| Library / Tipiṭaka / တိပိဋက • Tipiṭaka / ပဋိသမ္ဘိဒာမဂ္ဂ-အဋ္ဌကထာ • Paṭisambhidāmagga-aṭṭhakathā |
၂-၄. ဗလာဒိဝာရတ္တယဝဏ္ဏနာ
2-4. Balādivārattayavaṇṇanā
၂၄-၂၇. ဣန္ဒ္ရိယဝာရေ ဝုတ္တနယေနေဝ ဗလဝာရောပိ ဝေဒိတဗ္ဗော။ ဗောဇ္ဈင္ဂမဂ္ဂင္ဂဝာရာ ပရိယာယေန ဝုတ္တာ, န ယထာလက္ခဏဝသေန။ မဂ္ဂင္ဂဝာရေ သမ္မာဝာစာကမ္မန္တာဇီဝာ မေတ္တာယ ပုဗ္ဗဘာဂဝသေန ဝုတ္တာ, န အပ္ပနာဝသေန။ န ဟိ ဧတေ မေတ္တာယ သဟ ဘဝန္တိ။ သဗ္ဗေသံ ပာဏာနန္တိအာဒီနံ သေသဝာရာနမ္ပိ သတ္တဝာရေ ဝုတ္တနယေနေဝ အတ္ထော ဝေဒိတဗ္ဗော။ မေတ္တာဘာဝနာဝိဓာနံ ပန ဝိသုဒ္ဓိမဂ္ဂတော (ဝိသုဒ္ဓိ. ၁.၂၄၀ အာဒယော) ဂဟေတဗ္ဗန္တိ။
24-27. Indriyavāre vuttanayeneva balavāropi veditabbo. Bojjhaṅgamaggaṅgavārā pariyāyena vuttā, na yathālakkhaṇavasena. Maggaṅgavāre sammāvācākammantājīvā mettāya pubbabhāgavasena vuttā, na appanāvasena. Na hi ete mettāya saha bhavanti. Sabbesaṃ pāṇānantiādīnaṃ sesavārānampi sattavāre vuttanayeneva attho veditabbo. Mettābhāvanāvidhānaṃ pana visuddhimaggato (visuddhi. 1.240 ādayo) gahetabbanti.
မေတ္တာကထာဝဏ္ဏနာ နိဋ္ဌိတာ။
Mettākathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / ပဋိသမ္ဘိဒာမဂ္ဂပာဠိ • Paṭisambhidāmaggapāḷi
၂. ဗလဝာရော • 2. Balavāro
၃. ဗောဇ္ဈင္ဂဝာရော • 3. Bojjhaṅgavāro
၄. မဂ္ဂင္ဂဝာရော • 4. Maggaṅgavāro
