| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. အယ္ယိကာသုတ္တဝဏ္ဏနာ
2. Ayyikāsuttavaṇṇanā
၁၃၃. ဇရာဇိဏ္ဏာတိ ဇရာယ ဇိဏ္ဏာ။ တေန ပာကဋဇရာယ မတ္ထကပ္ပတ္တိမာဟ။ ဝယောဝုဍ္ဎာတိ ဝယသာ ဝုဍ္ဎာ။ တေန ပစ္ဆိမဝယသ္သ ဩသက္ကသမ္ပဝတ္တိံ ဝဒတိ။ ဇာတိမဟလ္လိကာတိ ဇာတိမဟတ္တဂတာ။ စိရကာလံ အတိက္ကန္တာတိ ဒ္ဝေ တယော ရာဇပရိဝဋ္ဋေ ဝီတိဝတ္တာ။ ဝယော-သဒ္ဒော သာဓာရဏဝစနောပိ ဇိဏ္ဏသဒ္ဒသန္နိဓာနတော ဩသာနဝယံ ဧဝ ဝဒတီတိ အာဟ ‘‘ပစ္ဆိမဝယံ သမ္ပတ္တာ’’တိ။ အယ္ယိကာတိ မာတာမဟိံ သန္ဓာယ ဝဒတိ။ ဟတ္ထီ ဧဝ ရတနဘူတော ဟတ္ထိရတနန္တိ အာဟ ‘‘သတသဟသ္သဂ္ဃနကေနာ’’တိအာဒိ။ သဗ္ဗာနိ တာနီတိ ကုမ္ဘကာရဘာဇနာနိ, တေဟိ သဒ္ဓိံ သတ္တသန္တာနသ္သ ပမာဏံ ဒသ္သေန္တော ‘‘တေသု ဟီ’’တိအာဒိမာဟ, တံ သုဝိညေယ္ယမေဝ။
133.Jarājiṇṇāti jarāya jiṇṇā. Tena pākaṭajarāya matthakappattimāha. Vayovuḍḍhāti vayasā vuḍḍhā. Tena pacchimavayassa osakkasampavattiṃ vadati. Jātimahallikāti jātimahattagatā. Cirakālaṃ atikkantāti dve tayo rājaparivaṭṭe vītivattā. Vayo-saddo sādhāraṇavacanopi jiṇṇasaddasannidhānato osānavayaṃ eva vadatīti āha ‘‘pacchimavayaṃ sampattā’’ti. Ayyikāti mātāmahiṃ sandhāya vadati. Hatthī eva ratanabhūto hatthiratananti āha ‘‘satasahassagghanakenā’’tiādi. Sabbāni tānīti kumbhakārabhājanāni, tehi saddhiṃ sattasantānassa pamāṇaṃ dassento ‘‘tesu hī’’tiādimāha, taṃ suviññeyyameva.
အယ္ယိကာသုတ္တဝဏ္ဏနာ နိဋ္ဌိတာ။
Ayyikāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. အယ္ယိကာသုတ္တံ • 2. Ayyikāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. အယ္ယိကာသုတ္တဝဏ္ဏနာ • 2. Ayyikāsuttavaṇṇanā
