| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
សេទមោចនគាថា
Sedamocanagāthā
អវិប្បវាសបញ្ហាវណ្ណនា
Avippavāsapañhāvaṇṇanā
៤៧៩. សេទមោចនគាថាសុ អកប្បិយសម្ភោគោតិ អនុបសម្បន្នេហិ សទ្ធិំ កាតុំ បដិក្ខិត្តោ ឧបោសថាទិសំវាសោ ឯវ វុត្តោ។ បញ្ហា មេសាតិ ឯត្ថ ម-ការោ បទសន្ធិករោ។ ឯសាតិ ច លិង្គវិបល្លាសវសេន វុត្តំ, បញ្ហោ ឯសោតិ អត្ថោ។ បញ្ហ-សទ្ទោ វា ទ្វិលិង្គោ ទដ្ឋព្ពោ។ តេនាហ ‘‘ឯសា បញ្ហា’’តិអាទិ។
479. Sedamocanagāthāsu akappiyasambhogoti anupasampannehi saddhiṃ kātuṃ paṭikkhitto uposathādisaṃvāso eva vutto. Pañhā mesāti ettha ma-kāro padasandhikaro. Esāti ca liṅgavipallāsavasena vuttaṃ, pañho esoti attho. Pañha-saddo vā dviliṅgo daṭṭhabbo. Tenāha ‘‘esā pañhā’’tiādi.
គរុភណ្ឌំ សន្ធាយាតិ គរុភណ្ឌេន គរុភណ្ឌបរិវត្តនំ សន្ធាយ។ ទសាតិ ទស អវន្ទិយបុគ្គលេ។ ឯកាទសេតិ អភព្ពបុគ្គលេ។ សិក្ខាយ អសាធារណោតិ ខុរភណ្ឌំ ធារេតុំ អនុញ្ញាតសិក្ខាបទេន ភិក្ខូហិ អសាធារណសិក្ខាបទោតិ អត្ថោ។
Garubhaṇḍaṃ sandhāyāti garubhaṇḍena garubhaṇḍaparivattanaṃ sandhāya. Dasāti dasa avandiyapuggale. Ekādaseti abhabbapuggale. Sikkhāya asādhāraṇoti khurabhaṇḍaṃ dhāretuṃ anuññātasikkhāpadena bhikkhūhi asādhāraṇasikkhāpadoti attho.
ឧព្ភក្ខកេ ន វទាមីតិ អក្ខតោ ឧទ្ធំ សីសេ ឋិតមុខមគ្គេបិ បារាជិកំ សន្ធាយ ន វទាមិ។ អធោនាភិន្តិ នាភិតោ ហេដ្ឋា ឋិតវច្ចបស្សាវមគ្គេបិ វិវជ្ជិយ អញ្ញស្មិំ សរីរប្បទេសេ មេថុនធម្មបច្ចយា កថំ បារាជិកោ សិយាតិ អត្ថោ។
Ubbhakkhake na vadāmīti akkhato uddhaṃ sīse ṭhitamukhamaggepi pārājikaṃ sandhāya na vadāmi. Adhonābhinti nābhito heṭṭhā ṭhitavaccapassāvamaggepi vivajjiya aññasmiṃ sarīrappadese methunadhammapaccayā kathaṃ pārājiko siyāti attho.
ឆេជ្ជវត្ថុន្តិ បារាជិកំ។
Chejjavatthunti pārājikaṃ.
អវិប្បវាសបញ្ហាវណ្ណនា និដ្ឋិតា។
Avippavāsapañhāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ១. អវិប្បវាសបញ្ហា • 1. Avippavāsapañhā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / (១) អវិប្បវាសបញ្ហាវណ្ណនា • (1) Avippavāsapañhāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អវិប្បវាសាទិបញ្ហវណ្ណនា • Avippavāsādipañhavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អវិប្បវាសបញ្ហាវណ្ណនា • Avippavāsapañhāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / (១) អវិប្បវាសបញ្ហាវណ្ណនា • (1) Avippavāsapañhāvaṇṇanā
