| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. ពន្ធុជីវកត្ថេរអបទានំ
2. Bandhujīvakattheraapadānaṃ
៦.
6.
‘‘សិទ្ធត្ថោ នាម សម្ពុទ្ធោ, សយម្ភូ សព្ភិ វណ្ណិតោ;
‘‘Siddhattho nāma sambuddho, sayambhū sabbhi vaṇṇito;
សមាធិំ សោ សមាបន្នោ, និសីទិ បព្ពតន្តរេ។
Samādhiṃ so samāpanno, nisīdi pabbatantare.
៧.
7.
‘‘ជាតស្សរេ គវេសន្តោ, ទកជំ បុប្ផមុត្តមំ;
‘‘Jātassare gavesanto, dakajaṃ pupphamuttamaṃ;
ពន្ធុជីវកបុប្ផានិ, អទ្ទសំ សមនន្តរំ។
Bandhujīvakapupphāni, addasaṃ samanantaraṃ.
៨.
8.
‘‘ឧភោ ហត្ថេហិ បគ្គយ្ហ, ឧបាគច្ឆិំ មហាមុនិំ;
‘‘Ubho hatthehi paggayha, upāgacchiṃ mahāmuniṃ;
បសន្នចិត្តោ សុមនោ, សិទ្ធត្ថស្សាភិរោបយិំ។
Pasannacitto sumano, siddhatthassābhiropayiṃ.
៩.
9.
‘‘ចតុន្នវុតិតោ កប្បេ, យំ បុប្ផមភិរោបយិំ;
‘‘Catunnavutito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
១០.
10.
‘‘ឥតោ ចាតុទ្ទសេ កប្បេ, ឯកោ អាសិំ ជនាធិបោ;
‘‘Ito cātuddase kappe, eko āsiṃ janādhipo;
សមុទ្ទកប្បោ នាមេន, ចក្កវត្តី មហព្ពលោ។
Samuddakappo nāmena, cakkavattī mahabbalo.
១១.
11.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ពន្ធុជីវកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā bandhujīvako thero imā gāthāyo abhāsitthāti.
ពន្ធុជីវកត្ថេរស្សាបទានំ ទុតិយំ។
Bandhujīvakattherassāpadānaṃ dutiyaṃ.
