| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਅਯ੍ਯਿਕਾਸੁਤ੍ਤਂ
2. Ayyikāsuttaṃ
੧੩੩. ਸਾવਤ੍ਥਿਨਿਦਾਨਂ । ਏਕਮਨ੍ਤਂ ਨਿਸਿਨ੍ਨਂ ਖੋ ਰਾਜਾਨਂ ਪਸੇਨਦਿਂ ਕੋਸਲਂ ਭਗવਾ ਏਤਦવੋਚ – ‘‘ਹਨ੍ਦ, ਕੁਤੋ ਨੁ ਤ੍વਂ, ਮਹਾਰਾਜ, ਆਗਚ੍ਛਸਿ ਦਿવਾਦਿવਸ੍ਸਾ’’ਤਿ?
133. Sāvatthinidānaṃ . Ekamantaṃ nisinnaṃ kho rājānaṃ pasenadiṃ kosalaṃ bhagavā etadavoca – ‘‘handa, kuto nu tvaṃ, mahārāja, āgacchasi divādivassā’’ti?
‘‘ਅਯ੍ਯਿਕਾ ਮੇ, ਭਨ੍ਤੇ, ਕਾਲਙ੍ਕਤਾ ਜਿਣ੍ਣਾ વੁਡ੍ਢਾ ਮਹਲ੍ਲਿਕਾ ਅਦ੍ਧਗਤਾ વਯੋਅਨੁਪ੍ਪਤ੍ਤਾ વੀਸવਸ੍ਸਸਤਿਕਾ ਜਾਤਿਯਾ। ਅਯ੍ਯਿਕਾ ਖੋ ਪਨ ਮੇ, ਭਨ੍ਤੇ, ਪਿਯਾ ਹੋਤਿ ਮਨਾਪਾ। ਹਤ੍ਥਿਰਤਨੇਨ ਚੇਪਾਹਂ, ਭਨ੍ਤੇ, ਲਭੇਯ੍ਯਂ ‘ਮਾ ਮੇ ਅਯ੍ਯਿਕਾ ਕਾਲਮਕਾਸੀ’ਤਿ, ਹਤ੍ਥਿਰਤਨਮ੍ਪਾਹਂ ਦਦੇਯ੍ਯਂ – ‘ਮਾ ਮੇ ਅਯ੍ਯਿਕਾ ਕਾਲਮਕਾਸੀ’ਤਿ। ਅਸ੍ਸਰਤਨੇਨ ਚੇਪਾਹਂ, ਭਨ੍ਤੇ, ਲਭੇਯ੍ਯਂ ‘ਮਾ ਮੇ ਅਯ੍ਯਿਕਾ ਕਾਲਮਕਾਸੀ’ਤਿ, ਅਸ੍ਸਰਤਨਮ੍ਪਾਹਂ ਦਦੇਯ੍ਯਂ – ‘ਮਾ ਮੇ ਅਯ੍ਯਿਕਾ ਕਾਲਮਕਾਸੀ’ਤਿ। ਗਾਮવਰੇਨ ਚੇਪਾਹਂ ਭਨ੍ਤੇ, ਲਭੇਯ੍ਯਂ ‘ਮਾ ਮੇ ਅਯ੍ਯਿਕਾ ਕਾਲਮਕਾਸੀ’ਤਿ, ਗਾਮવਰਮ੍ਪਾਹਂ ਦਦੇਯ੍ਯਂ – ‘ਮਾ ਮੇ ਅਯ੍ਯਿਕਾ ਕਾਲਮਕਾਸੀ’ਤਿ। ਜਨਪਦਪਦੇਸੇਨ 1 ਚੇਪਾਹਂ, ਭਨ੍ਤੇ, ਲਭੇਯ੍ਯਂ ‘ਮਾ ਮੇ ਅਯ੍ਯਿਕਾ ਕਾਲਮਕਾਸੀ’ਤਿ, ਜਨਪਦਪਦੇਸਮ੍ਪਾਹਂ ਦਦੇਯ੍ਯਂ – ‘ਮਾ ਮੇ ਅਯ੍ਯਿਕਾ ਕਾਲਮਕਾਸੀ’ਤਿ। ‘ਸਬ੍ਬੇ ਸਤ੍ਤਾ, ਮਹਾਰਾਜ, ਮਰਣਧਮ੍ਮਾ ਮਰਣਪਰਿਯੋਸਾਨਾ ਮਰਣਂ ਅਨਤੀਤਾ’ਤਿ। ‘ਅਚ੍ਛਰਿਯਂ, ਭਨ੍ਤੇ, ਅਬ੍ਭੁਤਂ, ਭਨ੍ਤੇ! ਯਾવਸੁਭਾਸਿਤਮਿਦਂ, ਭਨ੍ਤੇ, ਭਗવਤਾ – ਸਬ੍ਬੇ ਸਤ੍ਤਾ ਮਰਣਧਮ੍ਮਾ ਮਰਣਪਰਿਯੋਸਾਨਾ ਮਰਣਂ ਅਨਤੀਤਾ’’’ਤਿ।
‘‘Ayyikā me, bhante, kālaṅkatā jiṇṇā vuḍḍhā mahallikā addhagatā vayoanuppattā vīsavassasatikā jātiyā. Ayyikā kho pana me, bhante, piyā hoti manāpā. Hatthiratanena cepāhaṃ, bhante, labheyyaṃ ‘mā me ayyikā kālamakāsī’ti, hatthiratanampāhaṃ dadeyyaṃ – ‘mā me ayyikā kālamakāsī’ti. Assaratanena cepāhaṃ, bhante, labheyyaṃ ‘mā me ayyikā kālamakāsī’ti, assaratanampāhaṃ dadeyyaṃ – ‘mā me ayyikā kālamakāsī’ti. Gāmavarena cepāhaṃ bhante, labheyyaṃ ‘mā me ayyikā kālamakāsī’ti, gāmavarampāhaṃ dadeyyaṃ – ‘mā me ayyikā kālamakāsī’ti. Janapadapadesena 2 cepāhaṃ, bhante, labheyyaṃ ‘mā me ayyikā kālamakāsī’ti, janapadapadesampāhaṃ dadeyyaṃ – ‘mā me ayyikā kālamakāsī’ti. ‘Sabbe sattā, mahārāja, maraṇadhammā maraṇapariyosānā maraṇaṃ anatītā’ti. ‘Acchariyaṃ, bhante, abbhutaṃ, bhante! Yāvasubhāsitamidaṃ, bhante, bhagavatā – sabbe sattā maraṇadhammā maraṇapariyosānā maraṇaṃ anatītā’’’ti.
‘‘ਏવਮੇਤਂ, ਮਹਾਰਾਜ, ਏવਮੇਤਂ, ਮਹਾਰਾਜ! ਸਬ੍ਬੇ ਸਤ੍ਤਾ ਮਰਣਧਮ੍ਮਾ ਮਰਣਪਰਿਯੋਸਾਨਾ ਮਰਣਂ ਅਨਤੀਤਾ। ਸੇਯ੍ਯਥਾਪਿ, ਮਹਾਰਾਜ, ਯਾਨਿ ਕਾਨਿਚਿ ਕੁਮ੍ਭਕਾਰਭਾਜਨਾਨਿ ਆਮਕਾਨਿ ਚੇવ ਪਕ੍ਕਾਨਿ ਚ ਸਬ੍ਬਾਨਿ ਤਾਨਿ ਭੇਦਨਧਮ੍ਮਾਨਿ ਭੇਦਨਪਰਿਯੋਸਾਨਾਨਿ ਭੇਦਨਂ ਅਨਤੀਤਾਨਿ; ਏવਮੇવ ਖੋ, ਮਹਾਰਾਜ, ਸਬ੍ਬੇ ਸਤ੍ਤਾ ਮਰਣਧਮ੍ਮਾ ਮਰਣਪਰਿਯੋਸਾਨਾ ਮਰਣਂ ਅਨਤੀਤਾ’’ਤਿ। ਇਦਮવੋਚ…ਪੇ॰…
‘‘Evametaṃ, mahārāja, evametaṃ, mahārāja! Sabbe sattā maraṇadhammā maraṇapariyosānā maraṇaṃ anatītā. Seyyathāpi, mahārāja, yāni kānici kumbhakārabhājanāni āmakāni ceva pakkāni ca sabbāni tāni bhedanadhammāni bhedanapariyosānāni bhedanaṃ anatītāni; evameva kho, mahārāja, sabbe sattā maraṇadhammā maraṇapariyosānā maraṇaṃ anatītā’’ti. Idamavoca…pe…
‘‘ਸਬ੍ਬੇ ਸਤ੍ਤਾ ਮਰਿਸ੍ਸਨ੍ਤਿ, ਮਰਣਨ੍ਤਞ੍ਹਿ ਜੀવਿਤਂ।
‘‘Sabbe sattā marissanti, maraṇantañhi jīvitaṃ;
ਯਥਾਕਮ੍ਮਂ ਗਮਿਸ੍ਸਨ੍ਤਿ, ਪੁਞ੍ਞਪਾਪਫਲੂਪਗਾ।
Yathākammaṃ gamissanti, puññapāpaphalūpagā;
ਨਿਰਯਂ ਪਾਪਕਮ੍ਮਨ੍ਤਾ, ਪੁਞ੍ਞਕਮ੍ਮਾ ਚ ਸੁਗ੍ਗਤਿਂ॥
Nirayaṃ pāpakammantā, puññakammā ca suggatiṃ.
‘‘ਤਸ੍ਮਾ ਕਰੇਯ੍ਯ ਕਲ੍ਯਾਣਂ, ਨਿਚਯਂ ਸਮ੍ਪਰਾਯਿਕਂ।
‘‘Tasmā kareyya kalyāṇaṃ, nicayaṃ samparāyikaṃ;
ਪੁਞ੍ਞਾਨਿ ਪਰਲੋਕਸ੍ਮਿਂ, ਪਤਿਟ੍ਠਾ ਹੋਨ੍ਤਿ ਪਾਣਿਨ’’ਨ੍ਤਿ॥
Puññāni paralokasmiṃ, patiṭṭhā honti pāṇina’’nti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਅਯ੍ਯਿਕਾਸੁਤ੍ਤવਣ੍ਣਨਾ • 2. Ayyikāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਅਯ੍ਯਿਕਾਸੁਤ੍ਤવਣ੍ਣਨਾ • 2. Ayyikāsuttavaṇṇanā
