| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๑๘. อฎฺฐสทฺทชาตกํ (๒)
418. Aṭṭhasaddajātakaṃ (2)
๑๐.
10.
อิทํ ปุเร นินฺนมาหุ, พหุมจฺฉํ มโหทกํ;
Idaṃ pure ninnamāhu, bahumacchaṃ mahodakaṃ;
อาวาโส พกราชสฺส, เปตฺติกํ ภวนํ มม;
Āvāso bakarājassa, pettikaṃ bhavanaṃ mama;
๑๑.
11.
โก เม ปุเตฺต กุลาวกํ, มญฺจ โสตฺถิํ กริสฺสติฯ
Ko me putte kulāvakaṃ, mañca sotthiṃ karissati.
๑๒.
12.
สพฺพา ปริกฺขยา เผคฺคุ, ยาว ตสฺสา คตี อหุ;
Sabbā parikkhayā pheggu, yāva tassā gatī ahu;
ขีณภโกฺข มหาราช, สาเร น รมตี ฆุโณฯ
Khīṇabhakkho mahārāja, sāre na ramatī ghuṇo.
๑๓.
13.
สา นูนาหํ อิโต คนฺตฺวา, รโญฺญ มุตฺตา นิเวสนา;
Sā nūnāhaṃ ito gantvā, rañño muttā nivesanā;
อตฺตานํ รมยิสฺสามิ, ทุมสาขนิเกตินีฯ
Attānaṃ ramayissāmi, dumasākhaniketinī.
๑๔.
14.
โส นูนาหํ อิโต คนฺตฺวา, รโญฺญ มุโตฺต นิเวสนา;
So nūnāhaṃ ito gantvā, rañño mutto nivesanā;
อโคฺคทกานิ ปิสฺสามิ, ยูถสฺส ปุรโต วชํฯ
Aggodakāni pissāmi, yūthassa purato vajaṃ.
๑๕.
15.
ตํ มํ กาเมหิ สมฺมตฺตํ, รตฺตํ กาเมสุ มุจฺฉิตํ;
Taṃ maṃ kāmehi sammattaṃ, rattaṃ kāmesu mucchitaṃ;
๑๖.
16.
อนฺธการติมิสายํ, ตุเงฺค อุปริปพฺพเต;
Andhakāratimisāyaṃ, tuṅge uparipabbate;
๑๗.
17.
อสํสยํ ชาติขยนฺตทสฺสี, น คพฺภเสยฺยํ ปุนราวชิสฺสํ;
Asaṃsayaṃ jātikhayantadassī, na gabbhaseyyaṃ punarāvajissaṃ;
อยมนฺติมา ปจฺฉิมา คพฺภเสยฺยา 11, ขีโณ เม สํสาโร ปุนพฺภวายาติฯ
Ayamantimā pacchimā gabbhaseyyā 12, khīṇo me saṃsāro punabbhavāyāti.
อฎฺฐสทฺทชาตกํ ทุติยํฯ
Aṭṭhasaddajātakaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๑๘] ๒. อฎฺฐสทฺทชาตกวณฺณนา • [418] 2. Aṭṭhasaddajātakavaṇṇanā
