| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৬. অস্সুভেসজ্জাভেসজ্জপঞ্হো
6. Assubhesajjābhesajjapañho
৬. রাজা আহ ‘‘ভন্তে নাগসেন, যো চ মাতরি মতায রোদতি, যো চ ধম্মপেমেন রোদতি, উভিন্নং তেসং রোদন্তানং কস্স অস্সু ভেসজ্জং, কস্স ন ভেসজ্জ’’ন্তি? ‘‘একস্স খো, মহারাজ, অস্সু রাগদোসমোহেহি সমলং উণ্হং, একস্স পীতিসোমনস্সেন ৰিমলং সীতলং। যং খো, মহারাজ, সীতলং, তং ভেসজ্জং, যং উণ্হং, তং ন ভেসজ্জ’’ন্তি।
6. Rājā āha ‘‘bhante nāgasena, yo ca mātari matāya rodati, yo ca dhammapemena rodati, ubhinnaṃ tesaṃ rodantānaṃ kassa assu bhesajjaṃ, kassa na bhesajja’’nti? ‘‘Ekassa kho, mahārāja, assu rāgadosamohehi samalaṃ uṇhaṃ, ekassa pītisomanassena vimalaṃ sītalaṃ. Yaṃ kho, mahārāja, sītalaṃ, taṃ bhesajjaṃ, yaṃ uṇhaṃ, taṃ na bhesajja’’nti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
অস্সুভেসজ্জাভেসজ্জপঞ্হো ছট্ঠো।
Assubhesajjābhesajjapañho chaṭṭho.
