| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၁. ဗာဟိရဒုက္ခဟေတုသုတ္တံ
11. Bāhiradukkhahetusuttaṃ
၁၄၄. ‘‘ရူပာ, ဘိက္ခဝေ, ဒုက္ခာ။ ယောပိ ဟေတု, ယောပိ ပစ္စယော ရူပာနံ ဥပ္ပာဒာယ, သောပိ ဒုက္ခော။ ဒုက္ခသမ္ဘူတာ, ဘိက္ခဝေ, ရူပာ ကုတော သုခာ ဘဝိသ္သန္တိ! သဒ္ဒာ။ ဂန္ဓာ။ ရသာ။ ဖောဋ္ဌဗ္ဗာ။ ဓမ္မာ ဒုက္ခာ။ ယောပိ ဟေတု, ယောပိ ပစ္စယော ဓမ္မာနံ ဥပ္ပာဒာယ, သောပိ ဒုက္ခော။ ဒုက္ခသမ္ဘူတာ, ဘိက္ခဝေ, ဓမ္မာ ကုတော သုခာ ဘဝိသ္သန္တိ! ဧဝံ ပသ္သံ။ပေ.။ ‘ခီဏာ ဇာတိ, ဝုသိတံ ဗ္ရဟ္မစရိယံ, ကတံ ကရဏီယံ, နာပရံ ဣတ္ထတ္တာယာ’တိ ပဇာနာတီ’’တိ။ ဧကာဒသမံ။
144. ‘‘Rūpā, bhikkhave, dukkhā. Yopi hetu, yopi paccayo rūpānaṃ uppādāya, sopi dukkho. Dukkhasambhūtā, bhikkhave, rūpā kuto sukhā bhavissanti! Saddā… gandhā… rasā… phoṭṭhabbā… dhammā dukkhā. Yopi hetu, yopi paccayo dhammānaṃ uppādāya, sopi dukkho. Dukkhasambhūtā, bhikkhave, dhammā kuto sukhā bhavissanti! Evaṃ passaṃ…pe… ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Ekādasamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄-၁၂. ဒုတိယရူပာရာမသုတ္တာဒိဝဏ္ဏနာ • 4-12. Dutiyarūpārāmasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄-၁၂. ဒုတိယရူပာရာမသုတ္တာဒိဝဏ္ဏနာ • 4-12. Dutiyarūpārāmasuttādivaṇṇanā
