| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৫. ভগৰতো উপসম্পদাপঞ্হো
5. Bhagavato upasampadāpañho
৫. রাজা আহ ‘‘ভন্তে নাগসেন, উপসম্পদা সুন্দরা’’তি? ‘‘আম, মহারাজ, উপসম্পদা সুন্দরা’’তি। ‘‘অত্থি পন, ভন্তে, বুদ্ধস্স উপসম্পদা, উদাহু নত্থী’’তি? ‘‘উপসম্পন্নো খো, মহারাজ , ভগৰা বোধিরুক্খমূলে সহ সব্বঞ্ঞুতঞাণেন, নত্থি ভগৰতো উপসম্পদা অঞ্ঞেহি দিন্না, যথা সাৰকানং, মহারাজ, ভগৰা সিক্খাপদং পঞ্ঞপেতি যাৰজীৰং অনতিক্কমনীয’’ন্তি।
5. Rājā āha ‘‘bhante nāgasena, upasampadā sundarā’’ti? ‘‘Āma, mahārāja, upasampadā sundarā’’ti. ‘‘Atthi pana, bhante, buddhassa upasampadā, udāhu natthī’’ti? ‘‘Upasampanno kho, mahārāja , bhagavā bodhirukkhamūle saha sabbaññutañāṇena, natthi bhagavato upasampadā aññehi dinnā, yathā sāvakānaṃ, mahārāja, bhagavā sikkhāpadaṃ paññapeti yāvajīvaṃ anatikkamanīya’’nti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
ভগৰতো উপসম্পদাপঞ্হো পঞ্চমো।
Bhagavato upasampadāpañho pañcamo.
