| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৩. অত্থৰসসুত্তং
3. Atthavasasuttaṃ
৪৩. ‘‘তযো , ভিক্খৰে, অত্থৰসে সম্পস্সমানেন অলমেৰ পরেসং ধম্মং দেসেতুং। কতমে তযো? যো ধম্মং দেসেতি সো অত্থপ্পটিসংৰেদী চ হোতি ধম্মপ্পটিসংৰেদী চ। যো ধম্মং সুণাতি সো অত্থপ্পটিসংৰেদী চ হোতি ধম্মপ্পটিসংৰেদী চ। যো চেৰ ধম্মং দেসেতি যো চ ধম্মং সুণাতি উভো অত্থপ্পটিসংৰেদিনো চ হোন্তি ধম্মপ্পটিসংৰেদিনো চ। ইমে খো, ভিক্খৰে, তযো অত্থৰসে সম্পস্সমানেন অলমেৰ পরেসং ধম্মং দেসেতু’’ন্তি। ততিযং।
43. ‘‘Tayo , bhikkhave, atthavase sampassamānena alameva paresaṃ dhammaṃ desetuṃ. Katame tayo? Yo dhammaṃ deseti so atthappaṭisaṃvedī ca hoti dhammappaṭisaṃvedī ca. Yo dhammaṃ suṇāti so atthappaṭisaṃvedī ca hoti dhammappaṭisaṃvedī ca. Yo ceva dhammaṃ deseti yo ca dhammaṃ suṇāti ubho atthappaṭisaṃvedino ca honti dhammappaṭisaṃvedino ca. Ime kho, bhikkhave, tayo atthavase sampassamānena alameva paresaṃ dhammaṃ desetu’’nti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৩. অত্থৰসসুত্তৰণ্ণনা • 3. Atthavasasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৩. অত্থৰসসুত্তৰণ্ণনা • 3. Atthavasasuttavaṇṇanā
