| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾಪಾಳಿ • Therīgāthāpāḷi |
೪. ಚತುಕ್ಕನಿಪಾತೋ
4. Catukkanipāto
೧. ಭದ್ದಾಕಾಪಿಲಾನೀಥೇರೀಗಾಥಾ
1. Bhaddākāpilānītherīgāthā
೬೩.
63.
‘‘ಪುತ್ತೋ ಬುದ್ಧಸ್ಸ ದಾಯಾದೋ, ಕಸ್ಸಪೋ ಸುಸಮಾಹಿತೋ।
‘‘Putto buddhassa dāyādo, kassapo susamāhito;
ಪುಬ್ಬೇನಿವಾಸಂ ಯೋವೇದಿ, ಸಗ್ಗಾಪಾಯಞ್ಚ ಪಸ್ಸತಿ॥
Pubbenivāsaṃ yovedi, saggāpāyañca passati.
೬೪.
64.
‘‘ಅಥೋ ಜಾತಿಕ್ಖಯಂ ಪತ್ತೋ, ಅಭಿಞ್ಞಾವೋಸಿತೋ ಮುನಿ।
‘‘Atho jātikkhayaṃ patto, abhiññāvosito muni;
ಏತಾಹಿ ತೀಹಿ ವಿಜ್ಜಾಹಿ, ತೇವಿಜ್ಜೋ ಹೋತಿ ಬ್ರಾಹ್ಮಣೋ॥
Etāhi tīhi vijjāhi, tevijjo hoti brāhmaṇo.
೬೫.
65.
‘‘ತಥೇವ ಭದ್ದಾ ಕಾಪಿಲಾನೀ, ತೇವಿಜ್ಜಾ ಮಚ್ಚುಹಾಯಿನೀ।
‘‘Tatheva bhaddā kāpilānī, tevijjā maccuhāyinī;
ಧಾರೇತಿ ಅನ್ತಿಮಂ ದೇಹಂ, ಜೇತ್ವಾ ಮಾರಂ ಸವಾಹನಂ॥
Dhāreti antimaṃ dehaṃ, jetvā māraṃ savāhanaṃ.
೬೬.
66.
‘‘ದಿಸ್ವಾ ಆದೀನವಂ ಲೋಕೇ, ಉಭೋ ಪಬ್ಬಜಿತಾ ಮಯಂ।
‘‘Disvā ādīnavaṃ loke, ubho pabbajitā mayaṃ;
ತ್ಯಮ್ಹ ಖೀಣಾಸವಾ ದನ್ತಾ, ಸೀತಿಭೂತಮ್ಹ ನಿಬ್ಬುತಾ’’ತಿ॥
Tyamha khīṇāsavā dantā, sītibhūtamha nibbutā’’ti.
… ಭದ್ದಾ ಕಾಪಿಲಾನೀ ಥೇರೀ…।
… Bhaddā kāpilānī therī….
ಚತುಕ್ಕನಿಪಾತೋ ನಿಟ್ಠಿತೋ।
Catukkanipāto niṭṭhito.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā / ೧. ಭದ್ದಾಕಾಪಿಲಾನೀಥೇರೀಗಾಥಾವಣ್ಣನಾ • 1. Bhaddākāpilānītherīgāthāvaṇṇanā
