| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. ភាជនបាលកត្ថេរអបទានំ
2. Bhājanapālakattheraapadānaṃ
៥.
5.
‘‘នគរេ ពន្ធុមតិយា, កុម្ភការោ អហំ តទា;
‘‘Nagare bandhumatiyā, kumbhakāro ahaṃ tadā;
ភាជនំ អនុបាលេសិំ, ភិក្ខុសង្ឃស្ស តាវទេ។
Bhājanaṃ anupālesiṃ, bhikkhusaṅghassa tāvade.
៦.
6.
‘‘ឯកនវុតិតោ កប្បេ, ភាជនំ អនុបាលយិំ;
‘‘Ekanavutito kappe, bhājanaṃ anupālayiṃ;
ទុគ្គតិំ នាភិជានាមិ, ភាជនស្ស ឥទំ ផលំ។
Duggatiṃ nābhijānāmi, bhājanassa idaṃ phalaṃ.
៧.
7.
‘‘តេបញ្ញាសេ ឥតោ កប្បេ, អនន្តជាលិនាមកោ;
‘‘Tepaññāse ito kappe, anantajālināmako;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៨.
8.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ភាជនបាលកោ 1 ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā bhājanapālako 2 thero imā gāthāyo abhāsitthāti.
ភាជនបាលកត្ថេរស្សាបទានំ ទុតិយំ។
Bhājanapālakattherassāpadānaṃ dutiyaṃ.
Footnotes:
