| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਭਰਿਯਾਸੁਤ੍ਤવਣ੍ਣਨਾ
10. Bhariyāsuttavaṇṇanā
੬੩. ਦਸਮੇ ਉਚ੍ਚਾਸਦ੍ਦਾ ਮਹਾਸਦ੍ਦਾ ਉਦ੍ਧਂ ਉਗ੍ਗਤਤ੍ਤਾ ਉਚ੍ਚਂ ਪਤ੍ਥਟਤ੍ਤਾ ਮਹਨ੍ਤਂ ਅવਿਨਿਬ੍ਭੋਗਂ વਿਨਿਭੁਞ੍ਜਿਤ੍વਾ ਗਹੇਤੁਂ ਅਸਕ੍ਕੁਣੇਯ੍ਯਂ ਸਦ੍ਦਂ ਕਰੋਨ੍ਤਾ વਦਨ੍ਤਿ। વਚੀਘੋਸੋਪਿ ਹਿ ਬਹੂਹਿ ਏਕਜ੍ਝਂ ਪવਤ੍ਤਿਤੋ ਅਤ੍ਥਤੋ ਚ ਸਦ੍ਦਤੋ ਚ ਦੁਰવਬੋਧੋ ਕੇવਲਂ ਮਹਾਨਿਗ੍ਘੋਸੋ ਏવ ਹੁਤ੍વਾ ਸੋਤਪਥਮਾਗਚ੍ਛਤਿ। ਮਚ੍ਛવਿਲੋਪੇਤਿ ਮਚ੍ਛੇ વਿਲੁਮ੍ਪਿਤ੍વਾ વਿਯ ਗਹਣੇ, ਮਚ੍ਛਾਨਂ વਾ વਿਲੁਮ੍ਪਨੇ। ਕੇવਟ੍ਟਾਨਞ੍ਹਿ ਮਚ੍ਛਪਚ੍ਛਿਟ੍ਠਪਿਤਟ੍ਠਾਨੇ ਮਹਾਜਨੋ ਸਨ੍ਨਿਪਤਿਤ੍વਾ ‘‘ਇਧ ਅਞ੍ਞਂ ਏਕਂ ਮਚ੍ਛਂ ਦੇਹਿ, ਏਕਂ ਮਚ੍ਛਫਾਲਂ ਦੇਹਿ, ਏਤਸ੍ਸ ਤੇ ਮਹਾ ਦਿਨ੍ਨੋ, ਮਯ੍ਹਂ ਖੁਦ੍ਦਕੋ’’ਤਿ ਏવਂ ਉਚ੍ਚਾਸਦ੍ਦਮਹਾਸਦ੍ਦਂ ਕਰੋਨ੍ਤਿ। ਤਂ ਸਨ੍ਧਾਯੇਤਂ વੁਤ੍ਤਂ ‘‘ਕੇવਟ੍ਟਾਨਂ ਮਚ੍ਛਪਚ੍ਛਿਂ ਓਤਾਰੇਤ੍વਾ ਠਿਤਟ੍ਠਾਨੇ’’ਤਿ। ਮਚ੍ਛਗ੍ਗਹਣਤ੍ਥਂ ਜਾਲੇ ਪਕ੍ਖਿਤ੍ਤੇਪਿ ਤਸ੍ਮਿਂ ਠਾਨੇ ਕੇવਟ੍ਟਾ ਚੇવ ਅਞ੍ਞੇ ਚ ‘‘ਪવਿਟ੍ਠੋ ਨ ਪવਿਟ੍ਠੋ , ਗਹਿਤੋ ਨ ਗਹਿਤੋ’’ਤਿ ਮਹਾਸਦ੍ਦਂ ਕਰੋਨ੍ਤਿ। ਤਂ ਸਨ੍ਧਾਯੇਤਂ વੁਤ੍ਤਂ ‘‘ਜਾਲੇ વਾ…ਪੇ॰… ਮਹਾਸਦ੍ਦੋ ਹੋਤੀ’’ਤਿ। ਕਤ੍ਤਬ੍ਬવਤ੍ਤਨ੍ਤਿ ਪਾਦਪਰਿਕਮ੍ਮਾਦਿਕਤ੍ਤਬ੍ਬਕਿਚ੍ਚਂ। ਖਰਾਤਿ ਚਿਤ੍ਤੇਨ વਾਚਾਯ ਚ ਕਕ੍ਖਲ਼ਾ। ਸੇਸਮੇਤ੍ਥ ਉਤ੍ਤਾਨਮੇવ।
63. Dasame uccāsaddā mahāsaddā uddhaṃ uggatattā uccaṃ patthaṭattā mahantaṃ avinibbhogaṃ vinibhuñjitvā gahetuṃ asakkuṇeyyaṃ saddaṃ karontā vadanti. Vacīghosopi hi bahūhi ekajjhaṃ pavattito atthato ca saddato ca duravabodho kevalaṃ mahānigghoso eva hutvā sotapathamāgacchati. Macchavilopeti macche vilumpitvā viya gahaṇe, macchānaṃ vā vilumpane. Kevaṭṭānañhi macchapacchiṭṭhapitaṭṭhāne mahājano sannipatitvā ‘‘idha aññaṃ ekaṃ macchaṃ dehi, ekaṃ macchaphālaṃ dehi, etassa te mahā dinno, mayhaṃ khuddako’’ti evaṃ uccāsaddamahāsaddaṃ karonti. Taṃ sandhāyetaṃ vuttaṃ ‘‘kevaṭṭānaṃ macchapacchiṃ otāretvā ṭhitaṭṭhāne’’ti. Macchaggahaṇatthaṃ jāle pakkhittepi tasmiṃ ṭhāne kevaṭṭā ceva aññe ca ‘‘paviṭṭho na paviṭṭho , gahito na gahito’’ti mahāsaddaṃ karonti. Taṃ sandhāyetaṃ vuttaṃ ‘‘jāle vā…pe… mahāsaddo hotī’’ti. Kattabbavattanti pādaparikammādikattabbakiccaṃ. Kharāti cittena vācāya ca kakkhaḷā. Sesamettha uttānameva.
ਭਰਿਯਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Bhariyāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਭਰਿਯਾਸੁਤ੍ਤਂ • 10. Bhariyāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਭਰਿਯਾਸੁਤ੍ਤવਣ੍ਣਨਾ • 10. Bhariyāsuttavaṇṇanā
