| Library / Tipiṭaka / तिपिटक • Tipiṭaka / थेरीगाथापाळि • Therīgāthāpāḷi |
१०. पटाचाराथेरीगाथा
10. Paṭācārātherīgāthā
११२.
112.
‘‘नङ्गलेहि कसं खेत्तं, बीजानि पवपं छमा।
‘‘Naṅgalehi kasaṃ khettaṃ, bījāni pavapaṃ chamā;
पुत्तदारानि पोसेन्ता, धनं विन्दन्ति माणवा॥
Puttadārāni posentā, dhanaṃ vindanti māṇavā.
११३.
113.
‘‘किमहं सीलसम्पन्ना, सत्थुसासनकारिका।
‘‘Kimahaṃ sīlasampannā, satthusāsanakārikā;
निब्बानं नाधिगच्छामि, अकुसीता अनुद्धता॥
Nibbānaṃ nādhigacchāmi, akusītā anuddhatā.
११४.
114.
‘‘पादे पक्खालयित्वान, उदकेसु करोमहं।
‘‘Pāde pakkhālayitvāna, udakesu karomahaṃ;
पादोदकञ्च दिस्वान, थलतो निन्नमागतं॥
Pādodakañca disvāna, thalato ninnamāgataṃ.
११५.
115.
‘‘ततो चित्तं समाधेसिं, अस्सं भद्रंवजानियं।
‘‘Tato cittaṃ samādhesiṃ, assaṃ bhadraṃvajāniyaṃ;
ततो दीपं गहेत्वान, विहारं पाविसिं अहं।
Tato dīpaṃ gahetvāna, vihāraṃ pāvisiṃ ahaṃ;
सेय्यं ओलोकयित्वान, मञ्चकम्हि उपाविसिं॥
Seyyaṃ olokayitvāna, mañcakamhi upāvisiṃ.
११६.
116.
‘‘ततो सूचिं गहेत्वान, वट्टिं ओकस्सयामहं।
‘‘Tato sūciṃ gahetvāna, vaṭṭiṃ okassayāmahaṃ;
पदीपस्सेव निब्बानं, विमोक्खो अहु चेतसो’’ति॥
Padīpasseva nibbānaṃ, vimokkho ahu cetaso’’ti.
… पटाचारा थेरी…।
… Paṭācārā therī….
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / थेरीगाथा-अट्ठकथा • Therīgāthā-aṭṭhakathā / १०. पटाचाराथेरीगाथावण्णना • 10. Paṭācārātherīgāthāvaṇṇanā
