| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
অট্ঠমন্তৰিনাসকপুগ্গলা
Aṭṭhamantavināsakapuggalā
‘‘ভন্তে নাগসেন, অট্ঠিমে পুগ্গলা মন্তিযমানা মন্তিতং অত্থং ব্যাপাদেন্তি। কতমে অট্ঠ? রাগচরিতো দোসচরিতো মোহচরিতো মানচরিতো লুদ্ধো অলসো একচিন্তী বালোতি। ইমে অট্ঠ পুগ্গলা মন্তিতং অত্থং ব্যাপাদেন্তী’’তি।
‘‘Bhante nāgasena, aṭṭhime puggalā mantiyamānā mantitaṃ atthaṃ byāpādenti. Katame aṭṭha? Rāgacarito dosacarito mohacarito mānacarito luddho alaso ekacintī bāloti. Ime aṭṭha puggalā mantitaṃ atthaṃ byāpādentī’’ti.
থেরো আহ ‘‘তেসং কো দোসো’’তি? ‘‘রাগচরিতো, ভন্তে নাগসেন, রাগৰসেন মন্তিতং অত্থং ব্যাপাদেতি, দোসচরিতো দোসৰসেন মন্তিতং অত্থং ব্যাপাদেতি, মোহচরিতো মোহৰসেন মন্তিতং অত্থং ব্যাপাদেতি, মানচরিতো মানৰসেন মন্তিতং অত্থং ব্যাপাদেতি, লুদ্ধো লোভৰসেন মন্তিতং অত্থং ব্যাপাদেতি, অলসো অলসতায মন্তিতং অত্থং ব্যাপাদেতি, একচিন্তী একচিন্তিতায মন্তিতং অত্থং ব্যাপাদেতি, বালো বালতায মন্তিতং অত্থং ব্যাপাদেতি। ভৰতীহ –
Thero āha ‘‘tesaṃ ko doso’’ti? ‘‘Rāgacarito, bhante nāgasena, rāgavasena mantitaṃ atthaṃ byāpādeti, dosacarito dosavasena mantitaṃ atthaṃ byāpādeti, mohacarito mohavasena mantitaṃ atthaṃ byāpādeti, mānacarito mānavasena mantitaṃ atthaṃ byāpādeti, luddho lobhavasena mantitaṃ atthaṃ byāpādeti, alaso alasatāya mantitaṃ atthaṃ byāpādeti, ekacintī ekacintitāya mantitaṃ atthaṃ byāpādeti, bālo bālatāya mantitaṃ atthaṃ byāpādeti. Bhavatīha –
‘‘‘রত্তো দুট্ঠো চ মূল়্হো চ, মানী লুদ্ধো তথালসো।
‘‘‘Ratto duṭṭho ca mūḷho ca, mānī luddho tathālaso;
একচিন্তী চ বালো চ, এতে অত্থৰিনাসকা’’’তি॥
Ekacintī ca bālo ca, ete atthavināsakā’’’ti.
অট্ঠ মন্তৰিনাসকপুগ্গলা।
Aṭṭha mantavināsakapuggalā.
