| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
9. бхад̣̇д̣̇аагун̣д̣алагзсаат̇зрийг̇аат̇ааван̣н̣анаа
9. Bhaddākuṇḍalakesātherīgāthāvaṇṇanā
луунагзсийд̇иаад̣̇игаа бхад̣̇д̣̇ааяа гун̣д̣алагзсааяа т̇зрияаа г̇аат̇аа. аяамби бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа згад̣̇ивасам̣ сад̇т̇у санд̇игз д̇хаммам̣ сун̣анд̇ий сад̇т̇аарам̣ згам̣ бхигкуним̣ киббаабхин̃н̃аанам̣ аг̇г̇адтаанз табзнд̇ам̣ д̣̇исваа, ад̇хигаарагаммам̣ гад̇ваа д̇ам̣ таананд̇арам̣ бад̇т̇зд̇ваа яааваж̇ийвам̣ бун̃н̃аани гад̇ваа габбасад̇асахассам̣ д̣̇звамануссзсу сам̣сарид̇ваа гассабаб̣уд̣̇д̇хагаалз гигисса гаасиран̃н̃о г̇зхз сад̇д̇аннам̣ бхаг̇инийнам̣ аб̣бханд̇араа худ̇ваа, вийсад̇и вассасахассаани д̣̇аса сийлаани самаад̣̇ааяа гомаариб̣рахмажарияам̣ жаранд̇ий сан̇гхасса васанабаривзн̣ам̣ гаарзд̇ваа, згам̣ б̣уд̣̇д̇ханд̇арам̣ суг̇ад̇ийсуязва сам̣сарид̇ваа имасмим̣ б̣уд̣̇д̇хуббаад̣̇з рааж̇аг̇ахз сздтигулз ниб̣б̣ад̇д̇и. бхад̣̇д̣̇аад̇иссаа наамам̣ ахоси. саа махад̇аа бариваарзна вад̣дхамаанаа ваяаббад̇д̇аа, д̇асмим̣язва наг̇арз бурохид̇асса буд̇д̇ам̣ сад̇д̇угам̣ наама жорам̣ саход̣дхам̣ г̇ахзд̇ваа рааж̇аан̣ааяа наг̇араг̇уд̇д̇игзна маарзд̇ум̣ аагхаад̇анам̣ нияяамаанам̣, сийхабан̃ж̇арзна ологзнд̇ий д̣̇исваа бадиб̣ад̣̇д̇хажид̇д̇аа худ̇ваа сажз д̇ам̣ лабхаами, ж̇ийвиссаами; но жз, мариссаамийд̇и саяанз ад̇хомукий нибаж̇ж̇и.
Lūnakesītiādikā bhaddāya kuṇḍalakesāya theriyā gāthā. Ayampi padumuttarassa bhagavato kāle haṃsavatīnagare kulagehe nibbattitvā viññutaṃ patvā ekadivasaṃ satthu santike dhammaṃ suṇantī satthāraṃ ekaṃ bhikkhuniṃ khippābhiññānaṃ aggaṭṭhāne ṭhapentaṃ disvā, adhikārakammaṃ katvā taṃ ṭhānantaraṃ patthetvā yāvajīvaṃ puññāni katvā kappasatasahassaṃ devamanussesu saṃsaritvā kassapabuddhakāle kikissa kāsirañño gehe sattannaṃ bhaginīnaṃ abbhantarā hutvā, vīsati vassasahassāni dasa sīlāni samādāya komāribrahmacariyaṃ carantī saṅghassa vasanapariveṇaṃ kāretvā, ekaṃ buddhantaraṃ sugatīsuyeva saṃsaritvā imasmiṃ buddhuppāde rājagahe seṭṭhikule nibbatti. Bhaddātissā nāmaṃ ahosi. Sā mahatā parivārena vaḍḍhamānā vayappattā, tasmiṃyeva nagare purohitassa puttaṃ sattukaṃ nāma coraṃ sahoḍḍhaṃ gahetvā rājāṇāya nagaraguttikena māretuṃ āghātanaṃ niyyamānaṃ, sīhapañjarena olokentī disvā paṭibaddhacittā hutvā sace taṃ labhāmi, jīvissāmi; no ce, marissāmīti sayane adhomukhī nipajji.
ат̇ассаа бид̇аа д̇ам̣ бавад̇д̇им̣ суд̇ваа згад̇хийд̇уд̇ааяа б̣алавасинзхо сахассалан̃ж̇ам̣ д̣̇ад̇ваа убааязнзва жорам̣ виссаж̇ж̇аабзд̇ваа г̇анд̇ход̣̇агзна нхаабзд̇ваа саб̣б̣аабхаран̣абадиман̣д̣ид̇ам̣ гаарзд̇ваа баасаад̣̇ам̣ бзсзси. бхад̣̇д̣̇ааби барибун̣н̣аманорат̇аа ад̇ирзгаалан̇гаарзна алан̇гарид̇ваа д̇ам̣ барижарад̇и. сад̇д̇уго гад̇ибаахам̣ вийд̇инаамзд̇ваа д̇ассаа аабхаран̣зсу уббанналобхо бхад̣̇д̣̇з, ахам̣ наг̇араг̇уд̇д̇игзна г̇ахид̇амад̇д̇ова жорабабаад̇з ад̇хивад̇т̇ааяа д̣̇звад̇ааяа ‘‘сажаахам̣ ж̇ийвид̇ам̣ лабхаами, д̇уяхам̣ б̣алигаммам̣ убасам̣хариссаамий’’д̇и бад̇т̇анам̣ ааяаажим̣, д̇асмаа б̣алигаммам̣ саж̇ж̇аабзхийд̇и. саа ‘‘д̇асса манам̣ буурзссаамий’’д̇и б̣алигаммам̣ саж̇ж̇аабзд̇ваа саб̣б̣аабхаран̣авибхуусид̇аа саамигзна сад̣̇д̇хим̣ згам̣ яаанам̣ абхируяха ‘‘д̣̇звад̇ааяа б̣алигаммам̣ гариссаамий’’д̇и жорабабаад̇ам̣ абхирухид̇ум̣ аарад̣̇д̇хаа.
Athassā pitā taṃ pavattiṃ sutvā ekadhītutāya balavasineho sahassalañjaṃ datvā upāyeneva coraṃ vissajjāpetvā gandhodakena nhāpetvā sabbābharaṇapaṭimaṇḍitaṃ kāretvā pāsādaṃ pesesi. Bhaddāpi paripuṇṇamanorathā atirekālaṅkārena alaṅkaritvā taṃ paricarati. Sattuko katipāhaṃ vītināmetvā tassā ābharaṇesu uppannalobho bhadde, ahaṃ nagaraguttikena gahitamattova corapapāte adhivatthāya devatāya ‘‘sacāhaṃ jīvitaṃ labhāmi, tuyhaṃ balikammaṃ upasaṃharissāmī’’ti patthanaṃ āyāciṃ, tasmā balikammaṃ sajjāpehīti. Sā ‘‘tassa manaṃ pūressāmī’’ti balikammaṃ sajjāpetvā sabbābharaṇavibhūsitā sāmikena saddhiṃ ekaṃ yānaṃ abhiruyha ‘‘devatāya balikammaṃ karissāmī’’ti corapapātaṃ abhiruhituṃ āraddhā.
сад̇д̇уго жинд̇зси – ‘‘саб̣б̣зсу абхируханд̇зсу имиссаа аабхаран̣ам̣ г̇ахзд̇ум̣ на саггаа’’д̇и бариваараж̇анам̣ д̇ад̇т̇зва табзд̇ваа д̇амзва б̣алибхааж̇анам̣ г̇аахаабзд̇ваа баб̣б̣ад̇ам̣ абхируханд̇о д̇ааяа сад̣̇д̇хим̣ бияагат̇ам̣ на гат̇зси. саа ин̇г̇ид̇знзва д̇ассаад̇хиббааяам̣ ан̃н̃ааси. сад̇д̇уго, ‘‘бхад̣̇д̣̇з, д̇ава уд̇д̇арасаадагам̣ омун̃жид̇ваа гааяааруул̣хабасаад̇ханам̣ бхан̣д̣игам̣ гарохий’’д̇и. саа, ‘‘саами, маяхам̣ го абараад̇хо’’д̇и? ‘‘гим̣ ну мам̣, б̣аалз,‘б̣алигаммад̇т̇ам̣ ааг̇ад̇о’д̇и сан̃н̃ам̣ гароси? б̣алигаммаабад̣̇зсзна бана д̇ава аабхаран̣ам̣ г̇ахзд̇ум̣ ааг̇ад̇о’’д̇и. ‘‘гасса бана, аяяа, басаад̇ханам̣, гасса аха’’нд̇и? ‘‘наахам̣ зд̇ам̣ вибхааг̇ам̣ ж̇аанаамий’’д̇и . ‘‘ход̇у, аяяа, згам̣ бана мз ад̇хиббааяам̣ буурзхи, алан̇гад̇анияаамзна жа аалин̇г̇ид̇ум̣ д̣̇зхий’’д̇и. со ‘‘саад̇хуу’’д̇и самбадижчи. саа д̇зна самбадижчид̇абхаавам̣ н̃ад̇ваа бурад̇о аалин̇г̇ид̇ваа бажчад̇о аалин̇г̇анд̇ий вияа баб̣б̣ад̇абабаад̇з баад̇зси. со бад̇ид̇ваа жун̣н̣авижун̣н̣ам̣ ахоси. д̇ааяа гад̇ам̣ ажчарияам̣ д̣̇исваа баб̣б̣ад̇з ад̇хивад̇т̇аа д̣̇звад̇аа госаллам̣ вибхаавзнд̇ий имаа г̇аат̇аа абхааси –
Sattuko cintesi – ‘‘sabbesu abhiruhantesu imissā ābharaṇaṃ gahetuṃ na sakkā’’ti parivārajanaṃ tattheva ṭhapetvā tameva balibhājanaṃ gāhāpetvā pabbataṃ abhiruhanto tāya saddhiṃ piyakathaṃ na kathesi. Sā iṅgiteneva tassādhippāyaṃ aññāsi. Sattuko, ‘‘bhadde, tava uttarasāṭakaṃ omuñcitvā kāyārūḷhapasādhanaṃ bhaṇḍikaṃ karohī’’ti. Sā, ‘‘sāmi, mayhaṃ ko aparādho’’ti? ‘‘Kiṃ nu maṃ, bāle,‘balikammatthaṃ āgato’ti saññaṃ karosi? Balikammāpadesena pana tava ābharaṇaṃ gahetuṃ āgato’’ti. ‘‘Kassa pana, ayya, pasādhanaṃ, kassa aha’’nti? ‘‘Nāhaṃ etaṃ vibhāgaṃ jānāmī’’ti . ‘‘Hotu, ayya, ekaṃ pana me adhippāyaṃ pūrehi, alaṅkataniyāmena ca āliṅgituṃ dehī’’ti. So ‘‘sādhū’’ti sampaṭicchi. Sā tena sampaṭicchitabhāvaṃ ñatvā purato āliṅgitvā pacchato āliṅgantī viya pabbatapapāte pātesi. So patitvā cuṇṇavicuṇṇaṃ ahosi. Tāya kataṃ acchariyaṃ disvā pabbate adhivatthā devatā kosallaṃ vibhāventī imā gāthā abhāsi –
‘‘на хи саб̣б̣зсу таанзсу, бурисо ход̇и бан̣д̣ид̇о;
‘‘Na hi sabbesu ṭhānesu, puriso hoti paṇḍito;
ид̇т̇ийби бан̣д̣ид̇аа ход̇и, д̇ад̇т̇а д̇ад̇т̇а вижагкан̣аа.
Itthīpi paṇḍitā hoti, tattha tattha vicakkhaṇā.
‘‘на хи саб̣б̣зсу таанзсу, бурисо ход̇и бан̣д̣ид̇о;
‘‘Na hi sabbesu ṭhānesu, puriso hoti paṇḍito;
ид̇т̇ийби бан̣д̣ид̇аа ход̇и, лахум̣ ад̇т̇авижинд̇игаа’’д̇и. (аба. т̇зрий. 2.3.31-32);
Itthīpi paṇḍitā hoti, lahuṃ atthavicintikā’’ti. (apa. therī. 2.3.31-32);
д̇ад̇о бхад̣̇д̣̇аа жинд̇зси – ‘‘на саггаа маяаа иминаа нияаамзна г̇зхам̣ г̇анд̇ум̣, ид̇ова г̇анд̇ваа згам̣ баб̣б̣аж̇ж̇ам̣ баб̣б̣аж̇иссаамий’’д̇и ниг̇ан̣таараамам̣ г̇анд̇ваа ниг̇ан̣тз баб̣б̣аж̇ж̇ам̣ яаажи. ат̇а нам̣ д̇з аахам̣су – ‘‘гзна нияаамзна баб̣б̣аж̇ж̇аа ход̇уу’’д̇и? ‘‘яам̣ д̇умхаагам̣ баб̣б̣аж̇ж̇ааяа уд̇д̇амам̣, д̇ад̣̇зва гарот̇аа’’д̇и. д̇з ‘‘саад̇хуу’’д̇и д̇ассаа д̇ааладтинаа гзсз лун̃жид̇ваа баб̣б̣ааж̇зсум̣. буна гзсаа вад̣дханд̇аа гун̣д̣алааваддаа худ̇ваа вад̣дхзсум̣. д̇ад̇о бадтааяа саа гун̣д̣алагзсаад̇и наама ж̇аад̇аа. саа д̇ад̇т̇а уг̇г̇ахзд̇аб̣б̣ам̣ самаяам̣ ваад̣̇амаг̇г̇ан̃жа уг̇г̇ахзд̇ваа ‘‘зд̇д̇агам̣ наама имз ж̇аананд̇и, ид̇о уд̇д̇ари висзсо над̇т̇ий’’д̇и н̃ад̇ваа д̇ад̇о абаггамид̇ваа яад̇т̇а яад̇т̇а бан̣д̣ид̇аа ад̇т̇и, д̇ад̇т̇а д̇ад̇т̇а г̇анд̇ваа д̇зсам̣ ж̇аананасиббам̣ уг̇г̇ахзд̇ваа ад̇д̇анаа сад̣̇д̇хим̣ гат̇зд̇ум̣ самад̇т̇ам̣ ад̣̇исваа яам̣ яам̣ г̇аамам̣ ваа ниг̇амам̣ ваа бависад̇и, д̇асса д̣̇ваарз ваалугаараасим̣ гад̇ваа д̇ад̇т̇а ж̇амб̣усаакам̣ табзд̇ваа ‘‘яо мама ваад̣̇ам̣ ааробзд̇ум̣ саггод̇и, со имам̣ саакам̣ мад̣̇д̣̇ад̇уу’’д̇и самийбз тид̇ад̣̇аарагаанам̣ сан̃н̃ам̣ д̣̇ад̇ваа васанадтаанам̣ г̇ажчад̇и. сад̇д̇аахамби ж̇амб̣усаакааяа д̇ат̇зва тид̇ааяа д̇ам̣ г̇ахзд̇ваа баггамад̇и.
Tato bhaddā cintesi – ‘‘na sakkā mayā iminā niyāmena gehaṃ gantuṃ, itova gantvā ekaṃ pabbajjaṃ pabbajissāmī’’ti nigaṇṭhārāmaṃ gantvā nigaṇṭhe pabbajjaṃ yāci. Atha naṃ te āhaṃsu – ‘‘kena niyāmena pabbajjā hotū’’ti? ‘‘Yaṃ tumhākaṃ pabbajjāya uttamaṃ, tadeva karothā’’ti. Te ‘‘sādhū’’ti tassā tālaṭṭhinā kese luñcitvā pabbājesuṃ. Puna kesā vaḍḍhantā kuṇḍalāvaṭṭā hutvā vaḍḍhesuṃ. Tato paṭṭhāya sā kuṇḍalakesāti nāma jātā. Sā tattha uggahetabbaṃ samayaṃ vādamaggañca uggahetvā ‘‘ettakaṃ nāma ime jānanti, ito uttari viseso natthī’’ti ñatvā tato apakkamitvā yattha yattha paṇḍitā atthi, tattha tattha gantvā tesaṃ jānanasippaṃ uggahetvā attanā saddhiṃ kathetuṃ samatthaṃ adisvā yaṃ yaṃ gāmaṃ vā nigamaṃ vā pavisati, tassa dvāre vālukārāsiṃ katvā tattha jambusākhaṃ ṭhapetvā ‘‘yo mama vādaṃ āropetuṃ sakkoti, so imaṃ sākhaṃ maddatū’’ti samīpe ṭhitadārakānaṃ saññaṃ datvā vasanaṭṭhānaṃ gacchati. Sattāhampi jambusākhāya tatheva ṭhitāya taṃ gahetvā pakkamati.
д̇зна жа самаязна амхаагам̣ бхаг̇аваа логз уббаж̇ж̇ид̇ваа бавад̇д̇ид̇аварад̇хаммажагго анубуб̣б̣зна саавад̇т̇им̣ убаниссааяа ж̇зд̇аванз вихарад̇и. гун̣д̣алагзсааби вуд̇д̇анаязна г̇ааманиг̇амарааж̇ад̇хаанийсу вижаранд̇ий саавад̇т̇им̣ бад̇ваа наг̇арад̣̇ваарз ваалугаараасимхи ж̇амб̣усаакам̣ табзд̇ваа д̣̇аарагаанам̣ сан̃н̃ам̣ д̣̇ад̇ваа саавад̇т̇им̣ баависи.
Tena ca samayena amhākaṃ bhagavā loke uppajjitvā pavattitavaradhammacakko anupubbena sāvatthiṃ upanissāya jetavane viharati. Kuṇḍalakesāpi vuttanayena gāmanigamarājadhānīsu vicarantī sāvatthiṃ patvā nagaradvāre vālukārāsimhi jambusākhaṃ ṭhapetvā dārakānaṃ saññaṃ datvā sāvatthiṃ pāvisi.
ат̇ааяасмаа д̇хаммасзнаабад̇и згагова наг̇арам̣ бависанд̇о д̇ам̣ саакам̣ д̣̇исваа д̇ам̣ д̣̇амзд̇угаамо д̣̇аарагз бужчи – ‘‘гасмааяам̣ саакаа звам̣ табид̇аа’’д̇и? д̣̇аарагаа д̇амад̇т̇ам̣ аарожзсум̣. т̇зро ‘‘яад̣̇и звам̣ имам̣ саакам̣ мад̣̇д̣̇ат̇аа’’д̇и ааха. д̣̇аарагаа д̇ам̣ мад̣̇д̣̇им̣су. гун̣д̣алагзсаа гад̇абхад̇д̇агижжаа наг̇арад̇о нигкаманд̇ий д̇ам̣ саакам̣ мад̣̇д̣̇ид̇ам̣ д̣̇исваа ‘‘гзнид̣̇ам̣ мад̣̇д̣̇ид̇а’’нд̇и бужчид̇ваа т̇зрзна мад̣̇д̣̇аабид̇абхаавам̣ н̃ад̇ваа ‘‘абагкиго ваад̣̇о на собхад̇ий’’д̇и саавад̇т̇им̣ бависид̇ваа вийт̇ид̇о вийт̇им̣ вижаранд̇ий ‘‘бассзяяаат̇а саман̣зхи сагяабуд̇д̇иязхи сад̣̇д̇хим̣ маяхам̣ ваад̣̇а’’нд̇и уг̇гхосзд̇ваа махааж̇анабаривуд̇аа ан̃н̃ад̇арасмим̣ ругкамуулз нисиннам̣ д̇хаммасзнаабад̇им̣ убасан̇гамид̇ваа бадисант̇аарам̣ гад̇ваа згаманд̇ам̣ тид̇аа ‘‘гим̣ д̇умхзхи мама ж̇амб̣усаакаа мад̣̇д̣̇аабид̇аа’’д̇и бужчи. ‘‘аама, маяаа мад̣̇д̣̇аабид̇аа’’д̇и. ‘‘звам̣ санд̇з д̇умхзхи сад̣̇д̇хим̣ маяхам̣ ваад̣̇о ход̇уу’’д̇и. ‘‘ход̇у, бхад̣̇д̣̇з’’д̇и. ‘‘гасса бужчаа, гасса виссаж̇ж̇анаа’’д̇и? ‘‘бужчаа наама амхаагам̣ бад̇д̇аа, д̇вам̣ яам̣ ад̇д̇ано ж̇аананагам̣ бужчаа’’д̇и. саа саб̣б̣амзва ад̇д̇ано ж̇аананагам̣ ваад̣̇ам̣ бужчи. т̇зро д̇ам̣ саб̣б̣ам̣ виссаж̇ж̇зси. саа убари бужчид̇аб̣б̣ам̣ аж̇аананд̇ий д̇ун̣хий ахоси. ат̇а нам̣ т̇зро ааха – ‘‘д̇аяаа б̣ахум̣ бужчид̇ам̣, маяамби д̇ам̣ згам̣ бан̃хам̣ бужчаамаа’’д̇и. ‘‘бужчат̇а, бханд̇з’’д̇и. т̇зро ‘‘згам̣ наама ги’’нд̇и имам̣ бан̃хам̣ бужчи. гун̣д̣алагзсаа нзва анд̇ам̣ на годим̣ бассанд̇ий анд̇хагаарам̣ бавидтаа вияа худ̇ваа ‘‘на ж̇аанаами, бханд̇з’’д̇и ааха. ‘‘д̇вам̣ зд̇д̇агамби аж̇аананд̇ий ан̃н̃ам̣ гим̣ ж̇ааниссасий’’д̇и вад̇ваа д̇хаммам̣ д̣̇зсзси. саа т̇зрасса баад̣̇зсу бад̇ид̇ваа, ‘‘бханд̇з, д̇умхз саран̣ам̣ г̇ажчаамий’’д̇и ааха. ‘‘маа мам̣ д̇вам̣, бхад̣̇д̣̇з, саран̣ам̣ г̇ажча, сад̣̇звагз логз аг̇г̇абуг̇г̇алам̣ бхаг̇аванд̇амзва саран̣ам̣ г̇ажчаа’’д̇и. ‘‘звам̣ гариссаами, бханд̇з’’д̇и саа сааяанхасамаяз д̇хаммад̣̇зсанаавзлааяам̣ сад̇т̇у санд̇игам̣ г̇анд̇ваа бан̃жабад̇идтид̇зна ванд̣̇ид̇ваа згаманд̇ам̣ адтааси. сад̇т̇аа д̇ассаа н̃аан̣абарибаагам̣ н̃ад̇ваа –
Athāyasmā dhammasenāpati ekakova nagaraṃ pavisanto taṃ sākhaṃ disvā taṃ dametukāmo dārake pucchi – ‘‘kasmāyaṃ sākhā evaṃ ṭhapitā’’ti? Dārakā tamatthaṃ ārocesuṃ. Thero ‘‘yadi evaṃ imaṃ sākhaṃ maddathā’’ti āha. Dārakā taṃ maddiṃsu. Kuṇḍalakesā katabhattakiccā nagarato nikkhamantī taṃ sākhaṃ madditaṃ disvā ‘‘kenidaṃ maddita’’nti pucchitvā therena maddāpitabhāvaṃ ñatvā ‘‘apakkhiko vādo na sobhatī’’ti sāvatthiṃ pavisitvā vīthito vīthiṃ vicarantī ‘‘passeyyātha samaṇehi sakyaputtiyehi saddhiṃ mayhaṃ vāda’’nti ugghosetvā mahājanaparivutā aññatarasmiṃ rukkhamūle nisinnaṃ dhammasenāpatiṃ upasaṅkamitvā paṭisanthāraṃ katvā ekamantaṃ ṭhitā ‘‘kiṃ tumhehi mama jambusākhā maddāpitā’’ti pucchi. ‘‘Āma, mayā maddāpitā’’ti. ‘‘Evaṃ sante tumhehi saddhiṃ mayhaṃ vādo hotū’’ti. ‘‘Hotu, bhadde’’ti. ‘‘Kassa pucchā, kassa vissajjanā’’ti? ‘‘Pucchā nāma amhākaṃ pattā, tvaṃ yaṃ attano jānanakaṃ pucchā’’ti. Sā sabbameva attano jānanakaṃ vādaṃ pucchi. Thero taṃ sabbaṃ vissajjesi. Sā upari pucchitabbaṃ ajānantī tuṇhī ahosi. Atha naṃ thero āha – ‘‘tayā bahuṃ pucchitaṃ, mayampi taṃ ekaṃ pañhaṃ pucchāmā’’ti. ‘‘Pucchatha, bhante’’ti. Thero ‘‘ekaṃ nāma ki’’nti imaṃ pañhaṃ pucchi. Kuṇḍalakesā neva antaṃ na koṭiṃ passantī andhakāraṃ paviṭṭhā viya hutvā ‘‘na jānāmi, bhante’’ti āha. ‘‘Tvaṃ ettakampi ajānantī aññaṃ kiṃ jānissasī’’ti vatvā dhammaṃ desesi. Sā therassa pādesu patitvā, ‘‘bhante, tumhe saraṇaṃ gacchāmī’’ti āha. ‘‘Mā maṃ tvaṃ, bhadde, saraṇaṃ gaccha, sadevake loke aggapuggalaṃ bhagavantameva saraṇaṃ gacchā’’ti. ‘‘Evaṃ karissāmi, bhante’’ti sā sāyanhasamaye dhammadesanāvelāyaṃ satthu santikaṃ gantvā pañcapatiṭṭhitena vanditvā ekamantaṃ aṭṭhāsi. Satthā tassā ñāṇaparipākaṃ ñatvā –
‘‘сахассамаби жз г̇аат̇аа, анад̇т̇абад̣̇асам̣хид̇аа;
‘‘Sahassamapi ce gāthā, anatthapadasaṃhitā;
згам̣ г̇аат̇аабад̣̇ам̣ сзяяо, яам̣ суд̇ваа субасаммад̇ий’’д̇и. –
Ekaṃ gāthāpadaṃ seyyo, yaṃ sutvā supasammatī’’ti. –
имам̣ г̇аат̇амааха. г̇аат̇аабарияосаанз яат̇аатид̇аава саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.3.1-54) –
Imaṃ gāthamāha. Gāthāpariyosāne yathāṭhitāva saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.3.1-54) –
‘‘бад̣̇умуд̇д̇аро наама ж̇ино, саб̣б̣ад̇хаммаана баараг̇уу;
‘‘Padumuttaro nāma jino, sabbadhammāna pāragū;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
‘‘д̇ад̣̇аахам̣ хам̣савад̇ияам̣, ж̇аад̇аа сздтигулз ахум̣;
‘‘Tadāhaṃ haṃsavatiyaṃ, jātā seṭṭhikule ahuṃ;
наанаарад̇анабаж̇ж̇од̇з, махаасукасамаббид̇аа.
Nānāratanapajjote, mahāsukhasamappitā.
‘‘убзд̇ваа д̇ам̣ махаавийрам̣, ассосим̣ д̇хаммад̣̇зсанам̣;
‘‘Upetvā taṃ mahāvīraṃ, assosiṃ dhammadesanaṃ;
д̇ад̇о ж̇аад̇аббасаад̣̇аахам̣, убзсим̣ саран̣ам̣ ж̇инам̣.
Tato jātappasādāhaṃ, upesiṃ saraṇaṃ jinaṃ.
‘‘д̇ад̣̇аа махаагаарун̣иго, бад̣̇умуд̇д̇аранаамаго;
‘‘Tadā mahākāruṇiko, padumuttaranāmako;
киббаабхин̃н̃аанамаг̇г̇анд̇и, табзси бхигкуним̣ субхам̣.
Khippābhiññānamagganti, ṭhapesi bhikkhuniṃ subhaṃ.
‘‘д̇ам̣ суд̇ваа муд̣̇ид̇аа худ̇ваа, д̣̇аанам̣ д̣̇ад̇ваа махзсино;
‘‘Taṃ sutvā muditā hutvā, dānaṃ datvā mahesino;
нибажжа сирасаа баад̣̇з, д̇ам̣ таанамабхибад̇т̇аяим̣.
Nipacca sirasā pāde, taṃ ṭhānamabhipatthayiṃ.
‘‘анумод̣̇и махаавийро, бхад̣̇д̣̇з яам̣ д̇збхибад̇т̇ид̇ам̣;
‘‘Anumodi mahāvīro, bhadde yaṃ tebhipatthitaṃ;
самиж̇жхиссад̇и д̇ам̣ саб̣б̣ам̣, сукиний хохи ниб̣б̣уд̇аа.
Samijjhissati taṃ sabbaṃ, sukhinī hohi nibbutā.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇аа, орасаа д̇хамманиммид̇аа;
‘‘Tassa dhammesu dāyādā, orasā dhammanimmitā;
бхад̣̇д̣̇аагун̣д̣алагзсаад̇и, хзссад̇и сад̇т̇у саавигаа.
Bhaddākuṇḍalakesāti, hessati satthu sāvikā.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇ад̇о жуд̇аа яаамамаг̇ам̣, д̇ад̇охам̣ д̇усид̇ам̣ г̇ад̇аа;
‘‘Tato cutā yāmamagaṃ, tatohaṃ tusitaṃ gatā;
д̇ад̇о жа ниммаанарад̇им̣, васавад̇д̇ибурам̣ д̇ад̇о.
Tato ca nimmānaratiṃ, vasavattipuraṃ tato.
‘‘яад̇т̇а яад̇т̇уубабаж̇ж̇аами, д̇асса гаммасса ваахасаа;
‘‘Yattha yatthūpapajjāmi, tassa kammassa vāhasā;
д̇ад̇т̇а д̇ад̇т̇зва рааж̇уунам̣, махзсид̇д̇амагаараяим̣.
Tattha tattheva rājūnaṃ, mahesittamakārayiṃ.
‘‘д̇ад̇о жуд̇аа мануссзсу, рааж̇уунам̣ жаггавад̇д̇инам̣;
‘‘Tato cutā manussesu, rājūnaṃ cakkavattinaṃ;
ман̣д̣алийнан̃жа рааж̇уунам̣, махзсид̇д̇амагаараяим̣.
Maṇḍalīnañca rājūnaṃ, mahesittamakārayiṃ.
‘‘самбад̇д̇им̣ анубход̇ваана, д̣̇звзсу маанусзсу жа;
‘‘Sampattiṃ anubhotvāna, devesu mānusesu ca;
саб̣б̣ад̇т̇а сукид̇аа худ̇ваа, нзгагаббзсу сам̣сарим̣.
Sabbattha sukhitā hutvā, nekakappesu saṃsariṃ.
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘убадтааго махзсисса, д̇ад̣̇аа ааси нариссаро;
‘‘Upaṭṭhāko mahesissa, tadā āsi narissaro;
гаасирааж̇аа гигий наама, б̣аараан̣асибуруд̇д̇амз.
Kāsirājā kikī nāma, bārāṇasipuruttame.
‘‘д̇асса д̇хийд̇аа жад̇уд̇т̇аасим̣, бхигкуд̣̇ааяийд̇и виссуд̇аа;
‘‘Tassa dhītā catutthāsiṃ, bhikkhudāyīti vissutā;
д̇хаммам̣ суд̇ваа ж̇инаг̇г̇асса, баб̣б̣аж̇ж̇ам̣ самарожаяим̣.
Dhammaṃ sutvā jinaggassa, pabbajjaṃ samarocayiṃ.
‘‘ануж̇аани на но д̇аад̇о, аг̇аарзва д̇ад̣̇аа маяам̣;
‘‘Anujāni na no tāto, agāreva tadā mayaṃ;
вийсавассасахассаани, вижаримха ад̇анд̣̇ид̇аа.
Vīsavassasahassāni, vicarimha atanditā.
‘‘гомаариб̣рахмажарияам̣, рааж̇аган̃н̃аа сукзд̇хид̇аа;
‘‘Komāribrahmacariyaṃ, rājakaññā sukhedhitā;
б̣уд̣̇д̇хобадтаананирад̇аа, муд̣̇ид̇аа сад̇д̇а д̇хийд̇аро.
Buddhopaṭṭhānaniratā, muditā satta dhītaro.
‘‘саман̣ий саман̣аг̇уд̇д̇аа жа, бхигкуний бхигкуд̣̇ааяигаа;
‘‘Samaṇī samaṇaguttā ca, bhikkhunī bhikkhudāyikā;
д̇хаммаа жзва суд̇хаммаа жа, сад̇д̇амий сан̇гхад̣̇ааяигаа.
Dhammā ceva sudhammā ca, sattamī saṅghadāyikā.
‘‘кзмаа уббалаван̣н̣аа жа, бадаажаараа ахам̣ д̇ад̣̇аа;
‘‘Khemā uppalavaṇṇā ca, paṭācārā ahaṃ tadā;
гисааг̇од̇амий д̇хаммад̣̇иннаа, висаакаа ход̇и сад̇д̇амий.
Kisāgotamī dhammadinnā, visākhā hoti sattamī.
‘‘д̇зхи гаммзхи сугад̇зхи, жзд̇анаабан̣ид̇хийхи жа;
‘‘Tehi kammehi sukatehi, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, г̇ириб̣б̣аж̇абуруд̇д̇амз;
‘‘Pacchime ca bhave dāni, giribbajapuruttame;
ж̇аад̇аа сздтигулз пийд̇з, яад̣̇аахам̣ яоб̣б̣анз тид̇аа.
Jātā seṭṭhikule phīte, yadāhaṃ yobbane ṭhitā.
‘‘жорам̣ вад̇хад̇т̇ам̣ нийяанд̇ам̣, д̣̇исваа рад̇д̇аа д̇ахим̣ ахам̣;
‘‘Coraṃ vadhatthaṃ nīyantaṃ, disvā rattā tahiṃ ahaṃ;
бид̇аа мз д̇ам̣ сахассзна, можаяид̇ваа вад̇хаа д̇ад̇о.
Pitā me taṃ sahassena, mocayitvā vadhā tato.
‘‘ад̣̇ааси д̇асса мам̣ д̇аад̇о, вид̣̇ид̇ваана манам̣ мама;
‘‘Adāsi tassa maṃ tāto, viditvāna manaṃ mama;
д̇ассаахамаасим̣ висадтаа, ад̇ийва д̣̇аяид̇аа хид̇аа.
Tassāhamāsiṃ visaṭṭhā, atīva dayitā hitā.
‘‘со мз бхуусаналобхзна, б̣алимаж̇жхаасаяо д̣̇исо;
‘‘So me bhūsanalobhena, balimajjhāsayo diso;
жораббабаад̇ам̣ нзд̇ваана, баб̣б̣ад̇ам̣ жзд̇аяий вад̇хам̣.
Corappapātaṃ netvāna, pabbataṃ cetayī vadhaṃ.
‘‘д̇ад̣̇аахам̣ бан̣амид̇ваана, сад̇д̇угам̣ сугад̇ан̃ж̇алий;
‘‘Tadāhaṃ paṇamitvāna, sattukaṃ sukatañjalī;
рагканд̇ий ад̇д̇ано баан̣ам̣, ид̣̇ам̣ важанамаб̣равим̣.
Rakkhantī attano pāṇaṃ, idaṃ vacanamabraviṃ.
‘‘ид̣̇ам̣ суван̣н̣агзяуурам̣, муд̇д̇аа взл̣урияаа б̣ахуу;
‘‘Idaṃ suvaṇṇakeyūraṃ, muttā veḷuriyā bahū;
саб̣б̣ам̣ харассу бхад̣̇д̣̇анд̇з, ман̃жа д̣̇аасийд̇и сааваяа.
Sabbaṃ harassu bhaddante, mañca dāsīti sāvaya.
‘‘оробаяассу галяаан̣ий, маа б̣аал̣хам̣ барид̣̇зваси;
‘‘Oropayassu kalyāṇī, mā bāḷhaṃ paridevasi;
на жаахам̣ абхиж̇аанаами, аханд̇ваа д̇ханамаабхад̇ам̣.
Na cāhaṃ abhijānāmi, ahantvā dhanamābhataṃ.
‘‘яад̇о сараами ад̇д̇аанам̣, яад̇о бад̇д̇осми вин̃н̃уд̇ам̣;
‘‘Yato sarāmi attānaṃ, yato pattosmi viññutaṃ;
на жаахам̣ абхиж̇аанаами, ан̃н̃ам̣ бияад̇арам̣ д̇аяаа.
Na cāhaṃ abhijānāmi, aññaṃ piyataraṃ tayā.
‘‘зхи д̇ам̣ убаг̇уухиссам̣, гад̇ваана д̇ам̣ бад̣̇агкин̣ам̣;
‘‘Ehi taṃ upagūhissaṃ, katvāna taṃ padakkhiṇaṃ;
на жа д̣̇аани буно ад̇т̇и, мама д̇уяхан̃жа сан̇г̇амо.
Na ca dāni puno atthi, mama tuyhañca saṅgamo.
‘‘на хи саб̣б̣зсу таанзсу, бурисо ход̇и бан̣д̣ид̇о;
‘‘Na hi sabbesu ṭhānesu, puriso hoti paṇḍito;
ид̇т̇ийби бан̣д̣ид̇аа ход̇и, д̇ад̇т̇а д̇ад̇т̇а вижагкан̣аа.
Itthīpi paṇḍitā hoti, tattha tattha vicakkhaṇā.
‘‘на хи саб̣б̣зсу таанзсу, бурисо ход̇и бан̣д̣ид̇о;
‘‘Na hi sabbesu ṭhānesu, puriso hoti paṇḍito;
ид̇т̇ийби бан̣д̣ид̇аа ход̇и, лахум̣ ад̇т̇авижинд̇игаа.
Itthīpi paṇḍitā hoti, lahuṃ atthavicintikā.
‘‘лахун̃жа вад̇а киббан̃жа, нигадтз самажзд̇аяим̣;
‘‘Lahuñca vata khippañca, nikaṭṭhe samacetayiṃ;
миг̇ам̣ ун̣н̣аа яат̇аа звам̣, д̇ад̣̇аахам̣ сад̇д̇угам̣ вад̇хим̣.
Migaṃ uṇṇā yathā evaṃ, tadāhaṃ sattukaṃ vadhiṃ.
‘‘яо жа уббад̇ид̇ам̣ ад̇т̇ам̣, на киббамануб̣уж̇жхад̇и;
‘‘Yo ca uppatitaṃ atthaṃ, na khippamanubujjhati;
со хан̃н̃ад̇з манд̣̇амад̇и, жорова г̇ириг̇аб̣бхарз.
So haññate mandamati, corova girigabbhare.
‘‘яо жа уббад̇ид̇ам̣ ад̇т̇ам̣, киббамзва ниб̣од̇хад̇и;
‘‘Yo ca uppatitaṃ atthaṃ, khippameva nibodhati;
мужжад̇з сад̇д̇усамб̣аад̇хаа, д̇ад̣̇аахам̣ сад̇д̇угаа яат̇аа.
Muccate sattusambādhā, tadāhaṃ sattukā yathā.
‘‘д̇ад̣̇аахам̣ баад̇аяид̇ваана, г̇ирид̣̇уг̇г̇амхи сад̇д̇угам̣;
‘‘Tadāhaṃ pātayitvāna, giriduggamhi sattukaṃ;
санд̇игам̣ сзд̇авад̇т̇аанам̣, убзд̇ваа баб̣б̣аж̇им̣ ахам̣.
Santikaṃ setavatthānaṃ, upetvā pabbajiṃ ahaṃ.
‘‘сан̣д̣аасзна жа гзсз мз, лун̃жид̇ваа саб̣б̣асо д̇ад̣̇аа;
‘‘Saṇḍāsena ca kese me, luñcitvā sabbaso tadā;
баб̣б̣аж̇ид̇ваана самаяам̣, аажигким̣су ниранд̇арам̣.
Pabbajitvāna samayaṃ, ācikkhiṃsu nirantaraṃ.
‘‘д̇ад̇о д̇ам̣ уг̇г̇ахзд̇ваахам̣, нисийд̣̇ид̇ваана згигаа;
‘‘Tato taṃ uggahetvāhaṃ, nisīditvāna ekikā;
самаяам̣ д̇ам̣ вижинд̇зсим̣, суваано маанусам̣ гарам̣.
Samayaṃ taṃ vicintesiṃ, suvāno mānusaṃ karaṃ.
‘‘чиннам̣ г̇аяха самийбз мз, баад̇аяид̇ваа абаггами;
‘‘Chinnaṃ gayha samīpe me, pātayitvā apakkami;
д̣̇исваа нимид̇д̇амалабхим̣, хад̇т̇ам̣ д̇ам̣ бул̣аваагулам̣.
Disvā nimittamalabhiṃ, hatthaṃ taṃ puḷavākulaṃ.
‘‘д̇ад̇о удтааяа сам̣виг̇г̇аа, абужчим̣ сахад̇хаммигз;
‘‘Tato uṭṭhāya saṃviggā, apucchiṃ sahadhammike;
д̇з авожум̣ виж̇аананд̇и, д̇ам̣ ад̇т̇ам̣ сагяабхигкаво.
Te avocuṃ vijānanti, taṃ atthaṃ sakyabhikkhavo.
‘‘саахам̣ д̇амад̇т̇ам̣ бужчиссам̣, убзд̇ваа б̣уд̣̇д̇хасаавагз;
‘‘Sāhaṃ tamatthaṃ pucchissaṃ, upetvā buddhasāvake;
д̇з мамаад̣̇ааяа г̇ажчим̣су, б̣уд̣̇д̇хасздтасса санд̇игам̣.
Te mamādāya gacchiṃsu, buddhaseṭṭhassa santikaṃ.
‘‘со мз д̇хаммамад̣̇зсзси, канд̇хааяад̇анад̇хаад̇уяо;
‘‘So me dhammamadesesi, khandhāyatanadhātuyo;
асубхаанижжад̣̇угкаад̇и, анад̇д̇аад̇и жа нааяаго.
Asubhāniccadukkhāti, anattāti ca nāyako.
‘‘д̇асса д̇хаммам̣ сун̣ид̇ваахам̣, д̇хаммажагкум̣ висод̇хаяим̣;
‘‘Tassa dhammaṃ suṇitvāhaṃ, dhammacakkhuṃ visodhayiṃ;
д̇ад̇о вин̃н̃аад̇асад̣̇д̇хаммаа, баб̣б̣аж̇ж̇ам̣ убасамбад̣̇ам̣.
Tato viññātasaddhammā, pabbajjaṃ upasampadaṃ.
‘‘ааяаажид̇о д̇ад̣̇аа ааха, зхи бхад̣̇д̣̇зд̇и нааяаго;
‘‘Āyācito tadā āha, ehi bhaddeti nāyako;
д̇ад̣̇аахам̣ убасамбаннаа, барид̇д̇ам̣ д̇ояамад̣̇д̣̇асам̣.
Tadāhaṃ upasampannā, parittaṃ toyamaddasaṃ.
‘‘баад̣̇абагкааланзнаахам̣, н̃ад̇ваа сауд̣̇аяаб̣б̣аяам̣;
‘‘Pādapakkhālanenāhaṃ, ñatvā saudayabbayaṃ;
д̇ат̇аа саб̣б̣зби сан̇каарз, ийд̣̇исам̣ жинд̇аяим̣ д̇ад̣̇аа.
Tathā sabbepi saṅkhāre, īdisaṃ cintayiṃ tadā.
‘‘д̇ад̇о жид̇д̇ам̣ вимужжи мз, анубаад̣̇ааяа саб̣б̣асо;
‘‘Tato cittaṃ vimucci me, anupādāya sabbaso;
киббаабхин̃н̃аанамаг̇г̇ам̣ мз, д̇ад̣̇аа бан̃н̃аабаяий ж̇ино.
Khippābhiññānamaggaṃ me, tadā paññāpayī jino.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
баражид̇д̇аани ж̇аанаами, сад̇т̇усаасанагааригаа.
Paracittāni jānāmi, satthusāsanakārikā.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
кзбзд̇ваа аасавз саб̣б̣з, висуд̣̇д̇хаасим̣ суниммалаа.
Khepetvā āsave sabbe, visuddhāsiṃ sunimmalā.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇и самуухад̇аа.
Ohito garuko bhāro, bhavanetti samūhatā.
‘‘яассад̇т̇ааяа баб̣б̣аж̇ид̇аа, аг̇аарасмаанаг̇аарияам̣;
‘‘Yassatthāya pabbajitā, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
‘‘ад̇т̇ад̇хамманируд̇д̇ийсу, бадибхаанз д̇ат̇зва жа;
‘‘Atthadhammaniruttīsu, paṭibhāne tatheva ca;
н̃аан̣ам̣ мз вималам̣ суд̣̇д̇хам̣, б̣уд̣̇д̇хасздтасса саасанз.
Ñāṇaṃ me vimalaṃ suddhaṃ, buddhaseṭṭhassa sāsane.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа д̇аавад̣̇зва баб̣б̣аж̇ж̇ам̣ яаажи. сад̇т̇аа д̇ассаа баб̣б̣аж̇ж̇ам̣ ануж̇аани. саа бхигкунубассаяам̣ г̇анд̇ваана баб̣б̣аж̇ид̇ваа паласукзна ниб̣б̣аанасукзна жа вийд̇инаамзнд̇ий ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Arahattaṃ pana patvā tāvadeva pabbajjaṃ yāci. Satthā tassā pabbajjaṃ anujāni. Sā bhikkhunupassayaṃ gantvāna pabbajitvā phalasukhena nibbānasukhena ca vītināmentī attano paṭipattiṃ paccavekkhitvā udānavasena –
107.
107.
‘‘луунагзсий бан̇гад̇харий, згасаадий бурз жарим̣;
‘‘Lūnakesī paṅkadharī, ekasāṭī pure cariṃ;
аваж̇ж̇з важ̇ж̇амад̇иний, важ̇ж̇з жааваж̇ж̇ад̣̇ассиний.
Avajje vajjamatinī, vajje cāvajjadassinī.
108.
108.
‘‘д̣̇иваавихаараа нигкамма, г̇иж̇жхагуудамхи баб̣б̣ад̇з;
‘‘Divāvihārā nikkhamma, gijjhakūṭamhi pabbate;
ад̣̇д̣̇асам̣ вираж̇ам̣ б̣уд̣̇д̇хам̣, бхигкусан̇гхабурагкад̇ам̣.
Addasaṃ virajaṃ buddhaṃ, bhikkhusaṅghapurakkhataṃ.
109.
109.
‘‘нихажжа ж̇аан̣ум̣ ванд̣̇ид̇ваа, саммукаа ан̃ж̇алим̣ агам̣;
‘‘Nihacca jāṇuṃ vanditvā, sammukhā añjaliṃ akaṃ;
зхи бхад̣̇д̣̇зд̇и мам̣ аважа, саа мз аасуубасамбад̣̇аа.
Ehi bhaddeti maṃ avaca, sā me āsūpasampadā.
110.
110.
‘‘жин̣н̣аа ан̇г̇аа жа маг̇ад̇хаа, важ̇ж̇ий гаасий жа госалаа;
‘‘Ciṇṇā aṅgā ca magadhā, vajjī kāsī ca kosalā;
анагаа бан̣н̣ааса вассаани, радтабин̣д̣ам̣ абхун̃ж̇ахам̣.
Anakā paṇṇāsa vassāni, raṭṭhapiṇḍaṃ abhuñjahaṃ.
111.
111.
‘‘бун̃н̃ам̣ вад̇а басави б̣ахум̣, саббан̃н̃о вад̇ааяам̣ убаасаго;
‘‘Puññaṃ vata pasavi bahuṃ, sappañño vatāyaṃ upāsako;
яо бхад̣̇д̣̇ааяа жийварам̣ ад̣̇ааси, виббамуд̇д̇ааяа саб̣б̣аг̇ант̇зхий’’д̇и. –
Yo bhaddāya cīvaraṃ adāsi, vippamuttāya sabbaganthehī’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а луунагзсийд̇и луунаа лун̃жид̇аа гзсаа маяханд̇и луунагзсий, ниг̇ан̣тзсу баб̣б̣аж̇ж̇ааяа д̇ааладтинаа лун̃жид̇агзсаа, д̇ам̣ санд̇хааяа вад̣̇ад̇и. бан̇гад̇харийд̇и д̣̇анд̇агадтасса акаад̣̇анзна д̣̇анд̇зсу малабан̇гад̇хааран̣ад̇о бан̇гад̇харий. згасаадийд̇и ниг̇ан̣тажаарид̇д̇авасзна згасаадигаа. бурз жаринд̇и буб̣б̣з ниг̇ан̣тий худ̇ваа звам̣ вижарим̣. аваж̇ж̇з важ̇ж̇амад̇инийд̇и нхаанужчаад̣̇анад̣̇анд̇агадтакаад̣̇анаад̣̇игз анаваж̇ж̇з сааваж̇ж̇асан̃н̃ий. важ̇ж̇з жааваж̇ж̇ад̣̇ассинийд̇и маанамагкабалаасавибаллаасаад̣̇игз сааваж̇ж̇з анаваж̇ж̇ад̣̇идтий.
Tattha lūnakesīti lūnā luñcitā kesā mayhanti lūnakesī, nigaṇṭhesu pabbajjāya tālaṭṭhinā luñcitakesā, taṃ sandhāya vadati. Paṅkadharīti dantakaṭṭhassa akhādanena dantesu malapaṅkadhāraṇato paṅkadharī. Ekasāṭīti nigaṇṭhacārittavasena ekasāṭikā. Pure carinti pubbe nigaṇṭhī hutvā evaṃ vicariṃ. Avajje vajjamatinīti nhānucchādanadantakaṭṭhakhādanādike anavajje sāvajjasaññī. Vajje cāvajjadassinīti mānamakkhapalāsavipallāsādike sāvajje anavajjadiṭṭhī.
д̣̇иваавихаараа нигкаммаад̇и ад̇д̇ано д̣̇иваавихаарадтаанад̇о нигкамид̇ваа. аяамби тид̇амаж̇жханхигавзлааяам̣ т̇зрзна самааг̇ад̇аа д̇асса бан̃хасса виссаж̇ж̇анзна д̇хаммад̣̇зсанааяа жа нихад̇амаанад̣̇аб̣б̣аа басаннамаанасаа худ̇ваа сад̇т̇у санд̇игам̣ убасан̇гамид̇угаамаава ад̇д̇ано васанадтаанам̣ г̇анд̇ваа д̣̇иваадтаанз нисийд̣̇ид̇ваа сааяанхасамаяз сад̇т̇у санд̇игам̣ убасан̇гамид̇ваа.
Divāvihārā nikkhammāti attano divāvihāraṭṭhānato nikkhamitvā. Ayampi ṭhitamajjhanhikavelāyaṃ therena samāgatā tassa pañhassa vissajjanena dhammadesanāya ca nihatamānadabbā pasannamānasā hutvā satthu santikaṃ upasaṅkamitukāmāva attano vasanaṭṭhānaṃ gantvā divāṭṭhāne nisīditvā sāyanhasamaye satthu santikaṃ upasaṅkamitvā.
нихажжа ж̇аан̣ум̣ ванд̣̇ид̇ваад̇и ж̇аан̣уд̣̇ваяам̣ бат̇авияам̣ ниханд̇ваа бад̇идтабзд̇ваа бан̃жабад̇идтид̇зна ванд̣̇ид̇ваа. саммукаа ан̃ж̇алим̣ аганд̇и сад̇т̇у саммукаа д̣̇асанакасамод̇хаанасамуж̇ж̇алам̣ ан̃ж̇алим̣ агаасим̣. зхи, бхад̣̇д̣̇зд̇и мам̣ аважа, саа мз аасуубасамбад̣̇аад̇и яам̣ мам̣ бхаг̇аваа арахад̇д̇ам̣ бад̇ваа баб̣б̣аж̇ж̇ан̃жа убасамбад̣̇ан̃жа яаажид̇ваа тид̇ам̣ ‘‘зхи, бхад̣̇д̣̇з, бхигкунубассаяам̣ г̇анд̇ваа бхигкунийнам̣ санд̇игз баб̣б̣аж̇а убасамбаж̇ж̇ассуу’’д̇и аважа аан̣аабзси. саа сад̇т̇у аан̣аа маяхам̣ убасамбад̣̇ааяа гааран̣ад̇д̇аа убасамбад̣̇аа ааси ахоси.
Nihacca jāṇuṃ vanditvāti jāṇudvayaṃ pathaviyaṃ nihantvā patiṭṭhapetvā pañcapatiṭṭhitena vanditvā. Sammukhā añjaliṃ akanti satthu sammukhā dasanakhasamodhānasamujjalaṃ añjaliṃ akāsiṃ. Ehi, bhaddeti maṃ avaca, sā me āsūpasampadāti yaṃ maṃ bhagavā arahattaṃ patvā pabbajjañca upasampadañca yācitvā ṭhitaṃ ‘‘ehi, bhadde, bhikkhunupassayaṃ gantvā bhikkhunīnaṃ santike pabbaja upasampajjassū’’ti avaca āṇāpesi. Sā satthu āṇā mayhaṃ upasampadāya kāraṇattā upasampadā āsi ahosi.
жин̣н̣аад̇иаад̣̇игаа д̣̇вз г̇аат̇аа ан̃н̃ааб̣яаагаран̣аг̇аат̇аа. д̇ад̇т̇а жин̣н̣аа ан̇г̇аа жа маг̇ад̇хаад̇и яз имз ан̇г̇аа жа маг̇ад̇хаа жа важ̇ж̇ий жа гаасий жа госалаа жа ж̇анабад̣̇аа буб̣б̣з саан̣ааяа маяаа радтабин̣д̣ам̣ бхун̃ж̇анд̇ияаа жин̣н̣аа жарид̇аа, д̇зсуязва сад̇т̇аараа самааг̇амад̇о бадтааяа анан̣аа нид̣̇д̣̇осаа абаг̇ад̇агилзсаа худ̇ваа бан̃н̃ааса сам̣важчараани радтабин̣д̣ам̣ абхун̃ж̇им̣ ахам̣.
Ciṇṇātiādikā dve gāthā aññābyākaraṇagāthā. Tattha ciṇṇā aṅgā ca magadhāti ye ime aṅgā ca magadhā ca vajjī ca kāsī ca kosalā ca janapadā pubbe sāṇāya mayā raṭṭhapiṇḍaṃ bhuñjantiyā ciṇṇā caritā, tesuyeva satthārā samāgamato paṭṭhāya anaṇā niddosā apagatakilesā hutvā paññāsa saṃvaccharāni raṭṭhapiṇḍaṃ abhuñjiṃ ahaṃ.
язна абхиббасаннамаанасзна убаасагзна ад̇д̇ано жийварам̣ д̣̇иннам̣, д̇асса бун̃н̃ависзсагид̇д̇анамукзна ан̃н̃ам̣ б̣яаагаронд̇ий ‘‘бун̃н̃ам̣ вад̇а басавий б̣аху’’нд̇и осаанаг̇аат̇амааха. саа сувин̃н̃зяяаава.
Yena abhippasannamānasena upāsakena attano cīvaraṃ dinnaṃ, tassa puññavisesakittanamukhena aññaṃ byākarontī ‘‘puññaṃ vata pasavī bahu’’nti osānagāthamāha. Sā suviññeyyāva.
бхад̣̇д̣̇аагун̣д̣алагзсаат̇зрийг̇аат̇ааван̣н̣анаа нидтид̇аа.
Bhaddākuṇḍalakesātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 9. бхад̣̇д̣̇аагун̣д̣алагзсаат̇зрийг̇аат̇аа • 9. Bhaddākuṇḍalakesātherīgāthā
