| Library / Tipiṭaka / तिपिटक • Tipiṭaka / थेरीगाथापाळि • Therīgāthāpāḷi |
९. भद्दाकुण्डलकेसाथेरीगाथा
9. Bhaddākuṇḍalakesātherīgāthā
१०७.
107.
‘‘लूनकेसी पङ्कधरी, एकसाटी पुरे चरिं।
‘‘Lūnakesī paṅkadharī, ekasāṭī pure cariṃ;
अवज्जे वज्जमतिनी, वज्जे चावज्जदस्सिनी॥
Avajje vajjamatinī, vajje cāvajjadassinī.
१०८.
108.
‘‘दिवाविहारा निक्खम्म, गिज्झकूटम्हि पब्बते।
‘‘Divāvihārā nikkhamma, gijjhakūṭamhi pabbate;
अद्दसं विरजं बुद्धं, भिक्खुसङ्घपुरक्खतं॥
Addasaṃ virajaṃ buddhaṃ, bhikkhusaṅghapurakkhataṃ.
१०९.
109.
‘‘निहच्च जाणुं वन्दित्वा, सम्मुखा अञ्जलिं अकं।
‘‘Nihacca jāṇuṃ vanditvā, sammukhā añjaliṃ akaṃ;
‘एहि भद्दे’ति मं अवच, सा मे आसूपसम्पदा॥
‘Ehi bhadde’ti maṃ avaca, sā me āsūpasampadā.
११०.
110.
‘‘चिण्णा अङ्गा च मगधा, वज्जी कासी च कोसला।
‘‘Ciṇṇā aṅgā ca magadhā, vajjī kāsī ca kosalā;
अनणा पण्णासवस्सानि, रट्ठपिण्डं अभुञ्जहं॥
Anaṇā paṇṇāsavassāni, raṭṭhapiṇḍaṃ abhuñjahaṃ.
१११.
111.
‘‘पुञ्ञं वत पसवि बहुं, सप्पञ्ञो वतायं उपासको।
‘‘Puññaṃ vata pasavi bahuṃ, sappañño vatāyaṃ upāsako;
यो भद्दाय चीवरं अदासि, विप्पमुत्ताय सब्बगन्थेही’’ति॥
Yo bhaddāya cīvaraṃ adāsi, vippamuttāya sabbaganthehī’’ti.
… भद्दा कुण्डलकेसा थेरी…।
… Bhaddā kuṇḍalakesā therī….
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरीगाथा-अट्ठकथा • Therīgāthā-aṭṭhakathā / ९. भद्दाकुण्डलकेसाथेरीगाथावण्णना • 9. Bhaddākuṇḍalakesātherīgāthāvaṇṇanā
