| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
သေဒမောစနဂာထာ
Sedamocanagāthā
အဝိပ္ပဝာသပဉ္ဟာဝဏ္ဏနာ
Avippavāsapañhāvaṇṇanā
၄၇၉. သေဒမောစနဂာထာသု အကပ္ပိယသမ္ဘောဂောတိ အနုပသမ္ပန္နေဟိ သဒ္ဓိံ ကာတုံ ပဋိက္ခိတ္တော ဥပောသထာဒိသံဝာသော ဧဝ ဝုတ္တော။ ပဉ္ဟာ မေသာတိ ဧတ္ထ မ-ကာရော ပဒသန္ဓိကရော။ ဧသာတိ စ လိင္ဂဝိပလ္လာသဝသေန ဝုတ္တံ, ပဉ္ဟော ဧသောတိ အတ္ထော။ ပဉ္ဟ-သဒ္ဒော ဝာ ဒ္ဝိလိင္ဂော ဒဋ္ဌဗ္ဗော။ တေနာဟ ‘‘ဧသာ ပဉ္ဟာ’’တိအာဒိ။
479. Sedamocanagāthāsu akappiyasambhogoti anupasampannehi saddhiṃ kātuṃ paṭikkhitto uposathādisaṃvāso eva vutto. Pañhā mesāti ettha ma-kāro padasandhikaro. Esāti ca liṅgavipallāsavasena vuttaṃ, pañho esoti attho. Pañha-saddo vā dviliṅgo daṭṭhabbo. Tenāha ‘‘esā pañhā’’tiādi.
ဂရုဘဏ္ဍံ သန္ဓာယာတိ ဂရုဘဏ္ဍေန ဂရုဘဏ္ဍပရိဝတ္တနံ သန္ဓာယ။ ဒသာတိ ဒသ အဝန္ဒိယပုဂ္ဂလေ။ ဧကာဒသေတိ အဘဗ္ဗပုဂ္ဂလေ။ သိက္ခာယ အသာဓာရဏောတိ ခုရဘဏ္ဍံ ဓာရေတုံ အနုညာတသိက္ခာပဒေန ဘိက္ခူဟိ အသာဓာရဏသိက္ခာပဒောတိ အတ္ထော။
Garubhaṇḍaṃ sandhāyāti garubhaṇḍena garubhaṇḍaparivattanaṃ sandhāya. Dasāti dasa avandiyapuggale. Ekādaseti abhabbapuggale. Sikkhāya asādhāraṇoti khurabhaṇḍaṃ dhāretuṃ anuññātasikkhāpadena bhikkhūhi asādhāraṇasikkhāpadoti attho.
ဥဗ္ဘက္ခကေ န ဝဒာမီတိ အက္ခတော ဥဒ္ဓံ သီသေ ဌိတမုခမဂ္ဂေပိ ပာရာဇိကံ သန္ဓာယ န ဝဒာမိ။ အဓောနာဘိန္တိ နာဘိတော ဟေဋ္ဌာ ဌိတဝစ္စပသ္သာဝမဂ္ဂေပိ ဝိဝဇ္ဇိယ အညသ္မိံ သရီရပ္ပဒေသေ မေထုနဓမ္မပစ္စယာ ကထံ ပာရာဇိကော သိယာတိ အတ္ထော။
Ubbhakkhake na vadāmīti akkhato uddhaṃ sīse ṭhitamukhamaggepi pārājikaṃ sandhāya na vadāmi. Adhonābhinti nābhito heṭṭhā ṭhitavaccapassāvamaggepi vivajjiya aññasmiṃ sarīrappadese methunadhammapaccayā kathaṃ pārājiko siyāti attho.
ဆေဇ္ဇဝတ္ထုန္တိ ပာရာဇိကံ။
Chejjavatthunti pārājikaṃ.
အဝိပ္ပဝာသပဉ္ဟာဝဏ္ဏနာ နိဋ္ဌိတာ။
Avippavāsapañhāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၁. အဝိပ္ပဝာသပဉ္ဟာ • 1. Avippavāsapañhā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / (၁) အဝိပ္ပဝာသပဉ္ဟာဝဏ္ဏနာ • (1) Avippavāsapañhāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အဝိပ္ပဝာသာဒိပဉ္ဟဝဏ္ဏနာ • Avippavāsādipañhavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဝိပ္ပဝာသပဉ္ဟာဝဏ္ဏနာ • Avippavāsapañhāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / (၁) အဝိပ္ပဝာသပဉ္ဟာဝဏ္ဏနာ • (1) Avippavāsapañhāvaṇṇanā
