| Library / Tipiṭaka / திபிடக • Tipiṭaka / சரியாபிடகபாளி • Cariyāpiṭakapāḷi |
3. அயோக⁴ரசரியா
3. Ayogharacariyā
24.
24.
‘‘புனாபரங் யதா³ ஹோமி, காஸிராஜஸ்ஸ அத்ரஜோ;
‘‘Punāparaṃ yadā homi, kāsirājassa atrajo;
அயோக⁴ரம்ஹி ஸங்வட்³டோ⁴, நாமேனாஸி அயோக⁴ரோ.
Ayogharamhi saṃvaḍḍho, nāmenāsi ayogharo.
25.
25.
‘‘து³க்கே²ன ஜீவிதோ லத்³தோ⁴, ஸங்பீளே பதிபோஸிதோ;
‘‘Dukkhena jīvito laddho, saṃpīḷe patiposito;
அஜ்ஜேவ புத்த படிபஜ்ஜ, கேவலங் வஸுத⁴ங் இமங்.
Ajjeva putta paṭipajja, kevalaṃ vasudhaṃ imaṃ.
26.
26.
‘‘ஸரட்ட²கங் ஸனிக³மங், ஸஜனங் வந்தி³த்வ க²த்தியங்;
‘‘Saraṭṭhakaṃ sanigamaṃ, sajanaṃ vanditva khattiyaṃ;
அஞ்ஜலிங் பக்³க³ஹெத்வான, இத³ங் வசனமப்³ரவிங்.
Añjaliṃ paggahetvāna, idaṃ vacanamabraviṃ.
27.
27.
‘‘‘யே கேசி மஹியா ஸத்தா, ஹீனமுக்கட்ட²மஜ்ஜி²மா;
‘‘‘Ye keci mahiyā sattā, hīnamukkaṭṭhamajjhimā;
நிராரக்கா² ஸகே கே³ஹே, வட்³ட⁴ந்தி ஸகஞாதிபி⁴.
Nirārakkhā sake gehe, vaḍḍhanti sakañātibhi.
28.
28.
‘‘‘இத³ங் லோகே உத்தரியங், ஸங்பீளே மம போஸனங்;
‘‘‘Idaṃ loke uttariyaṃ, saṃpīḷe mama posanaṃ;
அயோக⁴ரம்ஹி ஸங்வட்³டோ⁴, அப்பபே⁴ சந்த³ஸூரியே.
Ayogharamhi saṃvaḍḍho, appabhe candasūriye.
29.
29.
‘‘‘பூதிகுணபஸம்புண்ணா, முச்சித்வா மாது குச்சி²தோ;
‘‘‘Pūtikuṇapasampuṇṇā, muccitvā mātu kucchito;
ததோ கோ⁴ரதரே து³க்கே², புன பக்கி²த்தயோக⁴ரே.
Tato ghoratare dukkhe, puna pakkhittayoghare.
30.
30.
‘‘‘யதி³ஹங் தாதி³ஸங் பத்வா, து³க்க²ங் பரமதா³ருணங்;
‘‘‘Yadihaṃ tādisaṃ patvā, dukkhaṃ paramadāruṇaṃ;
31.
31.
‘‘‘உக்கண்டி²தொம்ஹி காயேன, ரஜ்ஜேனம்ஹி அனத்தி²கோ;
‘‘‘Ukkaṇṭhitomhi kāyena, rajjenamhi anatthiko;
நிப்³பு³திங் பரியேஸிஸ்ஸங், யத்த² மங் மச்சு ந மத்³தி³யே’.
Nibbutiṃ pariyesissaṃ, yattha maṃ maccu na maddiye’.
32.
32.
‘‘ஏவாஹங் சிந்தயித்வான, விரவந்தே மஹாஜனே;
‘‘Evāhaṃ cintayitvāna, viravante mahājane;
நாகோ³வ ப³ந்த⁴னங் செ²த்வா, பாவிஸிங் கானநங் வனங்.
Nāgova bandhanaṃ chetvā, pāvisiṃ kānanaṃ vanaṃ.
33.
33.
‘‘மாதாபிதா ந மே தெ³ஸ்ஸா, நபி மே தெ³ஸ்ஸங் மஹாயஸங்;
‘‘Mātāpitā na me dessā, napi me dessaṃ mahāyasaṃ;
ஸப்³ப³ஞ்ஞுதங் பியங் மய்ஹங், தஸ்மா ரஜ்ஜங் பரிச்சஜி’’ந்தி.
Sabbaññutaṃ piyaṃ mayhaṃ, tasmā rajjaṃ pariccaji’’nti.
அயோக⁴ரசரியங் ததியங்.
Ayogharacariyaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / சரியாபிடக-அட்ட²கதா² • Cariyāpiṭaka-aṭṭhakathā / 3. அயோக⁴ரசரியாவண்ணனா • 3. Ayogharacariyāvaṇṇanā
