| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਅਤ੍ਤਕਾਰੀਸੁਤ੍ਤਂ
8. Attakārīsuttaṃ
੩੮. ਅਥ ਖੋ ਅਞ੍ਞਤਰੋ ਬ੍ਰਾਹ੍ਮਣੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਤਾ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਬ੍ਰਾਹ੍ਮਣੋ ਭਗવਨ੍ਤਂ ਏਤਦવੋਚ – ‘‘ਅਹਞ੍ਹਿ, ਭੋ ਗੋਤਮ, ਏવਂવਾਦੀ ਏવਂਦਿਟ੍ਠਿ – ‘ਨਤ੍ਥਿ ਅਤ੍ਤਕਾਰੋ, ਨਤ੍ਥਿ ਪਰਕਾਰੋ’’’ਤਿ। ‘‘ਮਾਹਂ, ਬ੍ਰਾਹ੍ਮਣ, ਏવਂવਾਦਿਂ ਏવਂਦਿਟ੍ਠਿਂ ਅਦ੍ਦਸਂ વਾ ਅਸ੍ਸੋਸਿਂ વਾ। ਕਥਞ੍ਹਿ ਨਾਮ ਸਯਂ ਅਭਿਕ੍ਕਮਨ੍ਤੋ, ਸਯਂ ਪਟਿਕ੍ਕਮਨ੍ਤੋ ਏવਂ વਕ੍ਖਤਿ – ‘ਨਤ੍ਥਿ ਅਤ੍ਤਕਾਰੋ, ਨਤ੍ਥਿ ਪਰਕਾਰੋ’’’ਤਿ!
38. Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho so brāhmaṇo bhagavantaṃ etadavoca – ‘‘ahañhi, bho gotama, evaṃvādī evaṃdiṭṭhi – ‘natthi attakāro, natthi parakāro’’’ti. ‘‘Māhaṃ, brāhmaṇa, evaṃvādiṃ evaṃdiṭṭhiṃ addasaṃ vā assosiṃ vā. Kathañhi nāma sayaṃ abhikkamanto, sayaṃ paṭikkamanto evaṃ vakkhati – ‘natthi attakāro, natthi parakāro’’’ti!
‘‘ਤਂ ਕਿਂ ਮਞ੍ਞਸਿ, ਬ੍ਰਾਹ੍ਮਣ, ਅਤ੍ਥਿ ਆਰਬ੍ਭਧਾਤੂ’’ਤਿ? ‘‘ਏવਂ, ਭੋ’’। ‘‘ਆਰਬ੍ਭਧਾਤੁਯਾ ਸਤਿ ਆਰਬ੍ਭવਨ੍ਤੋ ਸਤ੍ਤਾ ਪਞ੍ਞਾਯਨ੍ਤੀ’’ਤਿ? ‘‘ਏવਂ, ਭੋ’’। ‘‘ਯਂ ਖੋ, ਬ੍ਰਾਹ੍ਮਣ, ਆਰਬ੍ਭਧਾਤੁਯਾ ਸਤਿ ਆਰਬ੍ਭવਨ੍ਤੋ ਸਤ੍ਤਾ ਪਞ੍ਞਾਯਨ੍ਤਿ, ਅਯਂ ਸਤ੍ਤਾਨਂ ਅਤ੍ਤਕਾਰੋ ਅਯਂ ਪਰਕਾਰੋ’’।
‘‘Taṃ kiṃ maññasi, brāhmaṇa, atthi ārabbhadhātū’’ti? ‘‘Evaṃ, bho’’. ‘‘Ārabbhadhātuyā sati ārabbhavanto sattā paññāyantī’’ti? ‘‘Evaṃ, bho’’. ‘‘Yaṃ kho, brāhmaṇa, ārabbhadhātuyā sati ārabbhavanto sattā paññāyanti, ayaṃ sattānaṃ attakāro ayaṃ parakāro’’.
‘‘ਤਂ ਕਿਂ ਮਞ੍ਞਸਿ, ਬ੍ਰਾਹ੍ਮਣ, ਅਤ੍ਥਿ ਨਿਕ੍ਕਮਧਾਤੁ…ਪੇ॰… ਅਤ੍ਥਿ ਪਰਕ੍ਕਮਧਾਤੁ… ਅਤ੍ਥਿ ਥਾਮਧਾਤੁ… ਅਤ੍ਥਿ ਠਿਤਿਧਾਤੁ… ਅਤ੍ਥਿ ਉਪਕ੍ਕਮਧਾਤੂ’’ਤਿ? ‘‘ਏવਂ, ਭੋ’’। ‘‘ਉਪਕ੍ਕਮਧਾਤੁਯਾ ਸਤਿ ਉਪਕ੍ਕਮવਨ੍ਤੋ ਸਤ੍ਤਾ ਪਞ੍ਞਾਯਨ੍ਤੀ’’ਤਿ? ‘‘ਏવਂ, ਭੋ’’। ‘‘ਯਂ ਖੋ, ਬ੍ਰਾਹ੍ਮਣ, ਉਪਕ੍ਕਮਧਾਤੁਯਾ ਸਤਿ ਉਪਕ੍ਕਮવਨ੍ਤੋ ਸਤ੍ਤਾ ਪਞ੍ਞਾਯਨ੍ਤਿ, ਅਯਂ ਸਤ੍ਤਾਨਂ ਅਤ੍ਤਕਾਰੋ ਅਯਂ ਪਰਕਾਰੋ’’।
‘‘Taṃ kiṃ maññasi, brāhmaṇa, atthi nikkamadhātu…pe… atthi parakkamadhātu… atthi thāmadhātu… atthi ṭhitidhātu… atthi upakkamadhātū’’ti? ‘‘Evaṃ, bho’’. ‘‘Upakkamadhātuyā sati upakkamavanto sattā paññāyantī’’ti? ‘‘Evaṃ, bho’’. ‘‘Yaṃ kho, brāhmaṇa, upakkamadhātuyā sati upakkamavanto sattā paññāyanti, ayaṃ sattānaṃ attakāro ayaṃ parakāro’’.
‘‘ਮਾਹਂ, ਬ੍ਰਾਹ੍ਮਣ 1, ਏવਂવਾਦਿਂ ਏવਂਦਿਟ੍ਠਿਂ ਅਦ੍ਦਸਂ વਾ ਅਸ੍ਸੋਸਿਂ વਾ। ਕਥਞ੍ਹਿ ਨਾਮ ਸਯਂ ਅਭਿਕ੍ਕਮਨ੍ਤੋ ਸਯਂ ਪਟਿਕ੍ਕਮਨ੍ਤੋ ਏવਂ વਕ੍ਖਤਿ – ‘ਨਤ੍ਥਿ ਅਤ੍ਤਕਾਰੋ ਨਤ੍ਥਿ ਪਰਕਾਰੋ’’’ਤਿ।
‘‘Māhaṃ, brāhmaṇa 2, evaṃvādiṃ evaṃdiṭṭhiṃ addasaṃ vā assosiṃ vā. Kathañhi nāma sayaṃ abhikkamanto sayaṃ paṭikkamanto evaṃ vakkhati – ‘natthi attakāro natthi parakāro’’’ti.
‘‘ਅਭਿਕ੍ਕਨ੍ਤਂ, ਭੋ ਗੋਤਮ…ਪੇ॰… ਅਜ੍ਜਤਗ੍ਗੇ ਪਾਣੁਪੇਤਂ ਸਰਣਂ ਗਤ’’ਨ੍ਤਿ! ਅਟ੍ਠਮਂ।
‘‘Abhikkantaṃ, bho gotama…pe… ajjatagge pāṇupetaṃ saraṇaṃ gata’’nti! Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਅਤ੍ਤਕਾਰੀਸੁਤ੍ਤવਣ੍ਣਨਾ • 8. Attakārīsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੧੧. ਅਤ੍ਤਕਾਰੀਸੁਤ੍ਤਾਦਿવਣ੍ਣਨਾ • 8-11. Attakārīsuttādivaṇṇanā
