| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૨૩૨. અટ્ઠચીવરમાતિકા
232. Aṭṭhacīvaramātikā
૩૭૯. અટ્ઠિમા , ભિક્ખવે, માતિકા ચીવરસ્સ ઉપ્પાદાય – સીમાય દેતિ , કતિકાય દેતિ, ભિક્ખાપઞ્ઞત્તિયા દેતિ, સઙ્ઘસ્સ દેતિ, ઉભતોસઙ્ઘસ્સ દેતિ, વસ્સંવુટ્ઠસઙ્ઘસ્સ દેતિ, આદિસ્સ દેતિ, પુગ્ગલસ્સ દેતિ.
379. Aṭṭhimā , bhikkhave, mātikā cīvarassa uppādāya – sīmāya deti , katikāya deti, bhikkhāpaññattiyā deti, saṅghassa deti, ubhatosaṅghassa deti, vassaṃvuṭṭhasaṅghassa deti, ādissa deti, puggalassa deti.
સીમાય દેતિ – યાવતિકા ભિક્ખૂ અન્તોસીમગતા તેહિ ભાજેતબ્બં. કતિકાય દેતિ – સમ્બહુલા આવાસા સમાનલાભા હોન્તિ એકસ્મિં આવાસે દિન્ને સબ્બત્થ દિન્નં હોતિ. ભિક્ખાપઞ્ઞત્તિયા દેતિ, યત્થ સઙ્ઘસ્સ ધુવકારા કરિય્યન્તિ, તત્થ દેતિ. સઙ્ઘસ્સ દેતિ, સમ્મુખીભૂતેન સઙ્ઘેન ભાજેતબ્બં. ઉભતોસઙ્ઘસ્સ દેતિ, બહુકાપિ ભિક્ખૂ હોન્તિ, એકા ભિક્ખુની હોતિ, ઉપડ્ઢં દાતબ્બં, બહુકાપિ ભિક્ખુનિયો હોન્તિ, એકો ભિક્ખુ હોતિ, ઉપડ્ઢં દાતબ્બં. વસ્સંવુટ્ઠસઙ્ઘસ્સ દેતિ, યાવતિકા ભિક્ખૂ તસ્મિં આવાસે વસ્સંવુટ્ઠા, તેહિ ભાજેતબ્બં. આદિસ્સ દેતિ, યાગુયા વા ભત્તે વા ખાદનીયે વા ચીવરે વા સેનાસને વા ભેસજ્જે વા . પુગ્ગલસ્સ દેતિ, ‘‘ઇમં ચીવરં ઇત્થન્નામસ્સ દમ્મી’’તિ.
Sīmāya deti – yāvatikā bhikkhū antosīmagatā tehi bhājetabbaṃ. Katikāya deti – sambahulā āvāsā samānalābhā honti ekasmiṃ āvāse dinne sabbattha dinnaṃ hoti. Bhikkhāpaññattiyā deti, yattha saṅghassa dhuvakārā kariyyanti, tattha deti. Saṅghassa deti, sammukhībhūtena saṅghena bhājetabbaṃ. Ubhatosaṅghassa deti, bahukāpi bhikkhū honti, ekā bhikkhunī hoti, upaḍḍhaṃ dātabbaṃ, bahukāpi bhikkhuniyo honti, eko bhikkhu hoti, upaḍḍhaṃ dātabbaṃ. Vassaṃvuṭṭhasaṅghassa deti, yāvatikā bhikkhū tasmiṃ āvāse vassaṃvuṭṭhā, tehi bhājetabbaṃ. Ādissa deti, yāguyā vā bhatte vā khādanīye vā cīvare vā senāsane vā bhesajje vā . Puggalassa deti, ‘‘imaṃ cīvaraṃ itthannāmassa dammī’’ti.
અટ્ઠચીવરમાતિકા નિટ્ઠિતા.
Aṭṭhacīvaramātikā niṭṭhitā.
ચીવરક્ખન્ધકો અટ્ઠમો.
Cīvarakkhandhako aṭṭhamo.
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / અટ્ઠચીવરમાતિકાકથા • Aṭṭhacīvaramātikākathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / અટ્ઠચીવરમાતિકાકથાવણ્ણના • Aṭṭhacīvaramātikākathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અટ્ઠચીવરમાતિકાકથાવણ્ણના • Aṭṭhacīvaramātikākathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / અટ્ઠચીવરમાતિકાકથાવણ્ણના • Aṭṭhacīvaramātikākathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨૩૨. અટ્ઠચીવરમાતિકાકથા • 232. Aṭṭhacīvaramātikākathā
