| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೧೧. ಭದ್ರಕಸುತ್ತವಣ್ಣನಾ
11. Bhadrakasuttavaṇṇanā
೩೬೩. ಏಕಾದಸಮೇ ಮಲ್ಲೇಸೂತಿ ಏವಂನಾಮಕೇ ಜನಪದೇ। ವಧೇನಾತಿ ಮಾರಣೇನ। ಜಾನಿಯಾತಿ ಧನಜಾನಿಯಾ। ಅಕಾಲಿಕೇನ ಪತ್ತೇನಾತಿ ನ ಕಾಲನ್ತರೇನ ಪತ್ತೇನ, ಕಾಲಂ ಅನತಿಕ್ಕಮಿತ್ವಾವ ಪತ್ತೇನಾತಿ ಅತ್ಥೋ। ಚಿರವಾಸೀ ನಾಮ ಕುಮಾರೋತಿ ಏವಂನಾಮಕೋ ತಸ್ಸ ಪುತ್ತೋ। ಬಹಿ ಆವಸಥೇ ಪಟಿವಸತೀತಿ ಬಹಿನಗರೇ ಕಿಞ್ಚಿದೇವ ಸಿಪ್ಪಂ ಉಗ್ಗಣ್ಹನ್ತೋ ವಸತಿ। ಇಮಸ್ಮಿಂ ಸುತ್ತೇ ವಟ್ಟದುಕ್ಖಂ ಕಥಿತಂ।
363. Ekādasame mallesūti evaṃnāmake janapade. Vadhenāti māraṇena. Jāniyāti dhanajāniyā. Akālikena pattenāti na kālantarena pattena, kālaṃ anatikkamitvāva pattenāti attho. Ciravāsī nāma kumāroti evaṃnāmako tassa putto. Bahi āvasathe paṭivasatīti bahinagare kiñcideva sippaṃ uggaṇhanto vasati. Imasmiṃ sutte vaṭṭadukkhaṃ kathitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೧. ಭದ್ರಕಸುತ್ತಂ • 11. Bhadrakasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೧. ಭದ್ರಕಸುತ್ತವಣ್ಣನಾ • 11. Bhadrakasuttavaṇṇanā
