| Library / Tipiṭaka / तिपिटक • Tipiṭaka / खुद्दसिक्खा-मूलसिक्खा • Khuddasikkhā-mūlasikkhā |
२०. अवन्दियनिद्देसवण्णना
20. Avandiyaniddesavaṇṇanā
१७२. उक्खित्तोति आपत्तिया अदस्सने अप्पटिकम्मे च उक्खित्तको पापिकाय दिट्ठिया अप्पटिनिस्सग्गे उक्खित्तकोति तिविधो उक्खित्तको। नानासंवासको नाम लद्धिनानासंवासकोपि कम्मनानासंवासकोपि। गरुकट्ठो चाति पारिवासिको मूलायपटिकस्सनारहो मानत्तारहो मानत्तचारी अब्भानारहो च इध गरुकट्ठोति अधिप्पेतो। इमेहि पन अञ्ञमञ्ञं वन्दितुं वट्टतीति।
172.Ukkhittoti āpattiyā adassane appaṭikamme ca ukkhittako pāpikāya diṭṭhiyā appaṭinissagge ukkhittakoti tividho ukkhittako. Nānāsaṃvāsako nāma laddhinānāsaṃvāsakopi kammanānāsaṃvāsakopi. Garukaṭṭho cāti pārivāsiko mūlāyapaṭikassanāraho mānattāraho mānattacārī abbhānāraho ca idha garukaṭṭhoti adhippeto. Imehi pana aññamaññaṃ vandituṃ vaṭṭatīti.
अवन्दियनिद्देसवण्णना निट्ठिता।
Avandiyaniddesavaṇṇanā niṭṭhitā.
