| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૨૩૩. તસ્સુદ્દાનં
233. Tassuddānaṃ
રાજગહકો નેગમો, દિસ્વા વેસાલિયં ગણિં;
Rājagahako negamo, disvā vesāliyaṃ gaṇiṃ;
પુન રાજગહં ગન્ત્વા, રઞ્ઞો તં પટિવેદયિ.
Puna rājagahaṃ gantvā, rañño taṃ paṭivedayi.
પુત્તો સાલવતિકાય, અભયસ્સ હિ અત્રજો;
Putto sālavatikāya, abhayassa hi atrajo;
જીવતીતિ કુમારેન, સઙ્ખાતો જીવકો ઇતિ.
Jīvatīti kumārena, saṅkhāto jīvako iti.
સો હિ તક્કસીલં ગન્ત્વા, ઉગ્ગહેત્વા મહાભિસો;
So hi takkasīlaṃ gantvā, uggahetvā mahābhiso;
સત્તવસ્સિકઆબાધં, નત્થુકમ્મેન નાસયિ.
Sattavassikaābādhaṃ, natthukammena nāsayi.
રઞ્ઞો ભગન્દલાબાધં, આલેપેન અપાકડ્ઢિ;
Rañño bhagandalābādhaṃ, ālepena apākaḍḍhi;
મમઞ્ચ ઇત્થાગારઞ્ચ, બુદ્ધસઙ્ઘં ચુપટ્ઠહિ.
Mamañca itthāgārañca, buddhasaṅghaṃ cupaṭṭhahi.
રાજગહકો ચ સેટ્ઠિ, અન્તગણ્ઠિ તિકિચ્છિતં;
Rājagahako ca seṭṭhi, antagaṇṭhi tikicchitaṃ;
પજ્જોતસ્સ મહારોગં, ઘતપાનેન નાસયિ.
Pajjotassa mahārogaṃ, ghatapānena nāsayi.
અધિકારઞ્ચ સિવેય્યં, અભિસન્નં સિનેહતિ;
Adhikārañca siveyyaṃ, abhisannaṃ sinehati;
તીહિ ઉપ્પલહત્થેહિ, સમત્તિંસવિરેચનં.
Tīhi uppalahatthehi, samattiṃsavirecanaṃ.
પકતત્તં વરં યાચિ, સિવેય્યઞ્ચ પટિગ્ગહિ;
Pakatattaṃ varaṃ yāci, siveyyañca paṭiggahi;
ચીવરઞ્ચ ગિહિદાનં, અનુઞ્ઞાસિ તથાગતો.
Cīvarañca gihidānaṃ, anuññāsi tathāgato.
રાજગહે જનપદે બહું, ઉપ્પજ્જિ ચીવરં;
Rājagahe janapade bahuṃ, uppajji cīvaraṃ;
પાવારો કોસિયઞ્ચેવ, કોજવો અડ્ઢકાસિકં.
Pāvāro kosiyañceva, kojavo aḍḍhakāsikaṃ.
ઉચ્ચાવચા ચ સન્તુટ્ઠિ, નાગમેસાગમેસું ચ;
Uccāvacā ca santuṭṭhi, nāgamesāgamesuṃ ca;
પઠમં પચ્છા સદિસા, કતિકા ચ પટિહરું.
Paṭhamaṃ pacchā sadisā, katikā ca paṭiharuṃ.
ભણ્ડાગારં અગુત્તઞ્ચ, વુટ્ઠાપેન્તિ તથેવ ચ;
Bhaṇḍāgāraṃ aguttañca, vuṭṭhāpenti tatheva ca;
ઉસ્સન્નં કોલાહલઞ્ચ, કથં ભાજે કથં દદે.
Ussannaṃ kolāhalañca, kathaṃ bhāje kathaṃ dade.
સકાતિરેકભાગેન, પટિવીસો કથં દદે;
Sakātirekabhāgena, paṭivīso kathaṃ dade;
આરોપેન્તા ભાજનઞ્ચ, પાતિયા ચ છમાય ચ;
Āropentā bhājanañca, pātiyā ca chamāya ca;
ઉપચિકામજ્ઝે જીરન્તિ, એકતો પત્થિન્નેન ચ.
Upacikāmajjhe jīranti, ekato patthinnena ca.
ફરુસાચ્છિન્નચ્છિબન્ધા , અદ્દસાસિ ઉબ્ભણ્ડિતે;
Pharusācchinnacchibandhā , addasāsi ubbhaṇḍite;
વીમંસિત્વા સક્યમુનિ, અનુઞ્ઞાસિ તિચીવરં.
Vīmaṃsitvā sakyamuni, anuññāsi ticīvaraṃ.
અઞ્ઞેન અતિરેકેન, ઉપ્પજ્જિ છિદ્દમેવ ચ;
Aññena atirekena, uppajji chiddameva ca;
ચાતુદ્દીપો વરં યાચિ, દાતું વસ્સિકસાટિકં.
Cātuddīpo varaṃ yāci, dātuṃ vassikasāṭikaṃ.
આગન્તુગમિગિલાનં, ઉપટ્ઠાકઞ્ચ ભેસજ્જં;
Āgantugamigilānaṃ, upaṭṭhākañca bhesajjaṃ;
ધુવં ઉદકસાટિઞ્ચ, પણીતં અતિખુદ્દકં.
Dhuvaṃ udakasāṭiñca, paṇītaṃ atikhuddakaṃ.
થુલ્લકચ્છુમુખં ખોમં, પરિપુણ્ણં અધિટ્ઠાનં;
Thullakacchumukhaṃ khomaṃ, paripuṇṇaṃ adhiṭṭhānaṃ;
પચ્છિમં કતો ગરુકો, વિકણ્ણો સુત્તમોકિરિ.
Pacchimaṃ kato garuko, vikaṇṇo suttamokiri.
લુજ્જન્તિ નપ્પહોન્તિ, ચ અન્વાધિકં બહૂનિ ચ;
Lujjanti nappahonti, ca anvādhikaṃ bahūni ca;
અન્ધવને અસ્સતિયા, એકો વસ્સં ઉતુમ્હિ ચ.
Andhavane assatiyā, eko vassaṃ utumhi ca.
દ્વે ભાતુકા રાજગહે, ઉપનન્દો પુન દ્વિસુ;
Dve bhātukā rājagahe, upanando puna dvisu;
નગ્ગા કુસા વાકચીરં, ફલકો કેસકમ્બલં;
Naggā kusā vākacīraṃ, phalako kesakambalaṃ;
વાળઉલૂકપક્ખઞ્ચ, અજિનં અક્કનાળકં.
Vāḷaulūkapakkhañca, ajinaṃ akkanāḷakaṃ.
પોત્થકં નીલપીતઞ્ચ, લોહિતં મઞ્જિટ્ઠેન ચ;
Potthakaṃ nīlapītañca, lohitaṃ mañjiṭṭhena ca;
કણ્હા મહારઙ્ગનામ, અચ્છિન્નદસિકા તથા.
Kaṇhā mahāraṅganāma, acchinnadasikā tathā.
દીઘપુપ્ફફણદસા , કઞ્ચુતિરીટવેઠનં;
Dīghapupphaphaṇadasā , kañcutirīṭaveṭhanaṃ;
અનુપ્પન્ને પક્કમતિ, સઙ્ઘો ભિજ્જતિ તાવદે.
Anuppanne pakkamati, saṅgho bhijjati tāvade.
પક્ખે દદન્તિ સઙ્ઘસ્સ, આયસ્મા રેવતો પહિ;
Pakkhe dadanti saṅghassa, āyasmā revato pahi;
વિસ્સાસગાહાધિટ્ઠાતિ, અટ્ઠ ચીવરમાતિકાતિ.
Vissāsagāhādhiṭṭhāti, aṭṭha cīvaramātikāti.
ઇમમ્હિ ખન્ધકે વત્થૂ છન્નવુતિ.
Imamhi khandhake vatthū channavuti.
ચીવરક્ખન્ધકો નિટ્ઠિતો.
Cīvarakkhandhako niṭṭhito.
Footnotes:
