| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. அத்த²ஸந்த³ஸ்ஸகத்தே²ரஅபதா³னங்
7. Atthasandassakattheraapadānaṃ
47.
47.
‘‘விஸாலமாளே ஆஸீனோ, அத்³த³ஸங் லோகனாயகங்;
‘‘Visālamāḷe āsīno, addasaṃ lokanāyakaṃ;
கீ²ணாஸவங் ப³லப்பத்தங், பி⁴க்கு²ஸங்க⁴புரக்க²தங்.
Khīṇāsavaṃ balappattaṃ, bhikkhusaṅghapurakkhataṃ.
48.
48.
‘‘ஸதஸஹஸ்ஸா தேவிஜ்ஜா, ச²ளபி⁴ஞ்ஞா மஹித்³தி⁴கா;
‘‘Satasahassā tevijjā, chaḷabhiññā mahiddhikā;
பரிவாரெந்தி ஸம்பு³த்³த⁴ங், கோ தி³ஸ்வா நப்பஸீத³தி.
Parivārenti sambuddhaṃ, ko disvā nappasīdati.
49.
49.
‘‘ஞாணே உபனிதா⁴ யஸ்ஸ, ந விஜ்ஜதி ஸதே³வகே;
‘‘Ñāṇe upanidhā yassa, na vijjati sadevake;
அனந்தஞாணங் ஸம்பு³த்³த⁴ங், கோ தி³ஸ்வா நப்பஸீத³தி.
Anantañāṇaṃ sambuddhaṃ, ko disvā nappasīdati.
50.
50.
‘‘த⁴ம்மகாயஞ்ச தீ³பெந்தங், கேவலங் ரதனாகரங்;
‘‘Dhammakāyañca dīpentaṃ, kevalaṃ ratanākaraṃ;
51.
51.
பது³முத்தரங் த²வித்வான, ஸம்பு³த்³த⁴ங் அபராஜிதங்.
Padumuttaraṃ thavitvāna, sambuddhaṃ aparājitaṃ.
52.
52.
‘‘தேன சித்தப்பஸாதே³ன, பு³த்³த⁴ஸந்த²வனேன ச;
‘‘Tena cittappasādena, buddhasanthavanena ca;
கப்பானங் ஸதஸஹஸ்ஸங், து³க்³க³திங், நுபபஜ்ஜஹங்.
Kappānaṃ satasahassaṃ, duggatiṃ, nupapajjahaṃ.
53.
53.
‘‘இதோ திங்ஸகப்பஸதே, ஸுமித்தோ நாம க²த்தியோ;
‘‘Ito tiṃsakappasate, sumitto nāma khattiyo;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
54.
54.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா அத்த²ஸந்த³ஸ்ஸகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā atthasandassako thero imā gāthāyo abhāsitthāti.
அத்த²ஸந்த³ஸ்ஸகத்தே²ரஸ்ஸாபதா³னங் ஸத்தமங்.
Atthasandassakattherassāpadānaṃ sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 7. அத்த²ஸந்த³ஸ்ஸகத்தே²ரஅபதா³னவண்ணனா • 7. Atthasandassakattheraapadānavaṇṇanā
