| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
ភណ្ឌាគារសម្មុតិអាទិកថាវណ្ណនា
Bhaṇḍāgārasammutiādikathāvaṇṇanā
៣៤៣. វិហារមជ្ឈេតិ សព្ពេសំ ជាននត្ថាយ វុត្តំ។ វណ្ណាវណ្ណំ កត្វាតិ បដិវីសប្បហោនកតាជាននត្ថំ ហលិទ្ទិយាទីហិ ខុទ្ទកមហន្តវណ្ណេហិ យុត្តេ សមេ កោដ្ឋាសេ កត្វា។ តេនាហ ‘‘សមេ បដិវីសេ ឋបេត្វា’’តិ។ ឥទន្តិ សាមណេរានំ ឧបឌ្ឍបដិវីសទានំ។ ផាតិកម្មន្តិ បហោនកកម្មំ។ យត្តកេន វិនយាគតេន សម្មុញ្ជនីពន្ធនាទិហត្ថកម្មេន វិហារស្ស ឩនកតា ន ហោតិ, តត្តកំ កត្វាតិ អត្ថោ។ សព្ពេសន្តិ តត្រុប្បាទវស្សាវាសិកំ គណ្ហន្តានំ សព្ពេសំ ភិក្ខូនំ, សាមណេរានញ្ច។ ភណ្ឌាគារិកចីវរេបីតិ អកាលចីវរំ សន្ធាយ វុត្តំ។ ឯតន្តិ ឧក្កុដ្ឋិយា កតាយ សមភាគទានំ។ វិរជ្ឈិត្វា ករោន្តីតិ កត្តព្ពកាលេសុ អកត្វា យថារុចិតក្ខណេ ករោន្តិ។
343.Vihāramajjheti sabbesaṃ jānanatthāya vuttaṃ. Vaṇṇāvaṇṇaṃ katvāti paṭivīsappahonakatājānanatthaṃ haliddiyādīhi khuddakamahantavaṇṇehi yutte same koṭṭhāse katvā. Tenāha ‘‘same paṭivīse ṭhapetvā’’ti. Idanti sāmaṇerānaṃ upaḍḍhapaṭivīsadānaṃ. Phātikammanti pahonakakammaṃ. Yattakena vinayāgatena sammuñjanībandhanādihatthakammena vihārassa ūnakatā na hoti, tattakaṃ katvāti attho. Sabbesanti tatruppādavassāvāsikaṃ gaṇhantānaṃ sabbesaṃ bhikkhūnaṃ, sāmaṇerānañca. Bhaṇḍāgārikacīvarepīti akālacīvaraṃ sandhāya vuttaṃ. Etanti ukkuṭṭhiyā katāya samabhāgadānaṃ. Virajjhitvā karontīti kattabbakālesu akatvā yathārucitakkhaṇe karonti.
ឯត្តកេន មម ចីវរំ បហោតីតិ ទ្វាទសគ្ឃនកេនេវ មម ចីវរំ បរិបុណ្ណំ ហោតិ, ន តតោ ឩនេនាតិ សព្ពំ គហេតុកាមោតិ អត្ថោ។
Ettakena mama cīvaraṃ pahotīti dvādasagghanakeneva mama cīvaraṃ paripuṇṇaṃ hoti, na tato ūnenāti sabbaṃ gahetukāmoti attho.
ភណ្ឌាគារសម្មុតិអាទិកថាវណ្ណនា និដ្ឋិតា។
Bhaṇḍāgārasammutiādikathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ២១៤. ភណ្ឌាគារសម្មុតិអាទិកថា • 214. Bhaṇḍāgārasammutiādikathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / ភណ្ឌាគារសម្មុតិអាទិកថា • Bhaṇḍāgārasammutiādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ចីវរបដិគ្គាហកសម្មុតិអាទិកថាវណ្ណនា • Cīvarapaṭiggāhakasammutiādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ភណ្ឌាគារសម្មុតិអាទិកថាវណ្ណនា • Bhaṇḍāgārasammutiādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២១៤. ភណ្ឌាគារសម្មុតិអាទិកថា • 214. Bhaṇḍāgārasammutiādikathā
