиг̇г̇ахавасзнзва, гаалаад̇ийд̇аа д̇игаалигаа;
Paṭiggahavaseneva, kālātītā tikālikā;
хонд̇и д̣̇осагараа бхуд̇д̇аа, абхуд̇д̇ам̣ д̇ад̇ияамби жа.
Honti dosakarā bhuttā, abhuttaṃ tatiyampi ca.
2684.
2684.
амб̣ам̣ ж̇амб̣у жа жожан̃жа, можан̃жа мад̇ху муд̣̇д̣̇игаа;
Ambaṃ jambu ca cocañca, mocañca madhu muddikā;
саалу паарусаган̃жаад̇и, баанагам̣ адтад̇хаа мад̇ам̣.
Sālu phārusakañcāti, pānakaṃ aṭṭhadhā mataṃ.
2685.
2685.
баанагад̇т̇аманун̃н̃аад̇ам̣, палам̣ багган̃жа аамагам̣;
Pānakatthamanuññātaṃ, phalaṃ pakkañca āmakaṃ;
баанахзд̇у бадигкид̇д̇о, савад̇т̇угабадиг̇г̇ахо.
Pānahetu paṭikkhitto, savatthukapaṭiggaho.
2686.
2686.
амб̣абаггам̣ сугоддзд̇ваа, мад̣̇д̣̇ид̇ваа уд̣̇агз бана;
Ambapakkaṃ sukoṭṭetvā, madditvā udake pana;
бажчаа бариссавам̣ гад̇ваа, баад̇ум̣ ваддад̇и баанагам̣.
Pacchā parissavaṃ katvā, pātuṃ vaṭṭati pānakaṃ.
2687.
2687.
ваддад̇аад̣̇ижжабаагам̣ д̇у, аг̇г̇ибаггам̣ на ваддад̇и;
Vaṭṭatādiccapākaṃ tu, aggipakkaṃ na vaṭṭati;
зсзва жа наяо сзса-баанагзсуби д̣̇ийбид̇о.
Eseva ca nayo sesa-pānakesupi dīpito.
2688.
2688.
бубпабад̇д̇апалужчуунам̣, жад̇д̇ааро банимз расаа;
Pupphapattaphalucchūnaṃ, cattāro panime rasā;
анун̃н̃аад̇аа имаанадта, баанаани ануж̇аанад̇аа.
Anuññātā imānaṭṭha, pānāni anujānatā.
2689.
2689.
саб̣б̣о бубпарасо вуд̇д̇о, мад̇хугасса расам̣ винаа;
Sabbo puppharaso vutto, madhukassa rasaṃ vinā;
саб̣б̣о бад̇д̇арасо вуд̇д̇о, баггад̣аагарасам̣ винаа.
Sabbo pattaraso vutto, pakkaḍākarasaṃ vinā.
2690.
2690.
сад̇д̇аннам̣ саануломаанам̣, д̇хан̃н̃аанам̣ палаж̇ам̣ расам̣;
Sattannaṃ sānulomānaṃ, dhaññānaṃ phalajaṃ rasaṃ;
табзд̇ваанумад̇о саб̣б̣о, вигаалз палаж̇о расо.
Ṭhapetvānumato sabbo, vikāle phalajo raso.
2691.
2691.
яаавагаалигабад̇д̇аана-маби сийд̇уд̣̇агз гад̇о;
Yāvakālikapattāna-mapi sītudake kato;
мад̣̇д̣̇ид̇ваад̣̇ижжабаагоби, вигаалз бана ваддад̇и.
Madditvādiccapākopi, vikāle pana vaṭṭati.
2692.
2692.
д̇аалан̃жа наал̣игзран̃жа, банасам̣ лаб̣уж̇амби жа;
Tālañca nāḷikerañca, panasaṃ labujampi ca;
д̇ибусаалааб̣угумбхан̣д̣ам̣, д̇ат̇аа буссапаламби жа.
Tipusālābukumbhaṇḍaṃ, tathā pussaphalampi ca.
2693.
2693.
звамзл̣аалуган̃жаад̇и, навзд̇аани палаани хи;
Evameḷālukañcāti, navetāni phalāni hi;
абаран̣н̣ан̃жа саб̣б̣амби, сад̇д̇ад̇хан̃н̃аануломигам̣.
Aparaṇṇañca sabbampi, sattadhaññānulomikaṃ.
2694.
2694.
б̣ад̣̇арам̣ д̇имб̣аруу сзлу, госамб̣ам̣ гарамад̣̇д̣̇агам̣;
Badaraṃ timbarū selu, kosambaṃ karamaddakaṃ;
маад̇улун̇г̇агабид̇т̇ан̃жа, взд̇д̇ам̣ жин̃жапаламби жа.
Mātuluṅgakapitthañca, vettaṃ ciñcaphalampi ca.
2695.
2695.
палаанам̣ звамаад̣̇ийнам̣, куд̣̇д̣̇агаанам̣ расо бана;
Phalānaṃ evamādīnaṃ, khuddakānaṃ raso pana;
адтабаанаануломад̇д̇аа, нид̣̇д̣̇идто ануломигз.
Aṭṭhapānānulomattā, niddiṭṭho anulomike.
2696.
2696.
саануломасса д̇хан̃н̃асса, табзд̇ваа палаж̇ам̣ расам̣;
Sānulomassa dhaññassa, ṭhapetvā phalajaṃ rasaṃ;
ан̃н̃о паларасо над̇т̇и, аяаамагаалиго ид̇ха.
Añño phalaraso natthi, ayāmakāliko idha.
бхзсаж̇ж̇агканд̇хагагат̇аа.
Bhesajjakkhandhakakathā.
