| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೨. ಭಾಜನಪಾಲಕತ್ಥೇರಅಪದಾನಂ
2. Bhājanapālakattheraapadānaṃ
೫.
5.
‘‘ನಗರೇ ಬನ್ಧುಮತಿಯಾ, ಕುಮ್ಭಕಾರೋ ಅಹಂ ತದಾ।
‘‘Nagare bandhumatiyā, kumbhakāro ahaṃ tadā;
ಭಾಜನಂ ಅನುಪಾಲೇಸಿಂ, ಭಿಕ್ಖುಸಙ್ಘಸ್ಸ ತಾವದೇ॥
Bhājanaṃ anupālesiṃ, bhikkhusaṅghassa tāvade.
೬.
6.
‘‘ಏಕನವುತಿತೋ ಕಪ್ಪೇ, ಭಾಜನಂ ಅನುಪಾಲಯಿಂ।
‘‘Ekanavutito kappe, bhājanaṃ anupālayiṃ;
ದುಗ್ಗತಿಂ ನಾಭಿಜಾನಾಮಿ, ಭಾಜನಸ್ಸ ಇದಂ ಫಲಂ॥
Duggatiṃ nābhijānāmi, bhājanassa idaṃ phalaṃ.
೭.
7.
‘‘ತೇಪಞ್ಞಾಸೇ ಇತೋ ಕಪ್ಪೇ, ಅನನ್ತಜಾಲಿನಾಮಕೋ।
‘‘Tepaññāse ito kappe, anantajālināmako;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೮.
8.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಭಾಜನಪಾಲಕೋ 1 ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā bhājanapālako 2 thero imā gāthāyo abhāsitthāti.
ಭಾಜನಪಾಲಕತ್ಥೇರಸ್ಸಾಪದಾನಂ ದುತಿಯಂ।
Bhājanapālakattherassāpadānaṃ dutiyaṃ.
Footnotes:
